<div class="item-page">
<p><span style="color: #000000;"><strong>(ព្រះសីហនុ)៖</strong> មានបុរសម្នាក់ទៀតត្រូវបានគេរាយការណ៍ថា បានលង់ទឹកសមុទ្រនៅតំបន់ឆ្នេរអូរឈើទាល នារសៀលថ្ងៃទី២០ ខែសីហា ឆ្នាំ២០១៦នេះ ប៉ុន្តែត្រូវបានជួយសង្គ្រោះទាន់ពេលវេលា មិនប៉ះពាល់ដល់អាយុជីវិតនោះឡើយ។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា «មានបុរសម្នាក់ទៀតហើយបានលង់ទឹកសមុទ្រនៅឆ្នេរអូរឈើទាល នៅវេលាម៉ោងជាង ២កន្លះរសៀល ថ្ងៃ២០ ខែសីហា ឆ្នាំ២០១៦នេះ ប៉ុន្តែភ្លាមៗជនរងគ្រោះត្រូវបានក្រុមឆ្មាំសមុទ្រ ពាក់អាវយឺតពណ៌ក្រហម ជួយសង្គ្រោះទាន់ពេល មិនរងគ្រោះថ្នាក់ដល់អាយុជីវិតឡើយ និងក្រោយមកត្រូវបាននាំយកទៅសង្គ្រោះបន្តនៅមន្ទីរពេទ្យបង្អែកខេត្ត»។</span></p>
<p><span style="color: #000000;">ជនរងគ្រោះឈ្មោះ សុខ វិចិត្រ អាយុ ៤០ ជាអ្នករស់នៅច្បារអំពៅ រាជធានីភ្នំពេញ ហើយករណីលង់ទឹកនេះកើតឡើងក្នុងពេលជនរងគ្រោះ និងសាច់ញាតិនាំគ្នាមុជទឹកលេងក្បែរឆ្នេរ ដែលមានរលកប្រដេញខ្លាំង។</span></p>
<p><span style="color: #000000;">ជាមួយគ្នានេះកម្លាំងនគរបាលទេសចរណ៍ និងនគរបាលមូលដ្ឋាន បានបន្តចុះទៅណែនាំដល់ប្រជាពលរដ្ឋ ដែលជាភ្ញៀវទេសចរមកលេងមាត់សមុទ្រទាំងជាតិ និងអន្តរជាតិ ត្រូវមានការប្រុងប្រយ័ត្នខ្ពស់ នៅពេលចុះងូតទឹក ហែលទឹកលេង និងជាពិសេសនោះត្រូវតាមមើលក្មេងតូចៗផងដែរ ពីព្រោះនៅតែមានខ្យល់ និងរលក់បោកបក់ខ្លាំងពេលខ្លះ។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ថា បើទោះមានការចុះណែនាំ និងផ្សព្វផ្សាយពីគ្រោះថ្នាក់ពីគ្រោះធម្មជាតិ តែនៅមានប្រជាពលរដ្ឋខ្លះ ហាក់បីមិនមានការប្រុងប្រយ័ត្នទេ ដូចជាឲ្យកូនតូចៗ ចុះលេងទឹក ដោយមិនពាក់អាវពោងទាល់តែសមត្ថកិច្ចហៅឲ្យឡើងលើគោកវិញ។</span></p>
<p><span style="color: #000000;">សូមបញ្ជាក់ថា នៅល្ងាចថ្ងៃម្សិលមិញ រលកសមុទ្រ បានបោកបក់មកលើប្រជាពលរដ្ឋដែលកំពុងលេងទឹក នៅឆ្នេរអូរឈើទាល បណ្តាលឲ្យឈ្លក់ស្លាប់ម្នាក់ ដែលគេដឹងថា ជាកូនអ្នកមាននៅខេត្តកំពង់ចាម និងមនុស្សមួយទៀតត្រូវបានជួយសង្គ្រោះទាន់៕</span></p>
<p><span style="color: #000000;"><img src="http://image.freshnewsasia.com/2016/011/K-0611.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/K-0612.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/K-0613.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/K-0614.jpg" alt="" width="730" /></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F594451910726604%2F&show_text=0&width=730" frameborder="0" width="500" height="430"></iframe></span></p>
</div>
<div id="system-message-container">
<div id="system-message">
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>
</div>
</div>