<p>នៅក្នុងសន្និសិទដែលបានប្រារព្ធធ្វើឡើង កាលពីថ្ងៃព្រហស្បត្តិ៍ ដែលទើបតែកន្លងទៅថ្មីៗនេះ Nokia បានប្រកាសបង្ហាញពីរបាយការណ៍ហិរញ្ញវត្ថុ នៅត្រីមាសទី៣ ឆ្នាំ២០១៤ មានការកើនឡើងយ៉ាងខ្លាំង ក្លា ទន្ទឹមនឹងនោះក៏បានបង្ហើបឲ្យដឹងពីសញ្ញាណ ស្តីពីការដែលក្រុមហ៊ុនអាចនឹងត្រលប់មកផលិត ស្មាតហ្វូនឡើងវិញ នៅក្នុងថ្ងៃអនាគត។ ជាក់ស្តែងរឿងនេះ នៅមិនទាន់មានភាពច្បាស់លាស់ និង ពិតប្រាកដនោះទេ។</p>
<p><a class="thickbox" title="" href="/FileManager/Commons/2014/10/27/wjyevvr-27-10-2014--20-35-36.jpg"><img src="/FileManager/Articles/mce/2014/10/27/wjyevvr-27-10-2014--20-35-36.jpg" alt="" /></a></p>
<p>ក្រុមហ៊ុនបានឲ្យដឹងថា ស្លាកយីហោ Nokia គឺជាទ្រព្យដ៏សំខាន់បំផុត និងមានតំលៃបំផុតក្នុងវិស័យ ទូរស័ព្ទ និងឧបករណ៍ Mobile។ ដូច្នេះក្រុមហ៊ុន នឹងខិតខំឲ្យអស់លទ្ធភាព ដើម្បីទាញយកគុណ ប្រយោជន៍ជាអតិបរមា នូវតំលៃនៃស្លាកយីហោរបស់វា។</p>
<p>ជាក់ស្តែង បច្ចុប្បន្នរឿងនេះ គឺមិនអាចអនុវត្ត ចេញបានទេ ព្រោះថាបណ្តាកិច្ចព្រមព្រៀង ក្នុងការទិញ លក់ជាមួយ Microsoft តិចបំផុតគឺមួយឆ្នាំទៀត ទើបយើងអាចឃើញស្លាកយីហោ និងឡូហ្គោNokia នៅលើស្មាតហ្វូន បើសិនជា Nokia ពិតជាមានចេតនា និងយកគំនិតនេះមកអនុវត្ត។</p>
<p>បច្ចុប្បន្ននៅផ្នែកស្មាតហ្វូន គឺ Microsoft មានសិទ្ធិប្រើប្រាស់ស្លាកយីហោ Nokia ក្នុងអំឡុងរយះពេល មួយឆ្នាំ សម្រាប់ផ្នែកទូរស័ព្ទធម្មតា គឺមានសិទ្ធិប្រើរយះពេល ១០ឆ្នាំ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ nokiapoweruser, tinhte</p>