<p><span style="color: #000000;"><strong>(ឥណ្ឌា)៖</strong> ក្មេងប្រុសអាយុ១៥ឆ្នាំម្នាក់ រស់នៅប្រទេសឥណ្ឌា បានបាត់បង់ជីវិតដោយស្មានមិនដល់ បន្ទាប់ពីគេព្យាយាមថតរូប Selfie ជាមួយសត្វដំរីមួយក្បាល។ ហេតុការណ៍នេះកើតឡើង នៅក្នុងស្រុក Araria, Bihar ក្មេងប្រុសរងគ្រោះឈ្មោះ Mithun Paswan នៅថ្ងៃកើតហេតុ គេបានឈរជាមួយមនុស្សជាច្រើននាំគ្នា មើលសត្វដំរីព្រៃមួយក្បាល ដែលវាស្ថិតនៅក្នុងភូមិ Majlispur ពេលនោះ Mithun និងមិត្តភក្តិគេពីរនាក់ទៀត ក៏ដើរទៅជិតដំរី ដើម្បីថតរូប Selfie ស្រាប់តែដំរីស្ទុះ មករកពួកគេតែម្តង។</span></p>
<p><span style="color: #000000;">មិត្តភក្តិរបស់ក្មេងប្រុសរងគ្រោះ បានរត់គេចចេញហើយ Mithun ក៏រត់នឹងគេដែរ ប៉ុន្តែគេចមិនផុត ព្រោះដំរីបានស្ទុះសំដៅ មកជាន់គេទៅហើយ។ សាក្សីដែលបានឃើញហេតុការណ៍ ពីចំងាយបានទូរស័ព្ទហៅក្រុមសង្គ្រោះ មកកាន់ទីនោះភ្លាមៗ ហើយពួកគេក៏ដឹកយកក្មេងប្រុស ទៅមន្ទីរពេទ្យតែគេត្រូវគ្រូពេទ្យ ប្រកាសថា Mithun ស្លាប់ទៅហើយ។</span></p>
<p><span style="color: #000000;">ក្រុមអភិរក្សសត្វព្រៃ កំពុងតាមរកសត្វដំរីបង្កហេតុ ព្រោះក្រោយពីវាជាន់ក្មេងប្រុសឲ្យស្លាប់ ហើយដំរីនោះក៏បាត់ដែរតែគេជឿថា វាប្រាកដជាដើរចូល ក្នុងភូមិណាមួយមិនខាន ហើយទំនងមើលទៅដំរីនេះ អាចនឹងចុះប្រេងទើបវាស្ទុះ ទៅជាន់មនុស្សទាំងកំរោលបែបនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/26/11-26-01-2016--09-57-09.jpg"><img src="/FileManager/Articles/mce/2016/1/26/11-26-01-2016--09-57-09.jpg" alt="" /></a></span></p>
<p> <span style="color: #0000ff;">បញ្ជាក់ ៖ រូបភាព ឯកសារ (រូបភាព តំណាង)</span><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>