<p><span style="color: #000000;"><strong>(ភ្នំពេញ)៖</strong> អតីតព្រះសង្ឃម្នាក់ ត្រូវបាននគរបាលព្រហ្មទណ្ឌក្រសួងមហាផ្ទៃ ចាប់ខ្លួននិងបញ្ជូនទៅកាន់សាលាដំបូងរាជធានីភ្នំពេញ នាថ្ងៃ១៩ ខែមករា ឆ្នាំ២០១៧នេះ ពាក់ពន្ធពីបទឆបោកទឹកប្រាក់រហូតដល់១៨ម៉ឺនដុល្លារ ក្នុងរូបភាពយកគំនូររូបថតព្រះគីណេស ធ្វើការបញ្ចុះបញ្ចូលលើលោកជំទាវម្នាក់ ដោយកុហសថា <strong>«ជាវត្ថុសក្តិសិទ្ធិអាចជួយការពារបានរាប់រយរាប់ពាន់ជំពូក គ្រាន់តែយក ទៅដាក់តម្កល់ក្នុងលំនៅដ្ឋាន»</strong>។</span></p>
<p><span style="color: #000000;">មន្ត្រីនគរបាលព្រហ្មទណ្ឌក្រសួងមហាផ្ទៃ បានប្រាប់ភ្នាក់ងារ Fresh News ប្រចាំតុលាការថា ជនជាប់សង្ស័យដែលចាប់ខ្លួនឈ្មោះ កែវ កល្យាណ អាយុ៣៨ឆ្នាំ ជាអតីតសង្ឃបួសនៅវត្តអាស្រមឧត្តមព្រៃមាន ឃុំត្រពាំងវែង ស្រុកកណ្តាលស្ទឹង ខេត្តកណ្តាល ។</span></p>
<p><span style="color: #000000;">មន្រ្តីនគរបាលបានបន្តថា កាលពីថ្ងៃទី៨ ខែមិថុនា ឆ្នាំ២០១៧ ឈ្មោះ កែវ ល្យាណ បានប្រើល្បិចទៅបញ្ចុះបញ្ចូលលោកស្រីម្នាក់ អាយុ៤៨ឆ្នាំ មានងារជាលោកជំទាវ ឲ្យទិញលោហៈធាតុធ្វើអំពីសំរិទ្ធ ដែលជាវត្ថុសក្តិសិទ្ធិមានបារមីរាប់រយរាប់ពាន់ជំពូកយកទៅទុក ក្នុងលំនៅដ្ឋាន ដើម្បីជួយការពារ និងថែរក្សាអាយុជីវិត ព្រមទាំងជួយដល់ការប្រកបមុខរបររកស៊ីឲ្យមាសប្រាក់ហូរចូលទៀតផង (នេះជាសំដីបោកប្រាស់) ដែលវត្ថុនោះមានតម្លៃជាទឹកប្រាក់១៨ម៉ឺនដុល្លារអាមេរិក។</span></p>
<p><span style="color: #000000;">មន្រ្តីនគរបាលបន្តទៀតថា ក្រោយពេលបញ្ចុះ ជនសង្ស័យបានតម្រូវឲ្យជនរងគ្រោះ ផ្ទេរប្រាក់ចូលក្នុងកុងរបស់គេ តាមរយៈធនាគារ អេស៊ីលីដា ដោយសន្យាប្រគល់លោហៈធាតុសំរិទ្ធនោះនៅថ្ងៃទី៩ ខែមិថុនា ឆ្នាំ២០១៦ វេលាម៉ោង២រសៀល។</span></p>
<p><span style="color: #000000;">ដោយមានការជឿទុកចិត្ត ជនរងគ្រោះ បានបញ្ចូលទឹកប្រាក់គ្រប់ចំនួនទៅក្នុងកុងជនសង្ស័យតាមរយៈធនាគារអេស៊ីលីដា នៅម្តុំអង់តែនទួលគោក ខណ្ឌទួលគោក រាជធានីភ្នំពេញ។ ស្រាប់តែវេលារសៀលថ្ងៃដដែលឈ្មោះ កែវ កល្យាណ បានទៅដកប្រាក់ ពីកុងធនាគារអស់ចំនួន១៨ម៉ឺនដុល្លារហើយគេចខ្លួនបាត់។</span></p>
<p><span style="color: #000000;">ជនសង្ស័យ បានរៀបរាប់ប្រាប់សមត្ថកិច្ចថា ខ្លួនពិតជាបានយកប្រាក់ពីជនរងគ្រោះមែន តាមរយៈរូបថត ជារូបគំនូរព្រះគីណេសថា ជាវត្ថុសក្តិសិទ្ធិ ទៅបង្ហាញជនរងគ្រោះដើម្បីបញ្ចុះបញ្ចូលបោកយកប្រាក់។</span></p>
<p><span style="color: #000000;">ក្រោយពីបានធ្វើសកម្មភាពដូចការរៀបរាប់ខាងលើនេះ និងបានប្រាក់ដល់ដៃហើយ ក៏បានបិទទូរស័ព្ទ ផ្តាច់ការទំនាក់ទំនង ហើយគេខ្លួនរហូតលុះនៅថ្ងៃទី១៨ ខែមករា ឆ្នាំ២០១៧ ក៏ត្រូវសមត្តកិច្ចចាប់ខ្លួនតែម្តង បន្ទាប់ពីជនរងគ្រោះដាក់ពាក្យប្តឹង។</span></p>
<p><span style="color: #000000;">នៅសាលាដំបូងរាជធានីភ្នំពេញ សំណុំរឿងនេះ បានស្ថិតនៅដៃលោក ហ៊ឹង ប៊ុនថន ព្រះរាជអាជ្ញារងអមសាលាដំបូងរាជធានីភ្នំពេញ បាន និងកំពុងធ្វើការសាកសួរ។ តែទោះជាយ៉ាងណា មន្រ្តីនគរបាលបង្ហើបថា ជនសង្ស័យគ្មានវាសនាបានទៅផ្ទះវិញទេ អាចនឹងទៅដេក ក្នុងពន្ធនាគារតាមអំពើដែលខ្លួនបានប្រព្រឹត្ត៕</span></p>
<p><span style="color: #000000;"><img src="http://image.freshnewsasia.com/2017/028/fn-2017-01-19-16-09-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-01-19-16-09-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-01-19-16-09-24-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>