<p><span style="color: #000000;"><strong>(កណ្តាល)៖</strong> ជនសង្ស័យម្នាក់មិនខ្ចីខ្វល់និងការរកស៊ីនោះទេ ព្រោះមានជំនាញខាងបោកម៉ូតូគេ យកទៅលក់ដើរសីុចាយជាបន្តបន្ទាប់ ប៉ុន្តែចុងក្រោយអស់ល័ក្ខត្រូវម្ចាស់គេតាមរកឃើញរួចឃាត់ខ្លួននាំយកមកប្រគល់ឲ្យនគរបាលចាត់ការទៅតាមផ្លូវច្បាប់ កាលពីម៉ោង១៣៖៣០នាទីថ្ងៃទី១៤ខែមករា ឆ្នាំ២០១៤ នៅឃុំឆក់ឈើងនាង ស្រុកអង្គស្នួល ខេត្តកណ្តាល។</span></p>
<p><span style="color: #000000;">នគរបាលបានឲ្យដឹងថា ជនរងគ្រោះឈ្មោះ កែវ វីរៈ ភេទប្រុស អាយុ១៨ឆ្នាំមុខរបរជាសិស្ស រស់នៅភូមិត្រពាំងភូមិ ឃុំពើក ស្រុកអង្គស្នួល ។ ចំណែកជនសង្ស័យឈ្មោះ ឌិន បញ្ញា អាយុ១៨ឆ្នាំ មុខរបរមិនពិតរស់នៅភូមិចុងបង្គោល ឃុំបែកចាន ស្រុកអង្គស្នួល ខេត្តកណ្តាល ។ ចំពោះម៉ូតូដែលបានបាត់បង់ គឺម៉ាក C១២៥ ពណ៌ខ្មៅពាក់ស្លាកលេខ ភ្នំពេញ1DG-8927 ។</span></p>
<p><span style="color: #000000;">មន្ត្រីនគរបាលបានបន្តថា កាលពីថ្ងៃទី០៤ខែមករា ឆ្នាំ២០១៦កន្លងទៅ ជនសង្ស័យនិងជនរងគ្រោះបានឌុបគ្នាទៅផឹកស៊ីនៅចំណុចអាហារដ្ឋានម្លប់ដូងត្រជាក់ចិត្ត ភូមិសាំងដំរី ឃុំឆក់ឈើនាង ស្រុកអង្គស្នួល ខេត្តកណ្តាល ហើយខណៈកំពុងតែផឹកស៊ីនោះ ស្រាប់តែជនសង្ស័យបានប្រើល្បិចខ្ចីម៉ូតូទៅឌុបបងប្អូនយកមកស៊ីផឹកជាមួយគ្នា ពេលនោះជនរងគ្រោះព្រមឲ្យម៉ូតូខ្ចី លុះពេលជនសង្ស័យជិះម៉ូតូចេញទៅមិនឃើញត្រឡប់មកវិញ ទើបដឹងថាចាញ់បោកគេ រួចបានមកដាក់ពាក្យបណ្តឹងនៅប៉ុស្តិ៍នគរបាលកន្លែងកើតហេតុ លុះដល់ថ្ងៃទី១៤ខែឆ្នាំដដែល ស្រាប់តែជនរងគ្រោះប្រទះឃើញជនសង្ស័យនៅផ្ទះជួលម្តុំអូរឌឹមទំនប់កប់ស្រូវ ខណ្ឌពោធិ៍សែនជ័យ ក៏ធ្វើការឃាត់ខ្លួននាំយកមកប្រគល់ឲ្យនគរបាលចាត់ការទៅតាមផ្លូវច្បាប់។</span></p>
<p><span style="color: #000000;">មន្ត្រីនគរបាលបានបញ្ជាក់ថា ជនសង្ស័យកន្លងមកធ្លាប់ប្រើល្បិចខ្ចីម៉ូតូគេរួចស៊ីដាច់ជាច្រើនគ្រឿងមកហើយ ប៉ុន្តែម្ចាស់គេមុនមិនដែលតាមរកឃើញនោះទេ តែលើកនេះអស់ល័ក្ខត្រូវម្ចាស់គេរកឃើញ ឃាត់ខ្លួនប្រគល់ឲ្យនគរបាលចាត់ការទៅតាមផ្លូវច្បាប់តែម្តង។</span></p>
<p><span style="color: #000000;">បច្ចុប្បន្នជនសង្ស័យ ត្រូវឃុំខ្លួនជាបណ្តោះអាសន្ននៅអធិការដ្ឋាននគរបាលស្រុកអង្គស្នួល ដើម្បីកសាងសំណុំរឿងបញ្ជូនមកកាន់ស្នងការចាត់ការទៅតាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/15/1-15-2016-8-50-22-am-15-01-2016--08-57-42.png"><span style="color: #000000;"><img src="/FileManager/Articles/mce/2016/1/15/1-15-2016-8-50-22-am-15-01-2016--08-57-42.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>