<p><span style="color: #000000;">ព័ត៌មានអន្តរជាតិ ៖ យន្តហោះក្រុមហ៊ុន អាកាសចរណ៍ Cathay Pacific ត្រូវបានបង្ខំអោយលុបចោល ជើងហោះហើររបស់ខ្លួន ពីទី ក្រុង ឡុងដ៍ ប្រទេស អង់គ្លេស ទៅកាន់ ទី ក្រុង ហុងកុង ប្រទេសចិន បន្ទាប់ពីលុតបើកយន្តហោះម្នាក់ ត្រូវ បានចាប់ ឃាត់ខ្លួន ខណៈលោក បានព្យាយាម នាំយកកាំបិត ជាប់នឹងខ្លួនរបស់លោក ដោយដាក់នៅក្នុង វ៉ាលី ផ្ទាល់ខ្លួន ។ </span></p>
<p><span style="color: #000000;">ជនសង្ស័យជាពីលុត ពុំទាន់បានបញ្ជាក់អត្តសញ្ញាណមួយនេះ ត្រូវ បានឃាត់ខ្លួន អំឡុងពេលដែល មានការត្រួតពិនិត្យសុវត្ថិភាព ខណៈ ជើងហោះ ហើរ ហៀបនឹងហោះ ចេញ នាយប់ថ្ងៃសៅរ៍ នេះបើ យោងតាមសម្តីមន្រ្តីប៉ូលីស ផ្លូវការ ចេញសេចក្តីថ្លែងការណ៍ នាព្រឹកថ្ងៃច័ន្ទ ដើមសប្តាហ៍បន្ទាប់ ។ </span></p>
<p><span style="color: #000000;">វេលា ម៉ោង ២១ និង ១០ នាទី យប់ មន្រ្តីប៉ូលីស ប្រចាំការ នៅ ឯ អាកាស យានដ្ឋានអន្តរជាតិ Heathrow បានទូរស័ព្ទហៅមន្រ្តីពាក់ព័ន្ធ ផ្សេងទៀត អោយចុះទៅដល់កន្លែងកើតហេតុ ត្រួតពិនិត្យ សុវត្ថិភាព ។ សេចក្តីរាយការណ៍ បញ្ជាក់អោយដឹងថា ពីលុត រូប នេះ បន្ទាប់មក ត្រូវបានបញ្ជូនទៅ កាន់មន្ទីរឃុំឃាង នៅឯស្នងការប៉ូលីសជាតិ ខណៈក្រោយមក លោកត្រូវបានអនុញ្ញាតអោយនៅក្រៅ ឃុំ មុននឹងវិលត្រលប់មកទីនេះ ម្តងទៀត អំឡុងខែ ឧសភា ដើម្បីធ្វើការស៊ើបអង្កេត ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/22/50-22-04-2015--09-28-22.jpg"><img src="/FileManager/Articles/mce/2015/4/22/50-22-04-2015--09-28-22.jpg" alt="" /></a><br /></span></p>
<p><span style="color: #000000;">ក្រុមហ៊ុនអាកាសចរណ៍ Cathay Pacific ដែលមានស្នាក់ការកណ្តាល នៅ ទីក្រុង ហុងកុង ប្រាប់ភ្នាក់ ងារសារព័ត៌មាន ស៊ីអិនអិន តាមរយៈសារអេឡិចត្រូនិចអោយដឹងថា បើទោះជាខ្លួន មានកិច្ចសហកា រណ៍ជាមួយនឹងអាជ្ញាធរពាក់ព័ន្ធក៏ដោយចុះ ប៉ុន្តែចំពោះ ព័ត៌មានលម្អិត ពុំទាន់ អាចបញ្ជាក់បាននៅ ឡើយទេ ខណៈករណីលើកនេះ ស្ថិតនៅក្រោមការតាមដានស៊ើបអង្កេតនៅឡើយ ។ </span></p>
<p><span style="color: #000000;">ក្រុមហ៊ុនអាកាសចរណ៍ដដែល ក៏បានធ្វើការសុំអភ័យទោស ទៅដល់ក្រុមអ្នកដំណើរទាំង ២៦២ នាក់ ធ្វើដំណើរលើយន្តហោះជើងហោះហើរ CX254 ដែលទទួលរងនូវការលុបចោល កាលពីពេលកន្លង ទៅ។ គួររំឮកថា ក្រុមអ្នកដំណើរទាំងអស់ បានរង់ចាំ នៅនឹងកៅអី លើ យន្ត ហោះ មួយគ្រឿងនោះ អរស់រយៈពេលច្រើនជាង ២ ម៉ោង មុននឹងមានសេចក្តីសម្រេចផ្លូវការ ថាលុបចោលជើងហោះហើរ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ីអិនអិន </span></p>