<p><span style="color: #000000;"><strong>(កណ្តាល)៖</strong> ករណីអំពើហិង្សាដោយចេតនាមួយ បានកើតឡើងនៅក្នុងភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល ដោយបុរសស្រវឹងស្រាម្នាក់ បានមកស្រែកជេរ និងវាយគេដល់ផ្ទះ ហើយក៏ត្រូវកូនប្រុសម្ចាស់ផ្ទះ ស្វាគមន៍នឹងផ្លែចប បណ្តាលឲ្យរងរបួសធ្ងន់ ដឹកយកទៅសង្គ្រោះនៅមន្ទីរពេទ្យ។</span></p>
<p><span style="color: #000000;">អំពើហិង្សានេះ កើតឡើងនៅម៉ោង ៤៖៣០នាទីរសៀល ថ្ងៃទី១៣ ខែមេសា ឆ្នាំ២០១៦ នៅចំណុចផ្ទះ ឈ្មោះ រុន សុធារ៉ា ភេទប្រុស អាយុ៤៩ឆ្នាំ ក្នុងភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ហើយជនរងគ្រោះដែលរងរបួសធ្ងន់ ឈ្មោះ រី ស្មៀន ភេទប្រុសអាយុ៣២ឆ្នាំ ជនជាតិខ្មែរ មុខរបរកសិករ មានទីលំនៅភូមិ-ឃុំ កើតហេតុខាងលើ រងរបួសចំសៀតផ្កាខាងស្តាំ ខណៈជនល្មើស ដែលជាកូនម្ចាស់ផ្ទះឈ្មោះ រុន រដ្ឋា ភេទប្រុស អាយុ១៧ឆ្នាំជនជាតិខ្មែរ មុខរបរសិស្ស។</span></p>
<p><span style="color: #000000;">សមត្ថកិច្ចខេត្តកណ្តាលបានឲ្យដឹងថា នៅថ្ងៃកើតហេតុខាងលើ ជនរងគ្រោះផឹកស្រាស្រវឹង បានមកស្រែកជេរ ម្តាយជនល្មើសនៅមុខផ្ទះ រួចក៏ដើរចូលទៅក្នុងផ្ទះដាល់ ម្តាយជនល្មើសមួយដៃចំដើមទ្រូង ពេលនោះម្តាយ ជនល្មើសបានស្រែកឲ្យកូន (ជនល្មើស) ជួយ ឮដូចនេះជនល្មើស បានចូលទៅជួយម្តាយតែ ត្រូវជនរងគ្រោះស្ទុះមកវាយ តែវាយមិនត្រូវ។ ឃើញដូចនេះជនល្មើស បានយកចបកាប់ ដែលនៅមាត់ទ្វារផ្ទះមកគ្រវី ដើម្បីគំរាមកុំឲ្យជនរងគ្រោះចូលមកទៀត តែជនរងគ្រោះនៅតែស្ទុះចូល មកទៀតបណ្តាលឲ្យត្រូវនឹងចបកាប់ចំសៀតផ្កាខាងស្តាំ រងរបួសបញ្ជូនទៅព្យាបាល នៅមន្ទីរពេទ្យរុស្សី។</span></p>
<p><span style="color: #000000;">ចំណែកជនល្មើសត្រូវបានកម្លាំងនគរបាល ឃាត់ខ្លួនមកសួរនាំ និងបញ្ជូនមកអធិការដ្ឋានបន្តចាត់ការតាមនិតិវិធី៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/13012783_1587554871558878_7486590640640244852_n.jpg?oh=1883afe4c1c5bd6b1168a91f06798fc7&oe=57B09772" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/13007194_1587554878225544_8864669747765043688_n.jpg?oh=08ee62b04ac0f7d211014be220251f1d&oe=5774AA5D" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12985551_1587554884892210_7473799017173500084_n.jpg?oh=178507eed497aa3c376644122c692bd4&oe=57B7CC07" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;"><strong>ផ្តល់សិទ្ធដោយ ៖ ហ្វ្រេសញូវអាស៊ី</strong></span></p>
</div>
<div class="detail_bottom_function">
<div class="facebook_like"></div>
</div>