<div class="article-content">
<p><strong>ភ្នំពេញ ៖</strong> ចោរលួចកាច់កញ្ចក់រថយន្ដ ម្នាក់ បានភ្លាត់ស្នៀតត្រូវបានម្ចាស់រថយន្ដ មានតួនាទី<br />ជាអង្គរក្ស បានដេញចាប់ជាមួយ ក្រុមម៉ូតូឌុប ហើយវាយមួយដៃមួយជើង ម្នាក់ ស្ទើរសល់<br />ដង្ហើមចង្រិត ។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋាន ដែលចុះទៅជួយអន្ដរាគមន៍នៅ កន្លែងកើត<br />ហេតុបានឱ្យដឹងថា ករណីម្ចាស់ រថយន្ដ និងក្រុមរត់ម៉ូតូឌុបដេញចាប់ចោរ លួចកាច់កញ្ចក់<br />រថយន្ដបានម្នាក់ខាងលើនេះ កើតឡើងកាលពីវេលាម៉ោង៧ និង១៥នាទី យប់ថ្ងៃទី១០ ខែវិច្ឆិកា<br /> ឆ្នាំ២០១៣ ស្ថិតនៅ មខផ្ទះលេខ ៦៥អឺសូន្យ ផ្លូវលេខ ១០៥ ក្រុមទី១ ភូមិ១ សង្កាត់បឹងព្រលិត<br /> ខណ្ឌ ៧ មករា ។</p>
<p>សមត្ថកិច្ចមូលដ្ឋានបានបញ្ជាក់ថា ជន សង្ស័យក្នុងចំណោមបក្ខពួក ៣នាក់ ដែល ត្រូវបានចាប់<br />ខ្លួនខាងលើនេះ ឈ្មោះ ទូច រតនា អាយុ ១៩ឆ្នាំ មុខរបរ កម្មករសំណង់ ស្នាក់នៅផ្ទះជួល ភូមិ<br />ចំការឪឡឹក សង្កាត់ កាកាប ខណ្ឌពោធិ៍សែនជ័យ ខណៈដែល បក្ខពួក ២នាក់ទៀត បាត់រត់<br />គេចខ្លួនបាត់ ក្រោយកើតហេតុ ។</p>
<p>សមត្ថកិច្ចមូលដ្ឋានក្រោយពីសួរជនរង គ្រោះរួចមក បានបញ្ជាក់ថា នៅវេលាម៉ោង កើតហេតុ<br />ខាងលើ ម្ចាស់រថយន្ដឈ្មោះ លី ឈាងម៉េង អាយុ ៤៤ឆ្នាំ មុខរបរអង្គរក្ស រស់នៅផ្ទះលេខ ៤៦ <br />ផ្លូវលេខ ១៩០ ភូមិទី ៦ សង្កាត់បឹងព្រលិត ខណ្ឌ៧មករា បានបើក រថយន្ដលុច្សស៊ីស ៥៧០ <br />ស៊េរីឆ្នាំ២០១២ របស់ខ្លួន មកឈប់នៅកន្លែងកើតហេតុ ដើម្បីចូលទៅហូបលតឆា ។ ពេល<br />នោះជន សង្ស័យ ៣នាក់ បានជិះម៉ូតូម៉ាកសង់កូរ៉េ ពណ៌ក្រហម១ គ្រឿង មកឈប់ក្បែរហើយ<br /> ធ្វើសកម្មភាពលួចកាច់កញ្ចក់រថយន្ដ ប៉ុន្ដែ ត្រូវបានជនរងគ្រោះឃើញទៅន់ ក៏ដេញចាប់ ពួក<br />គេ ប៉ុន្ដែ ត្រូវពួកគេទាំង ៣នាក់ ព្រួត វាយមកវិញ ។ដោយសារតែមានការភ្ញាក់ ផ្អើល និងជន<br />រងគ្រោះស្រែកឆោឡោនោះ បានធ្វើឱ្យក្រុមរត់ម៉ូតូឌុប នៅក្បែរនោះចេញ មកជួយអន្ដរាគមន៍<br />ដេញចាប់ក្រុមចោរទាំងនេះ បានម្នាក់ ហើយចាប់វាយមួយដៃមួយ ជើង ស្ទើរសល់ដង្ហើមចង្រិត<br />រីឯបក្ខពួក ២ នាក់ផ្សេងទៀត បានរត់គេចខ្លួនបាត់ ។ ក្រោយចាប់ខ្លួនជនសង្ស័យរូបនេះ កម្លាំង<br /> សមត្ថកិច្ច បានដកហូតកញ្ចប់រថយន្ដលុច្ស ស៊ីស មកវិញប្រគល់ឱ្យជនរងគ្រោះ និងដក ហូត<br />ម៉ូតូសង់កូរ៉េ១គ្រឿង ដែលពួកវាជិះធ្វើ សកម្មភាព ។ បច្ចុប្បន្នជនសង្ស័យរូបនេះ ត្រូវបានឃុំ<br />ខ្លួនជាបណ្ដោះអាសន្ននៅអធិការ ដ្ឋាននគរបាលខណ្ឌ ៧មករា ដើម្បីកសាង សំណុំរឿងបញ្ជូន<br />ទៅតុលាការ ចាត់ការតាម ផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0359.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0360.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>