<p><span style="color: #000000;"><strong>(ភ្នំពេញ)៖</strong> តារាសិល្បៈស្រីពីរដួង ដែលមានឈ្មោះ លក្ខិណា ដូចគ្នា គឺ អ្នកនាង ចន ច័ន្ទលក្ខិណា និង កញ្ញា ថន លក្ខិណា បែរជាជួបរឿងក្ដៅក្រហាយដូចគ្នា ក្នុងថ្ងៃតែមួយដែល ធ្វើឲ្យអ្នកទាំងពីឆេះដុំក្ដៅស្លឹកត្រចៀក មិនធម្មតា ដេកមិនលក់បក់មិនល្ហើយនោះឡើយ។</span></p>
<p><span style="color: #000000;">ចន ច័ន្ទលក្ខិណា ហាក់ក្រៅក្រហាយនឹងបុរសម្នាក់ ដែលថ្លើមធំ ហ៊ានជេរប្រមាថនាង ថា ជាស្រីក្បត់ប្ដី ខណៈដែលនាង ថន លក្ខិណា វិញក៏ក្ដៅចិត្តមិនស្ទើរដែរ ជុំវិញដំណឹងថា ស្វាមីរបស់អ្នកនាង ថន តារា ជាបងស្រីបង្កើតរបស់នាង ដែលជាមន្រ្តីជនជាតិថៃ លែងប្រពន្ធមិនទាន់ដាច់ ហើយមករៀបការជាមួយ នឹងបងស្រីរបស់នាង។</span></p>
<p><span style="color: #000000;">អ្នកនាង ចន ច័ន្ទលក្ខិណា បានក្ដៅស្លឹកត្រចៀក នឹងអាចឈានទៅរកផ្លូវច្បាប់ ក្នុងករណីបុរសម្នាក់ មកវាយប្រហារនាងដល់ក្នុងគណនីផ្ទាល់ ដែលបានប្រើពាក្យ សម្ដីថា <strong>«ម៉ែក្បត់ម៉េចដូចម៉ែ»</strong> ធ្វើឲ្យនាងមិនសប្បាយចិត្តជាខ្លាំង រហូតនាងនឹងប្រើប្រាស់ផ្លូវច្បាប់ ដើម្បីព្រមានអ្នកវាយប្រហារ ចំពោះអ្នកដែលប្រមាថនាង។ </span><br /><span style="color: #000000;">អ្នកនាង ចន ច័ន្ទលក្ខិណា ក៏ធ្លាប់រងនៅរឿងមិនល្អ បែបនេះច្រើនណាស់ តែគេមិនបានចូល មកនិយាយក្នុងគណនីនាង លើកនេះនាងលែងអត់ឱនឲ្យហើយ ព្រោះប្រៀបដូចចោរដែលចូលក្នុងផ្ទះ ពោលគឺនាងលេងមែនទែនហើយ។</span><br /> <br /><span style="color: #000000;">អ្នកនាង ចន ច័ន្ទលក្ខិណា ហាក់អស់ភាពអត់ធ្មត់ឲ្យមនុស្ស ដែលមើលងាយនាង ព្រោះកន្លងមហាជនមួយចំនួនតូច គឺជេរនាងមិនអាសូរឡើយ ពាក្យសម្ដី អាក្រ់បែបណា ក៏ធ្លាប់ឮដែរ តែនាងមិនមាត់ ប៉ុន្តែពេលនេះនាងសុំវិញម្ដង។</span><br /> <br /><span style="color: #000000;">ចំណែកឯតារាស្រីវ័យក្មេងរូបស្អាត រាងស្រឡូន កញ្ញា ថន លក្ខិណា ឯណោះវិញ ក៏ក្ដៅចិត្តមិនតិចទេ ពេលបងស្រីសំណប់ចិត្ត ត្រូវបានសារព័ត៌មាន ក្នុងស្រុកមួយចំនួន បានចុះថា ប្ដីបងស្រីនាង មិនទាន់លែងប្រពន្ធ ខណៈដែលព័ត៌មានបានបកប្រែ សាច់រឿងត្រឹមតែពាក់កណ្ដាល ធ្វើឲ្យភ្លើងក្នុងចិត្តនាង ឆាបឆួលឡើងមិនតិចទេ។ ថន លក្ខិណា បាននិយាយ ក្នុងបណ្ដាញសង្គមរបស់នាងថា <strong>«ផ្អើលអីក៏ផ្អើលយ៉ាងនេះ!!! នាងខ្ញុំសូមផ្តាំទៅសារព័ត៌មានខ្មែរមួយចំនួនផងដែរ ថា បើជ្រុលតែបកប្រែពីគេមកដែរ ហេតុអីក៏មិនបកឲ្យអស់ ទៅចាំបាច់ទុកមួយកំណាត់ទៀតធ្វើអី?»</strong>។</span></p>
<p><span style="color: #000000;">ថន លក្ខិណា បានសង្កត់ធ្ងន់ថា <strong>«ត្រង់ចំណុចសំខាន់ ដែលខាងប្រុសគាត់បានផ្តល់បទសម្ភាសន៍ថា ប្រពន្ធមុនគាត់មិនបានរៀបការទេ ហើយគាត់ក៏បាន លែងលះគ្នាដែរ ចំណុចនេះម៉េចក៏មិនបកប្រែ យកមកចុះផ្សាយផង? ហេតុអីក៏អាត្មានិយមម្ល៉េះ? តើអ្នកមានខួរគិតទេថា បើគេមិនទាន់លែងប្រពន្ធ តើគេអាចរៀបការ ប្រពន្ធថ្មីបានឬ? ទាំងច្បាប់អាពាពិពាហ៍ ពិតជាពិបាកសុំណាស់។ អ្វីដែលសំខាន់ចាស់ទុំទាំងសងខាង បានដឹងឮនិង សម្រេចឲ្យអ្នកទាំងពីររៀបការ។ ឈប់បានឈប់ទៅ កុំដើម្បីតែផលប្រយោជន៍របស់ខ្លួន សរសេរចំណងជើងតាមអំពើចិត្តនោះ វាធូរថ្លៃពេក ត្រូវគិតដល់ចិត្តគេផង បើរឿងនេះធ្លាក់ ទៅលើគ្រួសារអ្នកតើអ្នកមានអារម្មណ៍បែបណា? សូមមេត្តាពិចារណាឡើងវិញ..!»</strong>៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/19/1-19-07-2016--10-39-17.png"><img src="/FileManager/Articles/mce/2016/7/19/1-19-07-2016--10-39-17.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-18-16-36-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-18-16-36-33-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-18-16-36-33-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-18-16-36-33-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>