<p><span style="color: #000000;">ព័ត៌មានអន្តរជាតិ ៖ ប្រធានាធិបតី ប្រទេស ទួរគី លោក Recep Tayyip Erdogan លើកឡើងឲ្យ ថារដ្ឋបាលរបស់លោក និងរដ្ឋបាលរបស់លោកប្រធានាធិបតី សហរដ្ឋអាមេរិក លោក បារ៉ាក់ អូបាម៉ា បានសម្រេចសហការរួមគ្នា ក្នុងការប្រយុទ្ធប្រឆាំង និងវាយប្រហារ កំទេចឬសគល់កម្លាំង រដ្ឋអ៊ីស្លាមជ្រុលនិយម ISIS ពីតំបន់ Raqqa ប្រទេសស៊ីរី ។ </span></p>
<p><br /><a class="thickbox" title="" href="/FileManager/Commons/2016/9/8/10c-08-09-2016--09-46-46.jpg"><img src="/FileManager/Articles/mce/2016/9/8/10c-08-09-2016--09-46-46.jpg" alt="" /></a></p>
<p><span style="color: #000000;">លោក Erdogan បញ្ជាក់ក្តែងៗឲ្យដឹងថា លោក បារ៉ាក់ អូបាម៉ា បានលើកឡើង ពីមតិយល់ស្រប ដែលជាសញ្ញាបើកភ្លើងខៀវ សហការចេញចំណាត់ការក្តៅរួមគ្នា ប្រឆាំង ISIS នៅពេលដែល ប្រធានាធិបតីទាំង ២បានជួបមុខ ប្រជុំគ្នា នៅឯកិច្ចប្រជុំកំពូល G20 នៅក្នុងប្រទេសចិន។ លោក Erdogan បន្តឲ្យដឹងថា ទួរគី គ្មានបញ្ហាអ្វីទាល់តែសោះ ក្នុងការប្រើចំណាត់ការវាយប្រហារ ក្តៅលើកនេះ ។ </span></p>
<p><br /><a class="thickbox" title="" href="/FileManager/Commons/2016/9/8/10a-08-09-2016--09-46-55.jpg"><img src="/FileManager/Articles/mce/2016/9/8/10a-08-09-2016--09-46-55.jpg" alt="" /></a></p>
<p><span style="color: #000000;">គួរបញ្ជាក់ថា កាលពីខែមុខ ទួរគី បានបើកការវាយប្រហាររួចទៅហើយ នៅក្នុងប្រទេសស៊ីរី ក្នុង ការវាយប្រហារកំទេច ISIS និងកងកម្លាំងបះបោរ Kurdish ។ នាយកដ្ឋានរដ្ឋ សហរដ្ឋអាមេរិក ឬ The US State Department ពុំទាន់បំភ្លឺនៅឡើយទេ ពីព័ត៌មានលម្អិត ពាក់ព័ន្ធនឹងសេចក្តីថ្លែង ការណ៍របស់លោក Erdogan ប៉ុន្តែ មន្រ្តីផ្លូវការ លើកឡើងឲ្យដឹងថា វាពិតជាមានសារៈសំខាន់ជា ទីបំផុតដែលកងកម្លាំងក្នុងស្រុក សហការជាមួយនឹងកងកម្លាំងផ្សេងទៀត ជាធ្លុងមួយ ក្នុងការ ប្រយុទ្ធប្រឆាំង កំទេច ISIS ។ ប្រភពដដែលបន្តឲ្យដឹងថា ៖ ចំណាត់ការដែលទួរគី កំពុងតែវាយ ប្រហារសព្វថ្ងៃ នៅតាមព្រំប្រទល់ដែនប្រទេសស៊ីរី ដែលមានការគាំទ្រ ពីសហរដ្ឋអាមេរិកនោះ គឺមានសារៈសំខាន់បំផុតក្នុងការរំដោះតំបន់ Raqqa ពី ISIS ហើយលើកនេះ គឺជា ជំហានដ៏មាន ន័យបំផុតក្នុងការប្រយុទ្ធរួមគ្នា ដកឬសគល់ ISIS ពីតំបន់ Raqqa ឲ្យខានតែបាន ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/8/10b-08-09-2016--09-47-03.jpg"><img src="/FileManager/Articles/mce/2016/9/8/10b-08-09-2016--09-47-03.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>