<p><span style="color: #000000;"><strong>ភ្នំពេញ៖</strong> លើបណ្តាញសង្គមហ្វេសប៊ុក នៅព្រឹកថ្ងៃទី២០ ខែតុលា ឆ្នាំ២០១៥នេះ បាននាំគ្នាផ្សព្វផ្សាយព័ត៌មានអកុ សលជាថ្មីម្តងទៀត ដោយអះអាងថា កវីជើងចាស់ចាប៉ីដងវែង លោកតាភារម្យ ប្រាជ្ញ ឈួន ទទួលមរណភាពហើយត្រូវបានគេបង្ហោះតៗគ្នាព្រោងព្រាត ។</span></p>
<p><span style="color: #000000;">ដំណឹងអកុសលនេះ ធ្លាប់ត្រូវបានក្រុមអ្នកលេង Facebook នាំគ្នាផ្សព្វផ្សាយ និងចែករំលែកបន្តគ្នារួចម្តងមកហើយ កាលពីពេលកន្លងទៅ ។</span></p>
<p><span style="color: #000000;">លោក ប្រាជ្ញ ឆាត ជាកូន បានប្រាប់គេហទំព័រកម្សាន្ត LookingTODAY ឲ្យដឹងនៅព្រឹកថ្ងៃនេះថា លោកតា ប្រាជ្ញ ឈួន មានសុខភាពល្អធម្មតា ហើយរូបលោកជាកូនកំពុងដឹក លោកតាទៅសុំសីល នៅវត្តស្រម៉រ ស្ថិតក្នុងភូមិស្រម៉រ ឃុំក្វាវ ស្រុកត្រាំង ខេត្ត តាកែវ ជាវត្តស្ថិតនៅក្បែរផ្ទះ ។</span></p>
<p><span style="color: #000000;">បើទោះបីជាយ៉ាងណា ជាមួយនិងភាពជរា ដោយបច្ចុប្បន្នលោកតា ប្រាជ្ញ ឈួន មានជន្មាយុ៨០ឆ្នាំ ទៅហើយនោះត្រូវលោក ប្រាជ្ញ ឆាត ជាកូន បានអះអាងថា លោកតា ប្រាជ្ញ ឈួន ដែលជាអ្នកចម្រៀងចាប៉ីដងវែង ដ៏ល្បាញល្បីនៅកម្ពុជា ហាក់មានសុខភាពរាងទ្រុឌទ្រោម ពោលសុខភាពមួយថ្ងៃកាត់មួយថ្ងៃកោ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/20/11-20-10-2015--09-16-00.jpg"><img src="/FileManager/Articles/mce/2015/10/20/11-20-10-2015--09-16-00.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>