<p><strong>ភ្នំពេញៈ</strong> ខេមរៈ សិរីមន្ត ក្រោយពីជួបគ្រោះថ្នាក់ចរាចរណ៍ មិនបានប៉ុន្មានផង ក៏លេចឮព័ត៌មាន<br /> ថាលោកកំពុងតែត្រៀមស្ពាយបង្វេច ចាកចេញពីទ្រនំចាស់ទៅសាងទ្រនំថ្មី ដែលជាសា្នដៃរបស់<br />ត្រកូល ខេមរៈ ដោយសារតែមានភាពរង្គោះរង្គើ នៅក្នុងទ្រនំចាស់ គឺទ្រនំសាន់ដេ។</p>
<p>ប្រភពក្រៅផ្លូវការ បានបង្ហើបប្រាប់ឲ្យដឹងថា ពេលនេះតារាចម្រៀងមានឈ្មោះល្បី និងទទួលបាន<br />ការគាំទ្រច្រើន ពីបណ្តាមិត្តៗយុវវ័យ លោក ខេមរៈ សិរីមន្ត កំពុងតែត្រៀម ខ្លួនដឹកដៃបងប្អូនទាំង<br />ពីរនាក់ ចាកចេញពីផលិតកម្ម សាន់ដេ ទៅបើកផលិតកម្មថ្មីខ្លួនឯង ដោយសារតែមានការអាក់អន់<br />ចិត្ត ជាមួយផលិតកម្មចាស់។ ម្យ៉ាងទីផ្សារក៏ហាក់ដូចជា មានភាពស្ងប់ស្ងាត់ជាងមុន ខណៈដែល<br />វត្តមានរបស់ លោក ឆាយ វីរៈយុទ្ធ និងតារាល្បីៗជាច្រើនទៀត បានក្លាយជាតារារួមដំបូលជាមួយ<br />នោះ។</p>
<p>ពាក់ព័ន្ធនឹងការលើកឡើងបែបនេះ ត្រូវបាន លោក ខេមរៈ ភារុណ ដែលជាបងប្រុសបង្កើតរបស់<br /> ខេមរៈ សិរីមន្ត ចេញមុខបដិសេធប្រាប់ Looking TODAY ឲ្យដឹងកាលពីល្ងាច ថ្ងៃទី១ ខែមេសា ឆ្នាំ<br />២០១៣នេះថា ចំពោះព័ត៌មានលើកឡើងនេះ លោកផ្ទាល់ក៏មិនទាន់ដឹងថា ឮមកពីណាទេ ហើយ<br />បងប្អូនលោក ក៏មិនមានគម្រោងក្នុងការចាកចេញទៅណាដែរ ព្រោះថាក្រោយពីបុណ្យចូលឆ្នាំ<br />ខ្មែររួច ប្អូនប្រុសនឹងចាប់ផ្តើមការងារជាថ្មីវិញទៀត លោកសុំច្រានចោលចំពោះព័ត៌មានទាំង<br />អស់នេះ។</p>
<p>លោក ខេមរៈ ភារុណ បានប្រាប់ឲ្យដឹងទៀតថា "ខ្ញុំអត់បានដឹងរឿងនេះសោះ ហើយប្រសិន<br />បើមានរឿងបែបនេះ ខ្ញុំជាបងប្រុសប្រាកដជាបានដឹង តែខ្ញុំផ្ទាល់អត់បានដឹងអីផ..! ហ្នឹងហើយ<br /> ពេលនេះខ្ញុំ ប្អូនខ្ញុំ និងក្រុមហ៊ុន នៅតែមានទំនាក់ទំនងគ្នាល្អដូចដើម គ្មានបញ្ហាល្អក់កករនឹងគ្នា<br /> ត្រង់ចំណុចណានោះទេ" ។</p>
<p>អ្នកនិពន្ធបទចម្រៀង និងដឹកនាំសម្ដែងល្បីឈ្មោះរូបនេះ បានប្រាប់ឲ្យដឹងទៀតថា លោកពិតជា<br />មិនដឹងទេថា សារព័ត៌មា ដែលធ្វើការចុះផ្សាយថា ប្អូនលោកចង់ចេញពីសាន់ដេ ដោយសារតែ<br />ខ្លាចរអា មិនអាចសាងកេរ្តិ៍ឈ្មោះឈ្នះ លោក ឆាយ វីរៈយុទ្ធ នោះ យកអ្វីមកនិយាយឬ ក៏ឃើញ<br />តារាចម្រៀង ក្នុង ផលិតកម្មមានភាពចុះសម្រុងគ្នា ហើយមានការច្រណែន ទើបខំប្រឹងបង្កើត<br />ព័ត៌មានបែបនេះមកចុះផ្សាយ ។</p>
<p>លោកសុំបញ្ជាក់ថា ប្អូនប្រុសរបស់លោក មិនដែលមានចិត្តច្រណែនឈ្នានីស តារាចម្រៀងរួម<br />ដំបូលនោះទេ ផ្ទុយទៅវិញគេ (សិរីមន្ត) សប្បាយចិត្តទៅវិញទេ ពេលបានឃើញតារារួមដំបូល<br /> ទទួលបានជោគជ័យ ព្រោះថានេះមិនមែន ជាជោគជ័យរបស់បុគ្គលតែម្នាក់ឯងទេ វាក៏ជាជោគ<br />ជ័យ របស់ក្រុមហ៊ុនថែមទៀតផង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0056.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0057.jpg" alt="Looking Today" width="400" /></p>
<p style="text-align: center;">លោក ខេមរៈ ភារុណ</p>
<p style="text-align: right;">ផ្តល់សិទ្ធិដោយ៖ ដើមអំពិល</p>