<p><span style="color: #000000;">សេដ្ឋីអាមេរិក Grant Cardone ធ្លាប់បាននិយាយថា ៖ “បើសិនអ្នកឱ្យខ្ញុំ៥ដុល្លារ ស្អែកខ្ញុំនៅតែ</span><br /><span style="color: #000000;">ប្រយុទ្ធ។ ជីវិតរបស់ខ្ញុំមិនមែនស្ថិតនៅកន្លែងទស្សនិកជន ប៉ុន្តែ ខ្ញុំគឺជាកីឡាករនៅលើវាលស្មៅ”។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/12/14/grant-cardone-14-12-2016--11-00-24.jpg"><span style="color: #000000;"><img src="/FileManager/Articles/mce/2016/12/14/grant-cardone-14-12-2016--11-00-24.jpg" alt="" /></span></a></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/12/14/grant-cardone-14-12-2016--11-00-24.jpg"></a>សេដ្ឋីអាមេរិក Grant Cardone</span><br /><br /></p>
<p><span style="color: #000000;">Grant Cardone មិនមែនពេលណាក៏មានប្រាក់រាប់លានដុល្លារនៅក្នុងធនាគារ។ ក្នុងវ័យ ២៥ឆ្នាំ </span><br /><span style="color: #000000;">Grant Cardone ក៏ធ្លាប់ជំពាក់បំណុល។ ប៉ុន្តែ សេដ្ឋីរូបនេះ បច្ចុប្បន្ន កំពុងគ្រប់គ្រងក្រុមហ៊ុនទាំង</span><br /><span style="color: #000000;">បួនរបស់ខ្លួន ដែលមានចំណូលប្រចាំឆ្នាំ ជិត ១០០លានដុល្លារអាមេរិក។</span></p>
<p><span style="color: #000000;">Grant Cardone បានក្លាយជាសេដ្ឋី គឺដោយសារលោកចំណាយពេលជាច្រើនម៉ោងជារៀងរាល់</span><br /><span style="color: #000000;">ថ្ងៃ ដើម្បីបំពេញការងារ។ នៅលើទំព័រ Medium លោកសរសេរថា “មនុស្សភាគច្រើន ធ្វើការ</span><br /><span style="color: #000000;">ចាប់ពីម៉ោង ៩ព្រឹក ដល់ម៉ោង ៥ល្ងាច។ ប៉ុន្តែ ខ្ញុំធ្វើការ ៩៥ម៉ោងរៀងរាល់សប្ដាហ៍។ បើសិនអ្នក</span><br /><span style="color: #000000;">ចង់ក្លាយជាសេដ្ឋី អ្នកត្រូវតែបង់បោះវដ្ដ ៩-៥ នោះទៅ ហើយចាប់ផ្ដើមពីលេខ ៩៥”។</span></p>
<p><span style="color: #000000;">Grant Cardone មិនមែនជាសេដ្ឋីដែលធ្វើមានដោយខ្លួនឯងតែមួយគត់ ដែលនិយាយថា ប្រាក់</span><br /><span style="color: #000000;">ខែទៀងទាត់បានមកពីការធ្វើការ៨ម៉ោង កំពុងរារាំងមនុស្សមិនឱ្យក្លាយជាអ្នកមាននោះទេ។</span><br /><span style="color: #000000;"> Steve Siebold ជាអ្នកដែលបានចំណាយពេល ២៥ឆ្នាំ ដើម្បីសិក្សាស្រាវជ្រាវអំពីអ្នកមាន និង</span><br /><span style="color: #000000;">ជាអ្នកនិពន្ធសៀវភៅ “អ្នកមានគិតឃើញយ៉ាងណា” បានឱ្យដឹងថា មានភាពខុសគ្នាទាំងស្រុង</span><br /><span style="color: #000000;">រវាងអ្នកមាន និងអ្នកធម្មតា ក្នុងការជ្រើសរើសការទទួលប្រាក់ខែ ។</span></p>
<p><span style="color: #000000;">មនុស្សធម្មតា តែងទទួលប្រាក់ខែតាមពេលវេលាដូចជាតាមម៉ោងជាដើម។ ចំណែកអ្នកមាន</span><br /><span style="color: #000000;">វិញ ពួកគេធ្វើការឱ្យខ្លួនឯង និងទទួលប្រាក់ខែទៅតាមលទ្ធផលនៃការងារ។</span></p>
<p><span style="color: #000000;">Siebold ឱ្យដឹងថា “មនុស្សភាគច្រើន ធានាដល់ជីវភាពធម្មតា ដោយការភ្ជាប់ការងារដែលមាន</span><br /><span style="color: #000000;">ចំណូលទាប និងឡើងប្រាក់ខែរៀងរាល់ឆ្នាំ។ ពួកគេគ្រាន់តែឈរនៅខាងក្រៅរង់ចាំ និងខ្លាច</span><br /><span style="color: #000000;">មិនហ៊ានភ្ជាប់ខ្លួនទៅក្នុង “ការប្រយុទ្ធ” ព្រោះខ្លាចបាត់បង់ប្រាក់ដ៏តិចតួចរបស់ខ្លួន។ ចំណែក</span><br /><span style="color: #000000;">អ្នកមានវិញ មួយឆ្នាំរបស់ពួកគេ អាចរកបានប្រាក់ស្មើនឹងមនុស្សធម្មតាធ្វើការមួយជីវិត។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/12/14/steve-siebold-14-12-2016--11-01-11.jpg"><span style="color: #000000;"><img src="/FileManager/Articles/mce/2016/12/14/steve-siebold-14-12-2016--11-01-11.jpg" alt="" /></span></a></span></p>
<p style="text-align: center;"><span style="color: #000000;">សេដ្ឋី Steve Siebold</span><br /><br /></p>
<p><span style="color: #000000;">Cardone និយាយថា បើសិនជាចង់ជោគជ័យយ៉ាងត្រចះត្រចង់ អ្នកត្រូវផ្ដោតទៅលើប្រាក់</span><br /><span style="color: #000000;">ចំណូល និងត្រៀមខ្លួន ដើម្បីសម្រុកធ្វើការ។ នៅពេលចាប់ផ្ដើមឃើញជោគជ័យផ្នែកហិរញ្</span><br /><span style="color: #000000;">ញវត្ថុ ចូរកុំផ្លាស់ប្ដូរឆន្ទៈ ៖ “បើសិនអ្នកឱ្យខ្ញុំ៥ដុល្លារ ស្អែកខ្ញុំនៅតែប្រយុទ្ធ។ ជីវិតរបស់ខ្ញុំមិន</span><br /><span style="color: #000000;">មែនស្ថិតនៅកន្លែងទស្សនិកជន ប៉ុន្តែ ខ្ញុំគឺជាកីឡាករនៅលើវាលស្មៅ”។</span></p>
<p><span style="color: #000000;">Cardone បញ្ជាក់ថា ចូរចាំថា “ប្រាក់មិនខ្វះនោះទេ”។ ពិភពលោកនេះ ខ្វះតែអ្នកធ្វើការ ៩៥</span><br /><span style="color: #000000;">ម៉ោងក្នុងមួយសប្ដាហ៍តែប៉ុណ្ណោះ៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ cnbc</span><br /><br /></p>