<p><span style="color: #000000;">ភ្នំពេញ ៖ កាលពីថ្ងៃទី ០៣ ខែមីនា កន្លងទៅនេះ តារាចម្រៀងល្បីឈ្មោះ លោក ម៉ាណិត បានប្រកាសចាកចេញពីផលិតកម្ម រស្មី ហង្ស មាស ខណៈពេលដែលតារាល្បីចូលមកបម្រើការនៅក្នុងផលិតមួយនេះ ។ </span></p>
<p><span style="color: #000000;">ក្នុងនោះផងដែរ ម្ចាស់បទ "Bad Person" រូបនេះបានលើកឡើងនៅលើគណនីអុិនស្រ្តាក្រាមរបស់ខ្លួនថា "ថ្ងៃនេះជាថ្ងៃចុងក្រោយរបស់ខ្ញុំ នៃការបម្រើការងារនៅក្រុមហ៊ុនហង្សមាស។</span><br /><span style="color: #000000;">ខ្ញុំបាទសូមប្រកាសជាផ្លូវការណ៍ថា ខ្ញុំបាទ ម៉ានិត នឹងមិនបន្តបម្រើការងារក្នុងក្រុមហ៊ុនហង្សមាសទៀតឡើយ បន្ទាប់ពីកិច្ចសន្យាបម្រើការងាររយៈពេលប្រាំឆ្នាំ បានចប់ជាស្ថាពរ។ ខ្ញុំពិតជាគិតដល់កន្លែងការងារ ដែលខ្ញុំធ្វើ មិត្តរួមការងារ និងពេលវេលាល្អៗកន្លងមក។ រយៈពេលប្រាំឆ្នាំកន្លងមកនេះ មានមនុស្សជាច្រើនបាននិយាយពីចំណុចអវិជ្ជមាននៃការដែលខ្ញុំចូលធ្វើជាតារាចម្រៀងនៅផលិតកម្មមួយនេះ គេនិយាយថា ធ្វើបែបនេះទើបត្រូវ ធ្វើបែបនោះខុសហើយ ខ្ញុំមិនគួរបែបនេះ ខ្ញុំមិនគួរបែបនោះ តែជាក់ស្ដែងខ្ញុំមិនដែលស្ដាយក្រោយក្នុងបម្រើការងារនៅទីនោះឡើយ។ កាលដែលខ្ញុំចុះកិច្ចសន្យាធ្វើជាតារាចម្រៀងដំបូង ខ្ញុំមានអាយុត្រឹមតែ ១៨ឆ្នាំប៉ុណ្ណោះ ខ្ញុំពិតជាត្រូវរត់ឲ្យទាន់អ្នកដទៃដែលឈានជើងដើរធម្មតា មានរឿងជាច្រើន ដែលខ្ញុំបានរៀនពីកន្លែងមួយនេះ វាធ្វើឲ្យខ្ញុំចេះគិត ចេះប្រឈមមុខ ចេះទំនាក់ទំនង រៀនស្គាល់ពីខ្លួនឯង និងចេះវិនិច្ឆ័យចំណុចតូចលម្អិតកាន់តែច្បាស់។ ខ្ញុំគ្រាន់តែចង់ឲ្យគ្រប់គ្នាបញ្ឈប់ការកាត់សេចក្ដីថា ការដែលខ្ញុំចូលហង្សមាសគឺជាកំហុស" ។ </span></p>
<p><a class="thickbox" title="" href="/FileManager/Commons/2018/3/5/1-05-03-2018--09-01-16.png"><img src="/FileManager/Articles/mce/2018/3/5/1-05-03-2018--09-01-16.png" alt="" /></a></p>
<p><span style="color: #000000;">លោកបានបន្ថែមទៀតថា " វាមិនមែនជាកំហុសឡើយ ព្រោះវាជាការសម្រេចចិត្តរបស់ខ្ញុំ ហើយខ្ញុំក៏មិនស្ដាយក្រោយនឹងការសម្រេចចិត្តរបស់ខ្ញុំដែរ។ ការចាកចេញនេះមិនមែនជាការចុះចាញ់ ឬបរាជ័យ តែវាជាការចាកចេញដើម្បីបន្តដំណើរទៅមុខ ស្វែងរកគោលដៅ និងក្ដីស្រមៃថ្មីមួយ។ ខ្ញុំសូមអរគុណដល់លោកនាយក អ្នកគ្រប់គ្រង ក្រុមការងារនៃក្រុមហ៊ុនហង្សមាសទាំងអស់ ដែលបានសហការយ៉ាងល្អ។ ខ្ញុំសង្ឃឹមថា នឹងបានធ្វើការជាមួយអ្នកទាំងអស់គ្នាម្ដងទៀត" ៕</span></p>
<p><a class="thickbox" title="" href="/FileManager/Commons/2018/3/5/2-05-03-2018--09-02-05.png"><img src="/FileManager/Articles/mce/2018/3/5/2-05-03-2018--09-02-05.png" alt="" /></a></p>
<p><br /><a class="thickbox" title="" href="/FileManager/Commons/2018/3/5/3-05-03-2018--09-02-18.png"><img src="/FileManager/Articles/mce/2018/3/5/3-05-03-2018--09-02-18.png" alt="" /></a></p>
<p><br /><a class="thickbox" title="" href="/FileManager/Commons/2018/3/5/4-05-03-2018--09-02-28.png"><img src="/FileManager/Articles/mce/2018/3/5/4-05-03-2018--09-02-28.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ដោយ ៖ គន្ធា</span></p>