<div class="item-page">
<p><span style="color: #000000;"><strong>(បន្ទាយមានជ័យ)៖</strong> យោងតាមរបាយការណ៍របស់អាវុធហត្ថស្នាក់ការសន្តិសុខ៨៨៨ នៃបញ្ជាការមូលដ្ឋានអាវុធហត្ថស្រុកថ្មពួក បានឲ្យដឹងនៅល្ងាចថ្ងៃទី១០ ខែមករា ឆ្នាំ២០១៧នេះថា សមត្ថកិច្ចថៃស្រុកតាប្រាយ៉ា ខេត្តស្រះកែវ ប្រទេសថៃ បានចាប់ប្រជាពលរដ្ឋខ្មែរម្នាក់ នៅចំណុចស្ពានស ស្ថិតក្នុងភូមិខងផែង ឃុំទ័ពស្ដេច ស្រុកតាប្រាយ៉ា ខេត្តស្រះកែវ ប្រទេសថៃ ពីបទជួញដូរគ្រឿងញៀន ប្រភេទមេតំហ្វេតាមីនWYចំនួន៦០គ្រាប់ នៅថ្ងៃម្សិលមិញនេះ។</span></p>
<p><span style="color: #000000;">លោក សៅ សាន្ត ប្រធានស្នាក់ការសន្តិសុខ៨៨៨ បញ្ជាក់ថា ជនសង្ស័យឈ្មោះ នី និត ភេទស្រី អាយុ២៦ឆ្នាំ មានទីលំនៅភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ។ បច្ចុប្បន្នជនសង្ស័យ ត្រូវបានសមត្ថកិច្ចថៃកំពុងឃុំខ្លួននៅអធិការស្រុកតាប្រាយ៉ា ខេត្តស្រះកែវ រង់ចាំការសម្រេចពីតុលាការថៃ ចាត់ការតាមនិតិធីច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-10-17-42-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-10-17-42-11-1.jpg" alt="" width="730" /></span></p>
</div>
<div id="system-message-container">
<div id="system-message"></div>
</div>
<div class="span9" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>