<p><span style="color: #000000;"><strong>(ហុងកុង)៖</strong> តារាល្បីរបស់ចិន-ហុងកុង ប្រចាំតំបន់អាស៊ី លោក Andy Lau ឬគេនិយមហៅ លឺ តឺហួរ បានទទួលរងរបួសធ្ងន់ ផ្នែកឆ្អឹងត្រគាក អំឡុងពេលថតស្ប៉តពាណិជ្ជកម្មនៅក្នុងប្រទេសថៃ ដោយលោកបានធ្លាក់ពីលើខ្នងសេះ។ នេះបើតាមការដកស្រង់ ចេញពីបណ្តាញសង្គមរបស់លោក Andy ចេញផ្សាយដោយ ទីភ្នាក់ងារព័ត៌មានចិនស៊ិនហួរ នាព្រឹកថ្ងៃព្រហស្បតិ៍ ទី១៩ ខែមករា ឆ្នាំ២០១៧។</span></p>
<p><span style="color: #000000;">គួរបញ្ជាក់ថា ក្រោយពីមានការព្រួយបារម្ភ និងសួរសុខទុក្ខច្រើននោះ លោក Andy បានបង្ហោះ តាមការបណ្តាញសង្គមរបស់លោក ដូច្នេះថា «ឥឡូវក្រុមគ្រូពេទ្យបានព្យាបាល និងថែទាំខ្ញុំបានល្អប្រសើរឡើងហើយ។ ខ្ញុំមិនមានបញ្ហាអ្វីទេ សូមកុំបារម្ភ។ អរគុណសម្រាប់ការជូនពរពីអ្នកទាំងអស់»។</span><br /><span style="color: #000000;">ទោះបីជាបែបនេះក្តី ខាងក្រុមហ៊ុន ដែលឧបត្ថមលោក Andy ទៅថតពាណិជ្ជកម្មនៅស្រុកថៃនោះ មិនទាន់អាចកំណត់ថា តើលោកនឹងអាច ឬត្រូវថតបន្តស្ប៉ត នាពេលណានោះដែរ៕</span></p>
<p><a class="thickbox" title="" href="/FileManager/Commons/2017/1/19/32-19-01-2017--10-35-39.jpg"><img src="/FileManager/Articles/mce/2017/1/19/32-19-01-2017--10-35-39.jpg" alt="" /></a><br /><br /></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>