<p>ចិន ៖ បើតាមការអោយដឹងពីគេហទំព័រសារព័ត៌មានបរទេស chinadaily ដែលទើបតែបាន<br /> ចេញផ្សាយអត្ថបទរបស់ខ្លួនអោយដឹងថា ចំនួនជនរងគ្រោះ ដែលបានស្លាប់បាត់បង់ជីវិត<br /> ក្រោយជួបឧបទ្ទេវហេតុ បាក់រលំអាគារកាលពីថ្ងៃអង្គារម្សិលមិញនេះ បានកើនឡើងដល់<br /> ១១ នាក់ហើយ។</p>
<p>មនុស្ស ២០ នាក់ ត្រូវបានកប់ក្រោមគំនរបាក់បែក នៃសំណង់អាគារបាក់រលំកំពស់បីជាន់<br /> មួយនេះ ដែលបានកើតឡើងកាលពីថ្ងៃអង្គារម្សិលមិញនេះ នាវេលាម៉ោងប្រមាណជាង<br /> ៧ និង ២៦ នាទីព្រឹក ក្នុងក្រុង Suzhou បន្ទាប់ពីមានការផ្ទុះនៅឯជាន់ទីមួយ ដែលផ្តើម<br /> ចេញពីអាហារដ្ឋានតូច (canteen) ។ ប្រភពសារព័ត៌មានដដែលបន្ថែមថា មនុស្ស ១១<br /> នាក់បានស្លាប់បាត់បង់ជីវិតនៅឯមន្ទីរពេទ្យ ខណៈពេលដែល ៩ នាក់ផ្សេងទៀត ក៏កំពុង<br /> សម្រាកព្យាបាលនៅមន្ទីរពេទ្យពីរផ្សេងគ្នា។</p>
<p><a class="thickbox" title="" href="/FileManager/Commons/2013/6/12/eca86bd9ddb41321fac702-12-06-2013--10-09-31.jpg"><img src="/FileManager/Articles/mce/2013/6/12/eca86bd9ddb41321fac702-12-06-2013--10-09-31.jpg" alt="" width="432" height="286" /></a></p>
<p>គួរបញ្ជាក់ផងដែរថា សំណង់អាគារកំពស់ ៣ ជាន់មួយនេះ គឺជាកម្មសិទ្ធក្រុមហ៊ុនហ្គាស<br /> Suzhou Gas Group Co Ltd ។ យ៉ាងណាមិញ បើយោងតាមការតាមដានស៊ើបអង្កេត<br /> ជំហានដំបូងអោយដឹង មូលហេតុដែលនាំអោយ មានការផ្ទុះចេញពីអាហារដ្ឋាននាជាន់<br /> ទីមួយនេះ គឺបណ្តាលមកពី ការលេចធ្លាយហ្គាស ដែលជាហេតុធ្វើអោយសំណង់អាគារ<br /> កំពស់ ៣ ជាន់នេះ ដួលរលំ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ chinadaily </p>