<p><span style="color: #000000;">ភ្នំពេញ៖ ប្រទេសកម្ពុជា នឹងរៀបចំព្រឹត្តិការណ៍ពិព័រណ៍បច្ចេកវិទ្យាព័ត៌មាន និងទូរស័ព្ទកម្ពុជាអន្តរជាតិប្រចាំឆ្នាំ ២០១៩ (CIIME’19) ដែលនឹងប្រព្រឹត្ដទៅ ចាប់ពីថ្ងៃទី ១១ ដល់ ១៣ ខែ កក្កដា ឆ្នាំ ២០១៩ នៅមជ្ឈមណ្ឌលពិព័រណ៍ និងសន្និបាតកោះពេជ្រ។</span></p>
<p><span style="color: #000000;">ពិព័រណ៍លំដាប់អន្ដរជាតិនេះ នឹងនាំមកជូនអ្នកទស្សនានូវផលិតផលទំនើបៗ និងសេវាកម្មដូចជា ឧបករណ៍ សេវាកម្ម បច្ចេកវិទ្យាព័ត៌មានវិទ្យា និងវិស័យទូរគមនាគមន៍ មកពីបណ្តាប្រទេសជាច្រើនរួមមានប្រទេស ឥណ្ឌា ចិន តៃវ៉ាន់ ជប៉ុន កូរ៉េ ថៃ សិង្ហបុរី និង ម៉ាឡេស៊ី ជាដើម។</span></p>
<p><span style="color: #000000;">ពិរព័រណ៍ CIIME’19 នេះ ផ្ដោតសំខាន់ទៅលើការយល់ដឹង ពាក់ព័ន្ធវិស័យបច្ចេកវិទ្យា និងនាំយកបច្ចេកវិទ្យាព័ត៌មាន ចូលឱ្យកាន់តែជិតស្និទ្ធជាមួយអ្នកប្រើប្រាស់ និងធ្វើឱ្យជីវិតកាន់តែងាយស្រួល។ ផលិតផល និងសេវាកម្មដែលនឹងដាក់តាំងបង្ហាញរួមមាន ប្រព័ន្ធបច្ចេកវិទ្យា (ICT) គ្រឿងអេឡិចត្រូនិកប្រើប្រាស់ក្នុងផ្ទះ ហ្គេម បរិក្ខារកុំព្យូទ័រ គ្រឿងអេឡិចត្រូនិកសម្រាប់ទំនាក់ទំនង ទូរស័ព្ទ និងបរិក្ខារបច្ចេវិទ្យាផ្សេងៗទៀតផងដែរ។</span></p>
<p><span style="color: #000000;"><a class="thickbox" title="" href="/FileManager/Commons/2019/6/3/new-pic-03-06-2019--12-09-37.jpg"><img src="/FileManager/Articles/mce/2019/6/3/new-pic-03-06-2019--12-09-37.jpg" alt="" /></a><br /><br /></span></p>
<p><span style="color: #000000;">ជាមួយគ្នានេះ ពិព័រណ៍បច្ចេកវិទ្យាព័ត៌មានធំបំផុតប្រចាំឆ្នាំ ២០១៩ ជាកន្លែងប្រមូលផ្ដុំទៅដោយអ្នកផ្គត់ផ្គង់សេវាបច្ចេកវិទ្យា អ្នកសមាហរណកម្ម និងអ្នកប្រើប្រាស់បច្ចេកវិទ្យា ICT សម្រាប់មុខជំនួញ និងដំណោះស្រាយបច្ចេកវិទ្យាថ្មីៗ ដែលកំពុងរីកដុះដាលជារៀងរាល់ថ្ងៃ។</span></p>
<p><span style="color: #000000;">ជាងនេះទៅទៀត ពិព័រណ៍នេះ នឹងក្លាយជាវេទិកាសម្រាប់អ្នកចូលរួមតាំងស្ដង់ ដើម្បីបង្ហាញពីផលិតផល និងសេវាកម្ម ដែលជាបច្ចេកវិទ្យាចុងក្រោយរបស់ខ្លួន ទៅកាន់សាធារណជនរួមមាន អ្នករៀបចំហេដ្ឋារចនាសម្ព័ន្ធ ធនាគារ សណ្ឋាគារ ភោជនីយដ្ឋាន មន្ទីរពេទ្យ វិស័យរដ្ឋាភិបាល តំណាងចែកចាយ សាកលវិទ្យាល័យនានា ប្រព័ន្ធផ្សព្វផ្សាយ ប្រព័ន្ធដឹកជញ្ជូន ទេសចរណ៍ ប្រព័ន្ធអេឡិចត្រូនិក វិស័យអចលនទ្រព្យ និង វិស័យឧស្សាហកម្ម ផ្សេងៗជាច្រើនទៀត។</span></p>
<p><span style="color: #000000;">គួរបញ្ជាក់ផងដែរថា ពិព័រណ៍នេះ ទទួលបានការគាំទ្រពីក្រសួងប្រៃសណីយ៍ និងទូរគមនាគមន៍ ក្រសួងពាណិជ្ជកម្ម និង សភាពាណិជ្ជកម្មកម្ពុជា ផងដែរ៕</span></p>
<p> </p>
<p><span style="color: #000000;">ប្រសិនបើមានចំណាប់អារម្មណ៍សូមទាក់ទងទូរស័ព្ទលេខ ៖ <span>English/Chinese Speaking: </span><span>010 792 242 | 089 557 979</span></span></p>
<p> <span style="font-size: 12px; color: #000000;">សម្រាប់កក់ស្ដង់ពិព័រណ៍ និងម្ចាស់ឧបត្ថម្ភកម្មវិធី៖ </span><span style="font-size: 12px; color: #000000;">English/Chinese Speaking: </span><span style="font-size: 12px; color: #000000;">010 792 242 | 089 557 979</span></p>
<p> </p>
<p><br /><span style="font-size: large; color: #000000;">ឧបត្ថម្ភដោយ៖ </span></p>
<p><span style="font-size: large; color: #000000;"><a class="c_tab" href="https://mekongnet.com.kh/" target="_blank"><img src="/FileManager/Articles/mce/2019/6/3/mekongnet-23-01-2019--15-26-24-03-06-2019--12-20-35.png" alt="" /></a><br /></span></p>
<p> </p>
<p> </p>