<p><span style="color: #000000;"><strong>(ញូវយ៉ក)៖</strong> តារាម៉ូដែលសញ្ជាតិអាមេរិក អ្នកនាង Kim Kardashian West ដែលជាភរិយារបស់តារា ចម្រៀងលោក Kanye West ត្រូវបានជនបិទមុខពីររូប ដែលបានបន្លំខ្លួនជាប៉ូលីស ចាប់ភ្ជង់កាំភ្លើង នៅក្នុងបន្ទប់សណ្ឋាគារ នៅយប់ថ្ងៃអាទិត្យ (ពេលវេលាទីក្រុងញូយ៉ក) អំឡុងពេលដែលអ្នកនាង កំពុងស្ថិតនៅឯប្រទេសបារាំង ជាមួយនឹងម្តាយនិងបងប្អូនស្រី ដើម្បីចូលរួមកម្មវិធីបង្ហាញម៉ូដ សម្លៀកបំពាក់ «Paris Fashion Week»។ នេះបើតាមការផ្សាយដោយ CNN នៅមុននេះបន្តិច នាព្រឹកថ្ងៃចន្ទ ទី០៣ ខែតុលា ឆ្នាំ២០១៦។</span></p>
<p><span style="color: #000000;">អ្នកតំណាងរបស់អ្នកនាង Kim Kardashian បានប្រាប់ CNN ថា «អ្នកនាងត្រូវបានជនបិទមុខពីរនាក់ ស្លៀកពាក់ជាមន្រ្តីប៉ូលិស ចាប់គំរាមនិងភ្ជង់ដោយកាំភ្លើង នៅក្នុងបន្ទប់សណ្ឋាគារ នៅឯប្រទេសបារាំង ហើយអ្នកនាងកំពុងតែមានការតក់ស្លុតជាខ្លាំង ប៉ុន្តែមិនបានទទួលរងរបួស ឬការធ្វើបាបអ្វីនោះឡើយ»។</span></p>
<p><span style="color: #000000;">ចំណែកឯស្វាមីរបស់អ្នកនាង គឺលោក Kanye West វិញ បន្ទាប់ពីបានជ្រាបពីដំណឹងពាក់ព័ន្ធនឹង ភរិយារបស់ខ្លួនបែបនេះ ក៏បានបញ្ឈប់ការប្រគំតន្រ្តីរបស់ខ្លួន ដែលកំពុងប្រព្រឹត្តិទៅនៅឯទីក្រុងញូយ៉ក យ៉ាងទាន់ហន់ ដោយបានប្រាប់ទៅកាន់អ្នកគាំទ្រថា លោកមានកិច្ចការបន្ទាន់ ពាក់ព័ន្ធនឹងគ្រួសារ។</span></p>
<p><span style="color: #000000;">ទន្ទឹមគ្នានេះដែរ នៅលើបណ្តាញសង្គមនានា ក៏មានពាក្យចចាមអារាមជាច្រើន និងការបន់ស្រន់ បួងសួងផងដែរ ចំពោះលោក West និងក្រុមគ្រួសារ ខណៈពុំទាន់មានប្រភពព័ត៌មានណាមួយ បានបញ្ជាក់ច្បាស់ពីមូលហេតុ ពីក្រោយហេតុការណ៍ខាងលើ នៅឡើយនោះទេ៕</span></p>
<p><span style="color: #000000;"><img src="http://static.lakana.com/npg-global-us-east-1/photo/2016/10/02/Kardashian%20west%20gunpoint_4161975_ver1.0_640_360.jpg" alt="" width="730" /></span></p>
<p><span style="color: #000000;"><img src="http://img.wennermedia.com/social/481868694_kim-kardashian-zoom-10e8fb5f-d072-4bff-b89a-81b5bc01ae89.jpg" alt="" width="730" /></span></p>
<p><span style="color: #000000;"><img src="http://www.eonline.com/eol_images/Entire_Site/2016014/rs_634x1024-160114124846-634.Kim-Kardashian-Editorialist.jpg" alt="" width="730" /></span></p>
<p><span style="color: #000000;"><img src="http://www.hotstarz.info/wp-content/uploads/2015/07/kim-kardashian-makeup-tricks-ulta-event-main.jpg" alt="" width="730" /></span></p>
<p><span style="color: #000000;"><img src="http://verysmartbrothas.com/images/2016/02/kanye-west-fan.jpg" alt="" width="730" /></span></p>
<p><span style="color: #000000;"><img src="http://groovevolt.com/wp-content/uploads/2016/07/kanye-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>