<p><span style="color: #000000;"><strong>ភ្នំពេញ៖</strong> ព្រះរាជអាជ្ញារង អមសាលាដំបូង ខេត្តបាត់ដំបង លោកតូច សុភក្តី បានថ្លែងប្រាប់ LookingTODAY នៅព្រឹកថ្ងៃទី២៦ ខែសីហា ឆ្នាំ២០១៥នេះថា លោកនៅមិនទាន់ដឹងច្បាស់ទេថា កញ្ញា ឯក សុជាតា ហៅសាសា នឹងចូលបំភ្លឺនៅតុលាការ ខេត្តបាត់ដំបង នៅថ្ងៃស្អែកនេះទេ ព្រោះរហូតមកទល់ព្រឹកថ្ងៃទី២៦ នេះ លោកពុំទាន់បានទទួលចុងកន្ទុយសន្លឹកដីកា ពីអយ្យការអមសាលា ដំបូងរាជធានី ភ្នំពេញនៅឡើយទេ។</span></p>
<p><span style="color: #000000;">លោកតូច សុភក្ដី ថ្លែងថា«ខ្ញុំមិនទាន់ដឹងច្បាស់ទេថា កញ្ញា សាសា នឹងចូលបំភ្លឺនៅតុលាការ ក្នុងថ្ងៃស្អែក តាមដីការកោះហៅ ឬយ៉ាណាទេ ព្រោះខាងខ្ញុំ ពុំទាន់ទទួលបានចុងកន្ទុយដីកា ពីកញ្ញា សាសា ក៏ដូចជាពីអយ្យការអមសាលា ដំបូងរាជធានី ភ្នំពេញនៅឡើយទេ ។ ប៉ុន្តែបើកញ្ញា សាសា មិនចូលបំភ្លឺទេ យើងនឹងមាននិតិវិធីផ្សេងទៀត តាមច្បាប់»។</span></p>
<p><span style="color: #000000;">សូមបញ្ជាក់ថា កញ្ញា សាសា ត្រូវបានតុលាការ ខេត្តបាត់ដំបង ចេញដីកាកោះហៅកញ្ញា ឯក សុជាតា ហៅ សាសា អតីតពិធីការិនីទូរទស្សន៍ CTN ឲ្យចូលតុលាការ នៅព្រឹកថ្ងៃទី២៧ ខែសីហា ឆ្នាំ២០១៥ នេះ ដើម្បីសាកសួរ ក្នុងសំណុំរឿងបើកបរបង្កគ្រោះថ្នាក់ ដល់អ្នកដទៃ រងរបួសដោយអចេតនា។</span></p>
<p><span style="color: #000000;">ប្រភពបន្តថា ដីកាកោះនេះ បានបញ្ជូនមកដល់ អយ្យការអមសាលា ដំបូងរាជធានីភ្នំពេញ រួចបញ្ជូនបន្ត ទៅឲ្យ កញ្ញា សាសា តាមរយៈសមត្ថកិច្ចនគរបាលមូលដ្ឋាន តាំងពីថ្ងៃទី២០ ខែសីហា មកម្ល៉េះ ប៉ុន្តែ រហូតមកទល់ព្រឹកថ្ងៃទី២៦ ខែសីហា ឆ្នាំ២០១៥ នេះ ចុងកន្ទុយសន្លឹកដីកា ពីអយ្យការអមសាលាដំបូងរាជធានី ភ្នំពេញ មិនទាន់ទៅដល់ដៃមន្រ្តីតុលាការខេត្តបាត់ដំបង នៅឡើយទេ។</span></p>
<p><span style="color: #000000;">គួររំឭកថា កាលពីយប់ថ្ងៃទី២ ខែសីហា ឆ្នាំ២០១៥ កន្លងទៅ កញ្ញា សាសានិងមិត្តភក្តិ២នាក់ទៀត បានផឹកស៊ីក្នុងហាង«តោពីរ» ក្នុងក្រុងបាត់ដំបង រួចបើករថយន្តម៉ាក Porsche ពណ៌ស ពាក់ស្លាកលេខ ភ្នំពេញ 2AD-7888 ក្នុងស្ថានភាពស្រវឹង ទៅបុកអ្នកជិះម៉ូតូសណ្ដោង រ៉ឺម៉កដឹកទឹកកក បណ្ដាលឲ្យម្ចាស់ម៉ូតូរងរបួស៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/27/15-27-08-2015--09-21-28.jpg"><img src="/FileManager/Articles/mce/2015/8/27/15-27-08-2015--09-21-28.jpg" alt="" /></a></span></p>
<p><a class="thickbox" title="" href="/FileManager/Commons/2015/8/27/16-27-08-2015--09-21-40.jpg"><img src="/FileManager/Articles/mce/2015/8/27/16-27-08-2015--09-21-40.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/27/15-27-08-2015--09-21-28.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>