<p><span style="color: #000000;">ការនាំចេញផ្លែស្វាយកម្ពុជាទៅកូរ៉េខាងត្បូងលើកដំបូងនឹងត្រូវបានពន្យារពេល បន្ទាប់ពីក្រុមហ៊ុននាំចេញមិនបានបំពេញតាមស្តង់ដារ អនាម័យ ផលិតផលកសិកម្មនៅក្នុងទីផ្សារប្រទេសកូរ៉េ។</span></p>
<p><span style="color: #000000;">លោក វ៉េង សាខុន រដ្ឋមន្ត្រីក្រសួងកសិកម្មបានថ្លែងកាលពីសប្តាហ៍មុនថា ការនាំចេញស្វាយទៅផ្សារកូរ៉េ នឹងត្រូវរង់ចាំដោយសារតែក្រុមហ៊ុននាំចេញ Hyundai Corporation មិនទាន់បានឆ្លងកាត់ការត្រួតពិនិត្យ ដោយទីភ្នាក់ងារសត្វ កាកសំណល់សត្វ រុក្ខជាតិ (APQA) ទេកាលពីខែមីនា។</span></p>
<p><span style="color: #000000;">លោករដ្ឋមន្រ្តីបានថ្លែងនៅឯពិធីសម្ពោធរោងចក្រវេចខ្ចប់មួយនៅកំពត ដែលសាងសង់ដោយអ្នកនាំចេញចេក Longmate ។</span></p>
<p><span style="color: #000000;">ទោះបីជាក្រុមហ៊ុន Hyundai បានប្រើប្រាស់បច្ចេកវិទ្យាចុងក្រោយ ដើម្បីការពារសម្អាតផលិតផលរបស់ខ្លួនក៏ដោយក៏ APQA មិនបានអនុញ្ញាតឲ្យមានការដឹកជញ្ជូននោះទេ។</span></p>
<p><span style="color: #000000;"><a class="thickbox" title="" href="/FileManager/Commons/2019/5/16/1-16-05-2019--15-04-43.PNG"><img src="/FileManager/Articles/mce/2019/5/16/1-16-05-2019--15-04-43.PNG" alt="" /></a><br /></span></p>
<p><span style="color: #000000;">អ្វីៗគ្រប់យ៉ាងត្រូវតែរៀបចំយ៉ាងយកចិត្តទុកដាក់ មុនពេលទំនិញកសិកម្មរបស់យើងអាចដឹកជញ្ជូនទៅក្រៅប្រទេស។</span></p>
<p><span style="color: #000000;">កាលពីខែធ្នូ ក្រុមហ៊ុន Hyundai បានបើកដំណើរការរោងចក្រសម្អាតផ្លែឈើទំហំ ៣ ហិកតា នៅក្នុងស្រុកភ្នំស្រួច ខេត្តកំពង់ស្ពឺ។ ក្រុមហ៊ុនអាចនាំចេញផ្លែឈើសម្អាតរួចរហូតដល់ទៅ ៥០.០០០ តោនក្នុងមួយឆ្នាំដោយរាប់បញ្ចូលទាំង ដូង ធូរេន និងមង្ឃុត។</span></p>
<p><span style="color: #000000;">ក្រុមហ៊ុនកូរ៉េនេះ ក៏បានសហការជាមួយក្រុមហ៊ុនដាំស្វាយក្នុងស្រុក Mao Legacy ដើម្បីដាំដើមស្វាយនៅលើផ្ទៃដី ២៤០០ ហិកតានៅខេត្តកំពង់ស្ពឺ។</span></p>
<p><span style="color: #000000;">កម្ពុជាក៏មានបំណងចាប់ផ្តើមនាំចេញស្វាយ ក្នុងចំណោមផ្លែឈើផ្សេងទៀត ទៅកាន់ទីផ្សារប្រទេសចិនផងដែរ។</span></p>
<p><span style="color: #000000;">យោងតាមលោករដ្ឋមន្រ្តី សាខុន បានឲ្យដឹងថា ប្រទេសទាំងពីរនឹងធ្វើការចរចា នៅខែកក្កដា ដើម្បីពិភាក្សាពីការដឹកជញ្ជូនផ្លែស្វាយ ផ្លែល្ហុង ផ្លែស្រកានាគ និងសំបុកត្រចៀកកាំ។</span></p>
<p><span style="color: #000000;">រដ្ឋមន្ត្រីរូបនេះបាននិយាយថា ”ខ្ញុំបានស្នើសុំឲ្យអគ្គនាយកនៃវិស័យកសិកម្ម ធ្វើការជាមួយក្រុមហ៊ុនត្រួតពិនិត្យ និងអធិការកិច្ច ចិន និងក្រសួងការបរទេសដើម្បីពន្លឿនដំណើរការនេះ” ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/16/khmertime-16-05-2019--15-04-55.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes </span></p>