<p><span style="color: #000000;"><strong>(ភ្នំពេញ)៖</strong> តារាចម្រៀងបែបស្រគត់ស្រគំ មានទឹកដមសំនៀងក្រអៅក្រអួន កញ្ញា សុគន្ធ និសា ត្រូវបានគេបង្ហើបឲ្យដឹងថា ចូលមកដល់ដើមឆ្នាំ២០១៧នេះ នាងចាប់ផ្ដើមពង្រឹងតម្លៃខ្លួនខ្លាំងជាងមុន បន្ទាប់ពីជោគជ័យលើការចេញបទចម្រៀងនៅលើទីផ្សារ និងបណ្ដាក្រុមហ៊ុននានា មានតម្រូវការលើរូបនាងខ្ពស់ ដើម្បីច្រៀងលើឆាក និងផ្សព្វផ្សាយលើម៉ាកផលិតផលនានា។</span></p>
<p><span style="color: #000000;">តារាចម្រៀងដែលបានរត់គេចពីស្នេហ៍ចាស់ កញ្ញា សុគន្ធ និសា បានត្រឡប់មកចូលទ្រនំចាស់វិញ គឺផលិតកម្មហង្សមាស បន្ទាប់ពីអតីតគូស្នេហ៍ចាស់របស់នាង គឺលោក សុខ ជំនោរ បានសម្រេចចិត្តចាកចេញ ។ សុគន្ធ និសា មិនត្រឹមតែត្រឡប់មកវិញ ជាមួយភាពជោគជ័យប៉ុណ្ណោះទេ នាងថែមទាំងជោគជ័យ លើសពីការរំពឹងទុកទៅទៀត ព្រោះបទចម្រៀងទើបចេញថ្មីចុងក្រោយ មានចំណងជើងថា «<strong>គូស្នេហ៍សំណាងជាងគេ»</strong> ដែលច្រៀងជាមួយ លោក ព្រាប សុវត្ថិ បានជោគជ័យលើសការរំពឹងទុកទៅទៀត។</span></p>
<p><span style="color: #000000;"><a class="thickbox" title="" href="/FileManager/Commons/2017/1/18/24-18-01-2017--11-21-45.jpg"><img src="/FileManager/Articles/mce/2017/1/18/24-18-01-2017--11-21-45.jpg" alt="" /></a><br /></span></p>
<p><span style="color: #000000;">ស្របពេលដែលប្រជាប្រិយភាព ហាក់កាន់តែល្បីខ្លាំងកប់កំពូល កញ្ញា សុគន្ធ និសា បានឡើងតម្លៃខ្លួនឡើងវិញ ខណៈកាលពីនៅផលិតកម្ម ថោន តម្លៃខ្លួនរបស់នាងត្រឹមតែ១០០០ទៅ១៥០០ដុល្លារអាមេរិកប៉ុណ្ណោះ ក្នុង១យប់។ ចំណែកឯតម្លៃខ្លួនក្នុងការថតស្ពតពាណិជ្ជកម្ម មានចន្លោះពី ៣០០០ទៅ១០០០០ដុល្លារ ទៅតាមទំហំនៃការងារ។ ប៉ុន្តែគ្រាន់តែឈានជើងចូលក្នុងផលិតកម្មចាស់វិញភ្លាម បទចម្រៀងថ្មីៗចេញច្រើន ការចេញច្រៀងតាមបណ្ដាខេត្ត ក៏ច្រើនធ្វើឲ្យ សុគន្ធ និសា មានទឹកមាត់លេបវិញភ្លាមៗ ដែលតម្លៃនាងបានហក់ឡើងពី ១៥០០ ទៅ២៥០០ដុល្លារ ទៅតាមកម្មវិធីតូចធ។ នេះយោងទៅតាមអ្នកផលិតកម្មវិធីទូរទស្សន៍មួយចំនួន បាននិយាយប្រាប់ Khmertalking។</span></p>
<p><span style="color: #000000;">យ៉ាងណាមិញ តារាចម្រៀង សុគន្ធ និសា បានឡើងតម្លៃខ្លួនមែន ប៉ុន្តែគ្មានអតិថិជនណា រារែកនឹងតម្លៃខ្លួនថ្មីរបស់នាងនេះទេ ព្រោះជាកំពូលតារាចម្រៀងល្បីជួរមុខ ហើយអ្វីដែលសំខាន់ នាងជាតារាចម្រៀងស្រី បកស្រាយបទចម្រៀងពីដើមបានពីរោះខ្លាំង។ ម្យ៉ាងទៀត សុគន្ធ និសា ចេះតុបតែងខ្លួនបែបសុភាពៗ ធ្វើឲ្យភ្ញៀវពេញចិត្តច្រើន ហើយពិសេស នាងមិនសូវមានលក្ខខណ្ឌច្រើន ដូចតារាមួយចំនួន ទើបនាងមានការងារធ្វើមិនដាច់ឡើយ។</span></p>
<p><span style="color: #000000;">កញ្ញា សុគន្ធ និសា ក្រៅពីចេញច្រៀងតាមកម្មវិធីធំៗ នាងហាក់ដូចជាស្ងប់ស្ងាត់រឿងមុខរបររកស៊ី ហើយប្រឹងប្រែងក្នុងអាជីពសិល្បៈ ដែលខុសពីកាលនាងនៅក្នុងផលិតកម្ម ថោន រកស៊ីមានហាងពីបីម្នាក់ឯង៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-32-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-18-11-00-33-11.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>