<p><span style="color: #000000;">ថៃ ៖ ទារកអាយុ៧ខែ មានឈ្មោះថា Aidin រស់នៅក្នុងខែត្រ Khon Kaen ប្រទេសថៃ ត្រូវគេប្រទះឃើញកប់ក្នុងដីជម្រៅ ២០សង់ទីម៉ែត្រកាលពីខែកុម្ភៈកន្លងទៅ ។ ប្រការដែលគួរចាប់អារម្មណ៍គឺនៅលើដងខ្លួនទារកនេះ មានស្នាមកាំបិតចំនួន ១៤កន្លែង ដែលនេះប្រហែលជាជនដៃដល់ចង់ចាក់ចម្លាប់ មុននឹងកប់ចោល ។</span></p>
<p><span style="color: #000000;">ប៉ុន្តែ អ្នកឃ្វាលសត្វម្នាក់មានឈ្មោះថា Kachit Krongyut បានឃើញជើងដ៏តូចមួយផុសពីដីក្រោមដើមឈើមួយដើម និងឮសម្លេងយំហើយក៏ប្រញាប់កាយដី ទើបដឹងថា មានទារកម្នាក់ត្រូវគេកប់ ទាំងរស់ ។</span></p>
<p><span style="color: #000000;">អ្នកស្រី Kachit Krongyut ឱ្យដឹងថា “ដំបូងខ្ញុំគិតថា មានអ្នកណាម្នាក់កប់សត្វចិញ្ចឹមរបស់ខ្លួន ប៉ុន្តែភ្លាមនោះ ខ្ញុំបានឃើញជើងតូចមួយ។ ខ្ញុំបានហៅឱ្យគេជួយ។ ពេលកាយឡើង ខ្ញុំឃើញទារកនេះត្រូវគេកប់ផ្កាប់មុខ” ។</span></p>
<p><span style="color: #000000;"><a class="thickbox" title="" href="/FileManager/Commons/2018/12/27/3-27-12-2018--10-41-57.PNG"><img src="/FileManager/Articles/mce/2018/12/27/3-27-12-2018--10-41-57.PNG" alt="" /></a><br /></span></p>
<p><span style="color: #000000;">ទារកនេះ ត្រូវបានគេបញ្ជូនទៅកាន់មន្ទីរពេទ្យដើម្បីព្យាបាល។ ក្រុមគ្រូពេទ្យនិយាយថា កម្លាំងដីខ្សាច់ដែលសង្កត់ពីលើមុខរបួសបានជួយឃាត់ឈាមមិនឱ្យហូរ ដែលនេះបានជួយឱ្យទារកនៅមានជីវិត ។</span></p>
<p><span style="color: #000000;">បើទោះត្រូវរបួសជាទម្ងន់ និងត្រូវកប់ទាំងរស់ ប៉ុន្តែ ទារកនេះ បានជាសះស្បើយយ៉ាងលឿន។ ក្រោយពីសុខភាពបានល្អឡើងវិញ ទារក Aidin ត្រូវបានបញ្ជូនទៅថែទាំនៅក្នុងមណ្ឌលកុមារកំព្រា ។</span></p>
<p><span style="color: #000000;">សំណាងល្អណាស់ មិនយូរប៉ុន្មាន ទារក Aidin ត្រូវបានគូស្វាមីភរិយាជនជាតិស៊ុយអែតសុំយកទៅចិញ្ចឹម។ Supachai Pathimchart ប្រធានមណ្ឌលកុមារកំព្រាបានឱ្យដឹងថា “យើងខ្ញុំបានពិនិត្យយ៉ាងល្អិតល្អន់ដើម្បីធានាឱ្យបានថា Aidin នឹងត្រូវបានទទួលចិញ្ចឹមដោយគ្រួសារល្អមួយ” ៕</span></p>
<p><span style="color: #000000;"><a class="thickbox" title="" href="/FileManager/Commons/2018/12/27/4-27-12-2018--10-42-05.PNG"><img src="/FileManager/Articles/mce/2018/12/27/4-27-12-2018--10-42-05.PNG" alt="" /></a></span></p>
<p><br /><a class="c_tab" href="/News/Detail/50164/welcome-to-advertisement-page-of-camnews-with-price-discount-50-percent" target="_blank"><img src="/FileManager/Articles/mce/2018/12/27/camnews-banner-27-12-2018--10-42-12.gif" alt="" /></a><span style="color: #000000;"><a class="thickbox" title="" href="/FileManager/Commons/2018/12/27/4-27-12-2018--10-42-05.PNG"></a><br /></span></p>
<p style="text-align: right;"><span style="color: #000000;">ដោយ ៖ គន្ធា</span></p>
<p style="text-align: right;"><span style="color: #000000;">ប្រភព ៖ Dailymail</span></p>