<p><span style="color: #000000;"><strong>(បរទេស)៖</strong> ដោយសារបច្ចុប្បន្ននេះ ជាសម័យបច្ចេកវិទ្យាទំនើប ទើបធ្វើឲ្យតំរូវការស្វែងយល់ អំពីព័ត៌មាននៅក្នុងសង្គមនីមួយៗ ពិតជាមានសារៈសំខាន់ណាស់ សម្រាប់ប្រជាជនរស់នៅទូទាំងសកលលោក។ ហេតុដូចនេះ ក្នុងគោលបំណងដើម្បីអាចឲ្យមនុស្សសិក្សា និងស្វែងយល់ដឹងអំពី ព័ត៌មាននៅក្នុងសង្គមមួយបាន គឺពួកគេត្រូវការ ការអានជាចាំបាច់។ ខាងក្រោមនេះ ជាជនជាតិទាំង១០ ដែលចូលចិត្តអានច្រើនជាងគេក្នុងពិភពលោក៖</span></p>
<p style="text-align: center;"><span style="color: #000000;"><img src="https://s3-ap-southeast-1.amazonaws.com/images.freshnews/fn.photo-002/K-1527.jpg" alt="" width="800" /></span></p>
<p><span style="color: #000000;"><strong>១. ជនជាតិឥណ្ឌា៖</strong> ត្រូវបានគេចាត់ទុកថា ជាជនជាតិទី១ ដែលមានការអានច្រើនជាងគេបំផុត ក្នុងពិភពលោក ដោយសារជាមធ្យមជនជាតិឥណ្ឌាម្នាក់ បានចំណាយពេលចំនួន ១០ ម៉ោង និង៤២ នាទី សម្រាប់ការអានក្នុងមួយសប្ដាហ៍។</span></p>
<p><span style="color: #000000;"><strong>២. ជនជាតិថៃ៖</strong> សម្រាប់ជនជាតិថៃម្នាក់ ជាមធ្យមក្នុងមួយសប្ដាហ៍ បានចំណាយពេល ដើម្បីអានចំនួន ៩ ម៉ោង និង ២៤ នាទី។</span></p>
<p><span style="color: #000000;"><strong>៣. ជនជាតិចិន ៖</strong> ស្ថិតនៅលេងរៀងទី៣ ក្នុងចំណោមជនជាតិ ដែលមានការអានដ៏ច្រើនជាងគេ ក្នុងពិភពលោក គឺជនជាតិចិន ដោយជាមធ្យមក្នុងមួយសប្ដាហ៍ ជនជាតិចិនម្នាក់ បានចំណាយពេលចំនួន ៨ ម៉ោងសម្រាប់ការអាន។</span></p>
<p><span style="color: #000000;"><strong>៤. ជនជាតិហ្វីលីពីន៖</strong> ជាមធ្យមជនជាតិហ្វីលីពីន បានចំណាយពេលសម្រាប់ការអាន ក្នុងមួយសប្ដាហ៍ចំនួន ៧ ម៉ោង និង ៣៦ នាទី។</span></p>
<p><span style="color: #000000;"><strong>៥. ជនជាតិអេហ្ស៊ីប ៖</strong> ជាជនជាតិទី៥ ដែលមានការអានដ៏ច្រើនជាងគេ ក្នុងពិភពលោក ដែលជាមធ្យមជនជាតិអេហ្ស៊ីបម្នាក់ បានចំណាយពេលចំនួន ៧ ម៉ោង និង ៣០ នាទី ក្នុងមួយសប្ដាហ៍ សម្រាប់ការអាន។</span></p>
<p><span style="color: #000000;"><strong>៦. ជនជាតិឆែក (Czech)៖</strong> ជាមធ្យមជនជាតិឆែកម្នាក់ បានចំណាយពេល សម្រាប់ការអាន ក្នុងមួយសប្ដាហ៍ចំនួន ៧ ម៉ោង និង ២៤ នាទី។</span></p>
<p><span style="color: #000000;"><strong>៧. ជនជាតិរុស្ស៊ី ៖</strong> ជាមធ្យមជនជាតិរុស្ស៊ីម្នាក់ បានចំណាយពេល សម្រាប់ការអាន ក្នុងមួយសប្ដាហ៍ចំនួន ៧ ម៉ោង និង ០៦ នាទី។</span></p>
<p><span style="color: #000000;"><strong>៨. ជនជាតិស៊ុយអែត ៖</strong> ជាមធ្យមក្នុងមួយសប្ដាហ៍ ជនជាតិស៊ុយអែតម្នាក់ បានចំណាយពេលចំនួន ៦ ម៉ោង និង ៥៤ នាទី សម្រាប់ការអាន។</span></p>
<p><span style="color: #000000;"><strong>៩. ជនជាតិបារាំង ៖</strong> ជាមធ្យមក្នុងមួយសប្ដាហ៍ ជនជាតិបារាំងម្នាក់ បានចំណាយពេលចំនួន ៦ ម៉ោង និង ៥៤ នាទី សម្រាប់ការអាន។</span></p>
<p><span style="color: #000000;"><strong>១០. ជនជាតិហុងគ្រី ៖</strong> សម្រាប់លេខរៀងទី១០ ក្នុងចំណោមជនជាតិ ដែលមានការអានដ៏ច្រើនជាងគេ ក្នុងពិភពលោក គឺជនជាតិហុងគ្រី។ ជាមធ្យមជនជាតិនេះម្នាក់ បានចំណាយពេលចំនួន ៦ ម៉ោង និង ៥៤ នាទី សម្រាប់ការអាន៕</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>