<p><span style="color: #000000;"><strong>(ហ្សាកាតា)៖</strong> លោក Badrodin Haiti មេប៉ូលិសឥណ្ឌូនេស៊ី បានថ្លែងឲ្យដឹងនៅថ្ងៃអង្គារ ទី១៩ ខែមករានេះថា ការវាយប្រហារកណ្ដាលទីក្រុងហ្សាកាតា កាលពីសប្ដាហ៍មុន គឺជាផែនការណ៍ B របស់ក្រុមឧទ្ទាម ISIS ដែលគម្រោង នៃការវាយប្រហារនេះ គឺត្រូវបានគ្រោងធ្វើឡើង ក្នុងទ្រង់ទ្រាយធំ ។ នេះបើយោងតាមការចេញផ្សាយ របស់ Channel News Asia នៅថ្ងៃទី១៩ ខែមករា។</span></p>
<p><span style="color: #000000;">លោក Haiti បានបញ្ជាក់ថា តាមពិតក្រុម ISIS បានគម្រោងវាយប្រហារឥណ្ឌូនេស៊ី កាលពីអំឡុងពេលរដូវបុណ្យ Christmas និងឆ្លងឆ្នាំសកល ដែលគម្រោងនោះ ត្រូវបានលោកមេប៉ូលិសរូបនេះ បញ្ជាក់ថា ជាផែកការណ៍ A ប៉ុន្តែគម្រោងមួយនោះ ត្រូវបានបរាជ័យ ដោយក្រុម ISIS បានបញ្ជូនសារមួយថា ពួកគេនឹងវាយប្រហារ ជាលក្ខណៈទ្រង់ទ្រាយធំលំដាប់អន្តរជាតិ។</span></p>
<p><span style="color: #000000;">ការវាយប្រហារនៅកណ្ដាលទីក្រុងហ្សាកាតា កាលពីសប្ដាហ៍មុននេះ ត្រូវបានគេចាត់ទុកថា ជាការវាយប្រហារធំមួយ នៅតំបន់អាស៊ីអាគ្នេយ៍ ពីសំណាក់ក្រុម ISIS ហើយវាក៏ជាសារគំរាមមួយ ដល់បណ្ដាលប្រទេសមួយចំនួន នៅក្នុងតំបន់អាស៊ីអាគ្នេយ៍ផងដែរ។</span></p>
<p><span style="color: #000000;">អាជ្ញាធរឥណ្ឌូនេស៊ី បានបញ្ជាក់ថា មានជនជាតិឥណ្ឌូនេស៊ី ប្រមាណ ៥០០នាក់ បានចាកចេញពីប្រទេស ទៅកាន់តំបន់មជ្ឈិម ដើម្បីចូលរួមជាមួយក្រុម ISIS ហើយក្នុងនោះ មានប្រមាណជា ១០០នាក់ បានត្រឡប់មកកាន់ស្រុកកំណើតវិញ ប៉ុន្តែមានតែប៉ុន្មាននាក់ប៉ុណ្ណោះ ដែលមានជំនាញខាងប្រយុទ្ធ។</span></p>
<p><span style="color: #000000;">គួរបញ្ជាក់ផងដែរថា កាលពីសប្ដាហ៍មុន មានការវប្រហារមួយ នៅកណ្ដាលទីក្រុងហ្សាកាតា ដោយមានការបំផ្ទុះគ្រាប់បែក និងការវាយតបតជាមួយប៉ូលិស ដោយក្នុងការវាយប្រហារនោះ មានមនុស្សស្លាប់៨នាក់ ក្នុងនោះមាន ក្រុមឧទ្ទាម៤នាក់ និងមានមនុស្សជាច្រើននាក់ រងរបួស៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/19/17-19-01-2016--14-31-17.jpg"><img src="/FileManager/Articles/mce/2016/1/19/17-19-01-2016--14-31-17.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>