<p><span style="color: #000000;">ក្រុមអ្នកប្រមាញ់កំណប់បានចាប់ផ្ដើមជីកគាស់ស្វែងរករថភ្លើងដឹកមាសរបស់ហ្វាស៊ីសអាល្លឺម៉ង់</span><br /><span style="color: #000000;"> នៅក្នុងតំបន់មួយ នៅភាគនិរតីនៃប្រទេសប៉ូឡូញ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/8/17/nazi-17-08-2016--08-46-36.jpg"><span style="color: #000000;"><img style="display: block; margin-left: auto; margin-right: auto;" src="/FileManager/Articles/mce/2016/8/17/nazi-17-08-2016--08-46-36.jpg" alt="" /></span></a>តំបន់ដែលត្រូវគេជីកកកាយរកកំណប់ ដែលជារថភ្លើងដឹកមាសរបស់ហ្វាស៊ីស</span><br /> </p>
<p><span style="color: #000000;">Piotr Koper ជនជាតិប៉ូឡូញ និងពលរដ្ឋអាល្លឺម៉ង់ Andreas Richter កាលពីខែសីហា ឆ្នាំ ២០១៥ </span><br /><span style="color: #000000;">បានប្រកាសថា មានរថភ្លើងមួយខ្សែប្រវែង ៩៨ម៉ែត្រ ត្រូវបានកប់ក្នុងដីជម្រៅ ៨ដល់ទៅ៩ម៉ែត្រ </span><br /><span style="color: #000000;">នៅទីរួមស្រុក Walbrzych ភាគនិរតីនៃប្រទេសប៉ូឡូញ។ រថភ្លើងនេះត្រូវបានគេជឿថា មានដឹកមាស</span><br /><span style="color: #000000;"> វត្ថុមានតម្លៃ ឯកសារ និងអាវុធរបស់ហ្វាស៊ីសអាល្លឺម៉ង់។</span></p>
<p><span style="color: #000000;">Piotr Koper និង Andreas Richter កាលពីម្សិលមិញ បានដឹកនាំអ្នកជំនាញមួយក្រុម ចាប់ផ្ដើមជីក</span><br /><span style="color: #000000;">កកាយដីបីកន្លែងផ្សេងៗគ្នា នៅក្នុងតំបន់ដែលត្រូវបានគេហ៊ុបព័ទ្ធ នៅ Walbrzych។</span></p>
<p><span style="color: #000000;">ទំព័រ Reuters ដកស្រីសំដីរបស់ Andrzej Galik អ្នកនាំពាក្យរបស់ក្រុមជំនាញខាងលើ បានឱ្យដឹង</span><br /><span style="color: #000000;">ថា “យើងខ្ញុំត្រូវតែរកឱ្យឃើញផ្លូវដែក វាអាចជាច្រកចូលទៅកាន់ផ្លូវក្រោមដី ហើយបើសឹនជាមាន</span><br /><span style="color: #000000;">មែន នោះវានឹងមានរថភ្លើងមួយខ្សែនោះទីនោះ។ បើសឹនជារកឃើញ យើងខ្ញុំអាចនឹងប្រកាសអំពី</span><br /><span style="color: #000000;">អ្វីមួយដែលមានតាំងពីសង្គ្រាមលោកលើកទីពីរ។ យើងខ្ញុំសង្ឃឹមថា នឹងទទួលបានជោគជ័យ”។</span></p>
<p><span style="color: #000000;">ក្រុមខាងលើនេះ ត្រូវបានរដ្ឋាភិបាលអនុញ្ញាតឱ្យជីករកកំណប់។ មុននេះ ការសិក្សាស្រាវជ្រាវមួយ</span><br /><span style="color: #000000;">របស់សកលវិទ្យាល័យវិទ្យាសាស្ដ្រ និងបច្ចេកវិទ្យា AGH នៅ Krakow បានសន្និដ្ឋានថារថភ្លើងនេះ</span><br /><span style="color: #000000;"> មិនមែនស្ថិតនៅក្នុងតំបន់ Walbrzych នោះទេ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/8/17/nazi1-17-08-2016--08-47-08.jpg"><span style="color: #000000;"><img src="/FileManager/Articles/mce/2016/8/17/nazi1-17-08-2016--08-47-08.jpg" alt="" /></span></a></span></p>
<p style="text-align: center;"><span style="color: #000000;"><span style="font-size: 12px;">ផ្លូវដែកនៅគីឡូម៉ែត្រលេខ ៦៥ រវាង </span><span style="font-size: 12px;">Wroclaw និង Walbrzych ដែលអ្នកជំនាញការប៉ូឡូញ <br />យល់ថា ជាកន្លែងមានរថភ្លើងដឹកមាសរបស់ហ្វាស៊ីសអាល្លឺម៉ង់</span></span></p>
<p> </p>
<p><span style="color: #000000;">យ៉ាងនេះក្ដី Andrzej Galik ថ្លែងថា លទ្ធផលនៃការឆ្លុះមើលតាមរយៈរ៉ាដា បានបង្ហាញថា “ពិតជា</span><br /><span style="color: #000000;">មានអំណោយផល”។ តាមគម្រោង ក្រុមអ្នករុករកខាងលើ នឹងប្រកាសអំពីលទ្ធផលនៃការជីកកកាយ</span><br /><span style="color: #000000;"> ក្នុងរយៈពេល ពីរបីថ្ងៃខាងមុខ។</span></p>
<p style="text-align: right;"><span style="color: #000000;">ប្រែសម្រួល ៖ បុត្រា</span></p>