<div class="article-content">
<p><strong>កំពង់ឆ្នាំងៈ</strong> ពស់ថ្លាន់ចំនួនពីរ មានពងប្រហាក់ ប្រហែលគ្នា ត្រូវបានគេប្រទះឃើញ នៅលើទឹក<br />ដីខេត្ត កំពង់ឆ្នាំង ក្នុងខែឧសភា ឆ្នាំ២០១៣ នេះ ។ នាយខណ្ឌ រដ្ឋបាល ព្រៃឈើ ខេត្តកំពង់ឆ្នាំង<br /> បានថ្លែងឲ្យដឹងថា បុរសម្នាក់រស់នៅ ក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង បានប្រទះ<br />ឃើញ ពស់ថ្លាន់មួយក្បាល និងពងរបស់វា ចំនួន៣៩ ខណៈដែលបុរសរូបនោះ ទៅកាប់ឆ្ការ ព្រៃ<br />ក្បែរផ្ទះ។</p>
<p>ហេតុការណ៍ ដែលមានប្រជាពលរដ្ឋ នាំគ្នាផ្អើលទៅមើល ពស់ថ្លាន់ និងពង៣៩ របស់វានៅក្នុង<br />ផ្ទះបុរសឈ្មោះ តារា ហៅជឹម នេះ បានកើតឡើង កាលពីវេលា ព្រឹកថ្ងៃចន្ទ ទី២៧ ខែឧសភា ឆ្នាំ<br />២០១៣ ស្ថិតនៅក្នុង ភូមិផ្សារលើ សង្កាត់ ផ្សារឆ្នាំង ក្រុងកំពង់ឆ្នាំង។</p>
<p>បុរសអ្នកប្រទះឃើញ ពស់ថ្លាន់ និងសំបុកពង បានឲ្យដឹងថា កាលពីព្រឹកថ្ងៃទី២៦ ខែឧសភា ឆ្នាំ<br />២០១៣ លោកបានប្រទះឃើញ ពស់ថ្លាន់ និងសំបុកពង ពេលដែល បុរសរូបនោះដុតព្រៃ ដូច<br />សព្វ មួយដងក្បែរផ្ទះ របស់លោក ហើយលោកក៏ យកមករក្សាទុក នៅផ្ទះ ខ្លាចពីសត្វ ឆ្កែខាំ ឬ<br />ស៊ី។ យ៉ាងណាក៏ដោយ លោក សិន កុសល នាយរដ្ឋបាល ព្រៃឈើ ខេត្តកំពង់ឆ្នាំង បានមាន<br />ប្រសាសន៍ថា នេះជាលើកទីមួយ ហើយ ដែលមានពលរដ្ឋ ប្រទះឃើញពស់ថ្លាន់ និងពងរបស់វា<br /> ចំនួន៣៩ នាំឲ្យមានប្រជាពលរដ្ឋ ភ្ញាក់ផ្អើលមើល។</p>
<p>យ៉ាងណាក៏ដោយ លោកថា ខាងលោក និងអង្គការ អភិរក្ស និងចុះទៅផ្ទះ របស់ប្រជាពលរដ្ឋ <br />ដែលប្រទះឃើញ និងយករក្សា ទុកដោយយើងមិន អនុញ្ញាតឲ្យ មានការចិញ្ចឹមសត្វព្រៃនោះ<br />ទេ។</p>
<p>នៅក្នុងផ្ទះ របស់លោក ពូ ជឹម ត្រូវបានគេ សង្កេតឃើញថា មានប្រជាពលរដ្ឋ ហូរហែនាំគ្នាផ្អើល<br />ទៅមើល ពស់ថ្លាន់ និងពង របស់វា តែសត្វពស់ថ្លាន់នោះ។ លោកបន្តថា ពស់ថ្លាន់នោះ មានចា<br />រឹតស្លូតបូត ទោះបីមានមនុស្សម្នាផ្អើល មើលវា និងពងរបស់វាក៏ដោយ។</p>
<p> ដោយឡែក ពស់ថ្លាន់ មួយក្បាលទៀត ដែលមានទំងន់ ប្រហែល១៨គីឡូក្រាម និងពងចំនួន <br />៣៨ពង ត្រូវបានប្រជាពលរដ្ឋ ប្រទះឃើញក្នុងគល់ឈើ មួយក្បែរវត្ត ខណៈ គ្រឿងចក្រឈូស<br />ឆាយធ្វើផ្លូវ របស់ក្រុមសម្តេចឪ បានឈូស ឆាយទួលវត្ត ព្រះស្រីព្រះជ័យ សូរវង្ស ស្ថិតក្នុង ភូមិ<br />កំពង់ព្រះ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កាលពីថ្ងៃទី៨ ខែឧសភា ឆ្នាំ២០១៣ ។ ប្រជា<br />ពលរដ្ឋ ដែលចាប់ពស់ថ្លាន់ ខាងលើមាន ឈ្មោះ ខ្ជឹង អាយុ ៣០ឆ្នាំជាង រស់នៅភូមិកំពង់ព្រះ ឃុំ<br />ឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ហើយក៏បានយកទៅ ប្រគេនព្រះចៅអធិការវត្តដាក់ទ្រុង<br /> ក្រោមដើមទឹក ដោះគោ ។</p>
<p>ប្រជាពលរដ្ឋ អ្នករស់ក្នុង ភូមិបាននិយាយថា កាលពីឆ្នាំទៅម៉ិញ មានពស់ថ្លាន់មួយក្បាល បាន<br />ពងនៅកន្លែនេះដែរ តែត្រូវជនខិលខូច ចាប់យកទៅលក់ នៅខេត្តពោធិសាត់ ប៉ុន្តែជននោះបាន <br />ស្លាប់បាត់បង់ជីវិត ទៅហើយ។</p>
<p>ទួលវត្តកំពង់ព្រះអតីតកាល មានទូក១ឈ្មោះថា ម៉ឺននាគ ល្បីល្បាញ ប្រណាំងឈ្នះច្រើន លើក<br />គ្មានគូប្រៀប គឺជាទូកលោកតាឧកញ៉ាគ្រលួច ។ ទួលវត្តកំពង់ ព្រះនេះតាម ជំនឿពីបូរាណ និ<br />យាយថាបើគេចង់មើល ពស់ឃើញពស់ បើគេចង់មើលក្រពើឃើញ ក្រពើ គេគ្រាន់តែអុជធូប៣<br /> សរសៃ សុំម្ចាស់ ទឹកម្ចាស់ដី ដែលថែរក្សាទីទួលវត្ត នឹងមើលឃើញភ្លាម តែម្តង៕</p>
<p>លោក ជៀង សុវណ្ណារិទ្ធ អធិការស្រុកបរិបូណ៌បានអោយដឹងថា ពស់ថ្លាន់មានពងប្រមាណជា២០<br />ពងប៉ុណ្ណោះ សព្វថ្ងៃព្រះចៅអធិការវត្តបានចិញ្ចឹមដាក់ក្នុងទ្រុង ហើយប្រជាពលរដ្ឋក្នុងភូមិ ជឿថា<br />ជាពស់មានបូរមី ៕</p>
<br />
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-79.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-80.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>