<p><span style="color: #000000;"><strong>បរទេស៖</strong> ជាមួយនឹងការធ្វើលំហាត់ប្រាណ ផឹកទឹកឲ្យបានគ្រប់គ្រាន់ និងការ មានទម្លាប់បរិភោគអាហារសុខភាព អាចជួយឲ្យអ្នកគេងលក់បានស្រួលដែល វាពិតជាមានសារៈសំខាន់ណាស់ សម្រាប់ជួយធ្វើឲ្យអ្នកមានសុខភាពល្អ ។ ប្រសិនបើអ្នកមានបញ្ហាគេងមិនលក់ តើអ្នកមានដឹងទេថា បណ្ដាលមកពីមូលហេតុអ្វីខ្លះ?</span></p>
<p><span style="color: #000000;">ខាងក្រោមនេះ ជាអាហារទាំង៥យ៉ាង ដែលអាចផ្ដល់ផលប៉ះពាល់ដល់ការគេងលក់របស់អ្នក៖</span></p>
<p><span style="color: #000000;"><strong>១. ការសេពគ្រឿងស្រវឹង</strong></span><br /><span style="color: #000000;"> ពិតណាស់ថា ការផឹកស្រាទំពាំងបាយជូរនៅពេលយប់ អាចជួយធ្វើឲ្យអ្នកគេងលក់បានស្រួល ប៉ុន្តែវាអាចនឹងធ្វើឲ្យមាន ផលប៉ះពាល់ដល់ការគេងលក់របស់អ្នកនៅថ្ងៃបន្ទាប់បាន ។</span></p>
<p><span style="color: #000000;"><strong>២. អាហារខ្លាញ់ និងចៀន</strong></span><br /><span style="color: #000000;"> ប្រសិនបើអ្នកបរិភោគអាហារខ្លាញ់ ឬចៀន អាចនឹងធ្វើឲ្យក្រពះចំណាយពេលយូរក្នុងការរំលាយអាហារ ដែលបណ្ដាល ឲ្យពោះរបស់អ្នកមិនស្រួល និងប៉ះពាល់ដល់ដំណេកទៀតផង ។</span></p>
<p><span style="color: #000000;"><strong>៣. សូកូទ្បា ឬសូកូឡាក្តៅ</strong></span><br /><span style="color: #000000;"> ជាតិកាហ្វេអ៊ីន និងស្ករជាច្រើន ដែលមាននៅក្នុងសូកូទ្បា អាចធ្វើឲ្យមានផលរំខានដល់ការគេងលក់របស់អ្នក ។</span></p>
<p><span style="color: #000000;"><strong>៤. សាច់</strong></span><br /><span style="color: #000000;"> ការបរិភោគសាច់បន្ទះក្រាស់ៗ អាចបណ្ដាលឲ្យក្រពះចំណាយពេលយ៉ាងយូរក្នុងការរំលាយអាហារ ពេលខ្លះអ្នកអាចនឹងគេងលក់ក៏ពិតមែន ប៉ុន្តែអ្នកប្រហែលជាត្រូវយល់សុបិននៅលើផ្លូវដ៏វែងអន្លាយ ។</span></p>
<p><span style="color: #000000;"><strong>៥. ទឹកសូដា</strong></span><br /><span style="color: #000000;"> មានផ្ទុកជាតិកាហ្វេអ៊ីន និងស្ករ ប្រសិនបើអ្នកផឹកទឹកសូដាមុនពេលចូលគេង អាចប៉ះពាល់ដល់ការគេងរបស់អ្នកបាន ដោយសារជាតិស្ករក្នុងសូដា អាចជំរុញឲ្យខួរក្បាលធ្វើសកម្មភាព ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/5/95-05-06-2015--08-48-37.jpg"><img src="/FileManager/Articles/mce/2015/6/5/95-05-06-2015--08-48-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>