<p>ដបកែវមួយ និងគម្របពិសេសមួយ សម្រាប់ក្រឡុកស្រា (cocktail) ត្រូវបានលក់ក្នុងតម្លៃ ជិត <br />៣០ដុល្លារ ជួយឱ្យយុវជន Joshua Williams និង Eric Prum រកបានប្រាក់ចំណូល វាល់លានដុល្លារ<br />អាមេរិក ក្នុងរយៈពេលត្រឹមតែ ជាងមួយឆ្នាំប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2014/2/18/shaker1-18-02-2014--21-26-28.jpg"><img src="/FileManager/Articles/mce/2014/2/18/shaker1-18-02-2014--21-26-28.jpg" alt="" width="463" height="616" /></a></p>
<p><br />Joshua Williams គឺជានិស្សិតផ្នែកសេដ្ឋកិច្ច ប៉ុន្ដែ បែរជាចូលចិត្តផ្នែកអាហារ និងស្រាក្រឡុក។ <br />គាត់បានផ្អាកសិក្សាមួយឆ្នាំ នៅសកលវិទ្យា Virginia (អាមេរិក) ដើម្បីទៅសិក្សាផ្នែកចុងភៅ នៅ<br />អ៊ីតាលី។ ក្រោយពីត្រឡប់មកស្រុកកំណើត គាត់ រួមនឹងមិត្តភ័ក្ដិម្នាក់ គឺ Eric Prum (និស្សិតផ្នែក <br />នយោបាយ និងសង្គម) បាននាំគ្នាបើកហាងផ្គត់ផ្គង់អាហារ និងស្រាក្រឡុក ដើម្បីរកប្រាក់សម្រាប់ បន្ដការសិក្សានៅមហាវិទ្យាល័យ។<br /><br />Prum ថ្លែងថា ៖ “Joshua តែងតែជាមនុស្សដែលមានគំនិតស្រមៃច្រើន។ គាត់រកបានការងារ ផ្គត់<br />ផ្គង់អាហារ សម្រាប់ពិធីជប់លៀងក្រុមហ៊ុន ឬព្រឹត្តិការណ៍ឯកជន ក្នុងតំបន់។ មានពេលមួយនោះ <br />យើងបានឃើញថា ដបកែវ Mason Jar អាចប្រើប្រាស់ដើម្បីលាយស្រាក្រឡុកបានយ៉ាងល្អ ហើយ<br />វាក៏មានច្រើន ហើយគិតថា វាអាចយកមកធ្វើអ្វីមួយបាន ដើម្រីរកប្រាក់”។<br /><br />ដបក្រឡុកស្រា Mason Shaker លក់ក្នុងតម្លៃជិត ៣០ដុល្លារ/ឈុត (រូប ៖ Michael Green ក្រោយ ពីបញ្ចប់ការសិក្សា Williams បានទៅកាន់ក្រុង New York និងបានធ្វើការក្នុងវិស័យធនាគារ។ Prum <br />ក៏បានមកកាន់ទីនេះ ដើម្បីធ្វើជាបុគ្គលិកផ្នែកជំនួញ ឱ្យក្រុមហ៊ុនមួយ។ បើទោះជាមានការមមាញឹក<br /> ប៉ុន្ដែ Prum នៅតែគិតគូរអំពីការងារ អភិវឌ្ឍដបក្រឡុកស្រាពិសេស នៅថ្ងៃណាមួយ។<br /><br />កាលពីដើមឆ្នាំ ២០១២ អ្នកទាំងពីរ ក៏មានគំនិតមួយស្ដីអំពីការរចនារូបរាងរបស់ផលិតផល ជាមួយ នឹងគម្រោបពិសេស។ ក្រោយមក អ្នកទាំងពីរ ក៏បានបង្កើត W&P Design ដែលជាក្រុមហ៊ុនរចនា<br />ផលិតផល Brooklyn ។ Prum បានមកគ្រប់គ្រងក្រុមហ៊ុននេះ ចំណែក Williams គ្រាន់តែធ្វើជាទី<br />ប្រឹក្សា។<br /><br />ខែកក្កដាឆ្នាំ ២០១២ ពួកគេទៅរក Kickstater ដែលជាគេហទំព័រមួយ អនុញ្ញាតឱ្យអ្នកដែលមាន<br />គម្រោងរកស៊ី រៃអង្គាសប្រាក់ ហើយក៏ខ្ចីបាន ៥,០០០ដុល្លារ សម្រាប់ផលិតកម្ម និងទិញគ្រឿង<br />បរិក្ខារនានា។ ជាលទ្ធផល ពួកគេប្រមូលបានប្រាក់ ៧៥,០០០ដុល្លារ ពីអ្នកវិនិយោគ ចំនួន ជិត <br />២,០០០នាក់ ក្នុងរយៈពេល ២ខែ។</p>
<p style="text-align: center;"><a class="thickbox" title="" href="/FileManager/Commons/2014/2/18/130426123445-mason-jar-cocktail-shaker-620xa-18-02-2014--21-32-15.jpg"><img src="/FileManager/Articles/mce/2014/2/18/130426123445-mason-jar-cocktail-shaker-620xa-18-02-2014--21-32-15.jpg" alt="" /></a></p>
<p><br />ខែវិច្ឆិកា ឆ្នាំ ២០១២ ពួកគេក៏ចុះហត្ថលេខា លើកិច្ចព្រមព្រៀងមួយ ដើម្បីលក់ដបក្រឡុកស្រា <br />Mason Shaker ទៅឱ្យបណ្ដាញហាងលក់ គ្រឿងប្រើប្រាស់ប្រចាំថ្ងៃ ក្នុងតម្លៃ ២៩,៩៥ដុល្លារ <br />សម្រាប់ដបមួយ និងគម្របមួយ។ ដបជាច្រើនពាន់ឈុត ត្រូវបានលក់ចេញ ក្នុងរយៈពេលត្រឹមតែ<br /> ៣សប្ដាហ៍។ ចាប់តាំងពីពេលនោះមក ប្រាក់ចំណូលរបស់អ្នកទាំងពីរ ចេះតែកើនឡើង។ មកដល់<br />ខែមករា ឆ្នាំ ២០១៣ Joshua Williams និង Eric Prum រកបានប្រាក់ ២៥០,០០០ដុល្លារ ហើយជាង មួយឆ្នាំក្រោយមក អ្នកទាំងពីរ រកបាន ១លានដុល្លារអាមេរិក។<br /><br />បន្ទាប់មក ពួកគេក៏បានបញ្ចេញផលិតផលជាច្រើនប្រភេទ រួមទាំងសៀវភៅណែនាំអំពីរបៀប<br />លាយស្រាក្រឡុក សម្រាប់ហាងលក់ស្រា និងក្លឹមរាត្រី។ Prum ជឿជាក់ថា Mason Shaker <br />និងផលិតផលផ្សេងៗទៀតរបស់ខ្លួន នឹងរកបានចំណូល ពីរបីលានដុល្លារបន្ថែមទៀត នៅឆ្នាំ<br />ក្រោយ។</p>
<p> </p>
<p><strong>អត្ថបទសំខាន់ៗ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/56192/couple-lives-on-1-a-day-to-pay-for-home"><span style="color: #3366ff;">មួយថ្ងៃ ចាយមួយដុល្លារ ដើម្បីទុកប្រាក់ទិញផ្ទះ ៖ ការតស៊ូដ៏អស្ចារ្យ របស់ប្ដីប្រពន្ធ មួយគូ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/65971/toy-story-how-tycoon-lam-leung-tim-built-his-empire"><span style="color: #3366ff;">ពីកសិករក្រក្រី ក្លាយជាមហាសេដ្ឋី នៃវិស័យ តុក្កតាជ័រ នៅហុងកុង</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/56027/using-foreign-currency-help-north-korean-become-rich"><span style="color: #3366ff;">ប្រជាជនកូរ៉េខាងជើង កំពុងតែមានឡើងៗ</span></a></span></p>
<p style="text-align: right;"> </p>
<p style="text-align: right;"> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CNN<br /><br /></p>