<p><span style="color: #000000;"><strong>ភ្នំពេញ ៖</strong> និស្សិតរៀនឆ្នាំទី១ នៃសាកល វិទ្យាល័យន័រតុនម្នាក់ ឈ្មោះ នង ចាន់ អាយុ១៩ឆ្នាំ ត្រូវរថយន្តបុកកិន បែកក្បាលផ្ទុះខួរចេញមកក្រៅ ស្លាប់យ៉ាងអាណោចអាធម ក្នុងថ្លុកឈាម លើផ្លូវ២១៧ ស្ថិតនៅមុខរោងម៉ាស៊ីន កិនស្រូវមួយគ្មានស្លាកលេខ ក្នុងភូមិព្រែកជ្រៃ សង្កាត់ស្ពានថ្ម ខណ្ឌដង្កោ។</span></p>
<p><span style="color: #000000;">គ្រោះថ្នាក់ចរាចរណ៍ខាងលើនេះ បានកើតឡើង នៅម៉ោង១០៖០០នាទីព្រឹកថ្ងៃទី១១ ខែកក្កដា ឆ្នាំ២០១៥នេះ ។</span></p>
<p><span style="color: #000000;">សេចក្តីរាយការណ៍ ពីសមត្ថកិច្ច មូលដ្ឋាន បានឲ្យដឹងថា ខណៈជនរងគ្រោះជិះ ម៉ូតូម៉ាកគុបជ្រុង ស្លាកលេខ ភ្នំពេញ 1BI-6530 ស្រាប់តែប៉ះដៃចង្កូតមួយអ្នកជិះម៉ូតូម្នាក់ទៀត មកពីខាងមុខ ស្រាប់តែដួល ក៏ត្រូវរថយន្ត មកពីក្រោយកិនស្លាប់តែម្តង។</span></p>
<p><span style="color: #000000;">ក្រោយកើតហេតុ រថយន្តបង្ក បានបើករត់ដោយសុវត្ថិភាព ខណៈសពជនរងគ្រោះត្រូវបានសមត្ថកិច្ច ទាក់ទងទៅក្រុមគ្រួសារយកសពទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-00498.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-00499.jpg" alt="" width="550" /></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span></p>