<p><span style="color: #000000;"><strong>(ភ្នំពេញ)៖</strong> ក្រសួងសេដ្ឋកិច្ច និងហិរញ្ញវត្ថុ ប្រកាសដាក់ដេញថ្លៃលក់ឈើ និង កូនឈើជិត ៩ពាន់ម៉ែត្រគូប ដែលរឹបអូសបានពីបទល្មើសនា ពេលកន្លងទៅ។</span></p>
<p><span style="color: #000000;">យោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ ដែល Fresh News ទទួលបាននៅព្រឹកថ្ងៃទី០៧ ខែកក្កដា ឆ្នាំ២០១៦ នេះ បានឲ្យដឹងថា ឈើដែលដាក់ដេញថ្លៃលក់នេះ ស្ថិតនៅក្នុងខេត្តរតនគិរី ខេត្តក្រចេះ និងខេត្តត្បូង។ ក្រសួង បានឲ្យដឹងថា ឈើដែលដាក់ ឲ្យដេញថ្លៃទាំង៣ខេត្តនេះ មានចំនួនសរុប ៨,៩១០.៥៥៣ម៉ែត្រគូប ហើយតម្លៃមូលដ្ឋានមានចំនួនសរុបប្រមាណ ៦,៦៥៨,២១៩,៦២០ រៀល ស្មើនិង ១,៦៦៤,៥៥៤.៩០៥ដុល្លារអាមេរិក។</span></p>
<p><span style="color: #000000;">ក្រសួងបានបន្ថែមថា ពាក្យដេញថ្លៃនឹងចាប់ផ្តើមលក់ និងទទួលចាប់ពីថ្ងៃទី០៦ រហូតដល់ថ្ងៃទី១៤ ខែកក្កដា ឆ្នាំ២០១៦។ ពាក្យចូលរួម ដេញថ្លៃមានលក់នៅក្រសួងបរិស្ថាន និងរដ្ឋបាលព្រៃឈើ។</span></p>
<p><span style="color: #000000;">ការដេញថ្លៃនឹងធ្វើឡើងជាបន្តបន្ទាប់នៅតាមសាលាខេត្តនីមួយៗ ចាប់ពីថ្ងៃទី២៦-២៨ ខែកកក្កដា ឆ្នាំ២០១៦នេះ វេលាម៉ោង ៩ព្រឹក៕</span></p>
<p><span style="color: #000000;"><img src="http://image.freshnewsasia.com/2016/005/fn-2016-07-07-09-11-22-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>