<div class="article-content">
<p><strong>កណ្ដាលៈ</strong> លោកសង្ឃ ៣អង្គ ដែលគង់រៀនសូត្រ នៅក្នុងវត្តជលធារ៉ាសម្បត្តិ ហៅវត្ត ទួល ក្រសាំង<br /> នៅថ្ងៃចូលឆ្នាំបង្ហើយបានបបួលគ្នា ទិញស្រាបៀរ ផឹក រហូតដល់ស្រវឹងស្រែកឡូឡា ពេញកុដិ បង្ក<br />ការភ្ញាក់ផ្អើលដល់ពុទ្ធបរិស័ទនាំគ្នា មកចោមរោមមើល ហើយចុងក្រោយត្រូវ សមត្ថកិច្ចនាំខ្លួន ។</p>
<p>ហេតុការណ៍ភ្ញាក់ផ្អើល ព្រះសង្ឃនាំគ្នាឆាន់ស្រា រហូតស្រវឹងស្រែកឡូឡា ខាងលើនេះកើត ឡើង <br />កាលពីវេលាម៉ោង ៦និង ១០នាទីល្ងាច ថ្ងៃទី១៦ ខែមេសា ឆ្នាំ២០១៣ នៅក្នុងវត្តជលធារ៉ាសម្បត្តិ <br />ហៅវត្ត ទួលក្រសាំង ស្ថិតក្នុងភូមិទួលក្រសាំង ឃុំរកាខ្ពស់ ស្រុកស្អាង ខេត្តកណ្តាល ។</p>
<p>ប្រភពព័ត៌មាន ពីមន្ត្រីនគរបាលបាន ឲ្យដឹងថា ព្រះសង្ឃ ៣អង្គ ដែលមកគង់ នៅវត្តខាងលើហើយ<br />នាំគ្នាឆាន់ ស្រា រហូតស្រវឹង មានព្រះនាម ទី១-យិន នឿម ព្រះជន្ម២៩ឆ្នាំ មាន ស្រុកកំណើត នៅ<br />ភូមិកែរ៉ង ឃុំឈើទាល ស្រុក សណ្ដាន់ ខេត្តកំពង់ធំ, ទី២-អ៊ឹម ចាន់ថន ព្រះជន្ម ២២ ឆ្នាំ មានស្រុក<br />កំណើតនៅភូមិ-ឃុំគោកបន្ទាយ ស្រុក រលាប្អៀរ ខេត្តកំពង់ឆ្នាំង និងទី៣-ខាត់ សារ៉ាត់ ព្រះជន្ម ២២<br /> ឆ្នាំ មានស្រុកកំណើត នៅភូមិ-ឃុំគោកបន្ទាយ ស្រុក រលាប្អៀរ ខេត្តកំពង់ឆ្នាំង ។ ព្រះសង្ឃទាំង៣<br />អង្គនេះ បានមកគង់ និងរៀនសូត្រនៅវត្តខាងលើ។</p>
<p>ប្រភពដដែលបន្តថា បន្ទាប់ពីព្រះសង្ឃទាំង ៣ អង្គ ខាងលើ ឆាន់ស្រាហើយស្រែកឡូឡាឮដល់ពុទ្ធ <br />បរិស័ទ ដែលនាំគ្នាមកធ្វើបុណ្យមានគ្នារាប់រយ នាក់នាំគ្នាឡោមព័ទ្ធវត្តហើយចង់ផ្ទុះអំពើហិង្សា ក៏<br />ព្រោះតែមានកំហឹង មិនគួរព្រះសង្ឃមក ឆាន់ស្រា ធ្វើឲ្យខូចដល់ព្រះសង្ឃឯទៀត ជាពិសេស ប៉ះ<br />ពាល់ដល់សាសនា ព្រះពុទ្ធ ដែលជាសាសនា របស់រដ្ឋ។ ក្រោយពីប្រជាពលរដ្ឋរាប់រយនាក់ ឡោម<br />ព័ទ្ធវត្ត សមត្ថកិច្ច បានចុះទៅធ្វើអន្តរាគមន៍ ហើយ យកព្រះសង្ឃទាំង ៣អង្គខាងលើ មកកាន់វត្ត<br />ឈូងលៀប ស្ថិតក្នុងឃុំរកាខ្ពស់ ស្រុកស្អាង ជាបណ្ដោះអាសន្ន ដើម្បីដោះស្រាយ ជាក្រោយ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0412.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0413.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>