<p>បើទោះជាមិនទាន់បង្ហាញខ្លួនក្នុងទីផ្សារ ប៉ុន្តែ តម្លៃរបស់ iPhone 7 បានលេចចេញនៅលើ<br />បណ្ដាញសង្គមចិនរួចទៅហើយ។</p>
<p>ទោះបីស្មាតហ្វូន iPhone 7 របស់ Apple ត្រូវបានក្រុមអ្នកជំនាញព្យាករណ៍ថា នឹងមិនមានការ<br />ផ្លាស់ប្ដូរច្រើន ប៉ុន្តែ ថ្មីៗនេះ តម្លៃរបស់ទូរស័ព្ទនេះ បានបង្ហាញខ្លួននៅពាស់ពេញបណ្ដាញ<br />សង្គមចិន ធ្វើឱ្យអ្នកគាំទ្រ iPhone មានការងឿងឆ្ងល់ជាខ្លាំង។</p>
<p style="text-align: center;"><a class="thickbox" title="" href="/FileManager/Commons/2016/6/24/pro-24-06-2016--09-00-44.jpg"><img src="/FileManager/Articles/mce/2016/6/24/pro-24-06-2016--09-00-44.jpg" alt="" /></a></p>
<p>យោងតាមព័ត៌មានបែកធ្លាយ iPhone 7 ឆ្នាំនេះនឹងមានកំណែចំនួនបីសម្រាប់ជ្រើសរើស គឺ<br /> iPhone 7, iPhone 7 Plus និង iPhone 7 Pro ។ ក្នុងនោះ តម្លៃរបស់ iPhone 7 Pro ខ្ពស់ជាងគេ។</p>
<p>ចំនុចគួរចាប់អារម្មណ៍ជាងគេ គឺថា ចាប់ពីជំនាន់ iPhone 7 គេជឿថា Apple នឹងបំបាត់ចោល<br />កំណែអង្គចងចាំ 16GB ហើយជំនួសមកវិញ ក្រុមហ៊ុននេះនឹងបន្ថែមកំណែ 256GB នេះបើតាម<br />ប្រភពព័ត៌មានពីចិន។</p>
<p>ជាក់ស្ដែង iPhone 7 នឹងមានកំណែអង្គចងចាំ 32 / 64 /128 GB។ ចំណែក iPhone 7 Plus និង<br /> iPhone 7 Pro នឹងមិនមានកំណែ 64GB ប៉ុន្តែវានឹងមានកំណែ 256GB។</p>
<p>ទាក់ទឹននេះតម្លៃលក់របស់ iPhone 7 / 7 Plus / 7 Pro ប្រភពព័ត៌មានពីចិន ឱ្យដឹងថា ៖</p>
<p>-iPhone 7 ៖ កំណែ 32GB តម្លៃ ៥.២៨៨ យ័ន (ប្រហែល ៨០៣ដុល្លារអាមេរិក)។ កំណែ 64GB<br /> តម្លៃ ៦.០៨៨យ័ន (ប្រហែល ៩២៥ដុល្លារ)។ កំណែ 256GB តម្លៃ ៧០៨៨យ័ន (ប្រហែល <br />១០៧៦ដុល្លារអាមេរិក)។</p>
<p>-iPhone 7 Plus ៖ កំណែ 32GB តម្លៃ ៦០៨៨យ័ន (ប្រហែល ៩២៥ដុល្លារ)។ កំណែ 128GB តម្លៃ<br /> ៦៨៨៨យ័ន (ប្រហែល ១០៤៦ដុល្លារ)។ កំណែ 256GB តម្លៃ ៧៨៨៨យ័ន (ប្រហែល ១១៩៨<br />ដុល្លារ)។</p>
<p>-iPhone 7 Pro ៖ កំណែ 32GB តម្លៃ ៧០៨៨យ័ន (ប្រហែល ១០៧៦ដុល្លារ)។ កំណែ 128GB<br /> តម្លៃ ៧៨៨៨យ័ន (ប្រហែល ១១៩៨ដុល្លារ)។ កំណែ 256GB តម្លៃ ៨៨៨៨យ័ន (ប្រហែល<br /> ១៣៥០ដុល្លារអាមេរិក)។</p>
<p>បើគេប្រៀបធៀបតម្លៃរបស់ iPhone 6s និង iPhone 6s Plus ជាមួយនឹងតម្លៃរបស់ iPhone 7 <br />និង iPhone 7 Plus នោះ វាហាក់មិនមានការប្រែប្រួលប៉ុន្មាននោះទេ។ ប៉ុន្តែ iPhone 7 Pro មាន<br />តម្លៃខ្ពស់ជាងគេបំផុត ពោលគឺប្រមាណជា ១៣៥០ដុល្លារអាមេរិក។</p>
<p>ប៉ុន្តែ គួរឱ្យស្ដាយ ក្រៅតែពីតម្លៃ ប្រភពព័ត៌មាន មិនបានបង្ហើបអំពីគ្រឿងម៉ាស៊ីនរបស់ស្មាតហ្វូន<br /> iPhone 7 Pro នោះឡើយ ហើយវានៅតែជាសំនួរមួយដែលសួរថា ហេតុអ្វីបានជា iPhone 7<br /> Pro មានតម្លៃថ្លៃបែបនេះ?</p>
<p style="text-align: right;">ប្រែសម្រួល ៖ បុត្រា</p>