<p><span style="color: #000000;"><strong>ត្បូងឃ្មំ៖</strong> ស្នងការនគរបាលខេត្តត្បូងឃ្មុំ លោកឧត្តមសេនីយ៍ ម៉ៅ ពៅ បានបញ្ជាក់ថា គ្រាប់បេទម្លាក់ពីលើយន្តហោះចម្បាំង សម័យសង្គ្រាម លន់ នល់ មួយគ្រាប់ដ៏ធំ ត្រូវបានរកឃើញកប់ នៅក្នុងដីរបស់ប្រជាពលរដ្ឋ ភូមិជើងឡង សង្កាត់សួង ក្រុងសួង ខេត្តត្បូងឃ្មុំ នៅល្ងាចថ្ងៃទី១៤ ខែសីហា ឆ្នាំ២០១៥ ហើយ នៅព្រឹកថ្ងៃនេះ ក្រុមស៊ីម៉ាក់ បាននឹងកំពុងរៀបចំដឹកយកចេញ។</span></p>
<p><span style="color: #000000;">លោកឧត្តមសេនីយ៍ ម៉ៅ ពៅ បានបញ្ជាក់ថា គ្រាប់បេនេះជាប្រភេទគ្រាប់ MK82 កប់សល់ពីសម័យសង្គ្រាម ទសវត្សរ៍ឆ្នាំ៧០ មានបណ្តោយគ្រាប់ប្រវែង ២.៨ម៉ែត្រ ទទឹងប្រមាណ ០.៣ម៉ែត្រ និងទំងន់ ២២៧គីឡូក្រាម ។</span></p>
<p><span style="color: #000000;">បើតាមលោកឧត្តមសេនីយ៍ គ្រាប់បេមួយគ្រាប់នេះ ត្រូវបានប្រជាពលរដ្ឋរាយការណ៍ មកនគរបាលរបស់លោកថា កប់នៅក្រោមដី ក្នុងបរិវេណផ្ទះ របស់ពួកគាត់ ពេលនោះលោកបានរាយការណ៍ទៅក្រុមស៊ីម៉ាក់ មកជីកយកអស់រយៈ ពេលមួយសប្តាហ៍មកហើយ ទើបយកបានកាលពីល្ងាចមិញ ហើយគ្រាប់បេនេះ នៅមានដំណើរការនៅឡើយទេ។</span></p>
<p><span style="color: #000000;">លោកស្នងការ សូមអំពាវនាវ ឲ្យប្រជាពលរដ្ឋទាំងអស់ ត្រូវរាយការណ៍ដល់ កម្លាំងសមត្ថកិច្ចរបស់លោក បើសិនប្រទះឃើញអាវុធយុទ្ធភ័ណ្ឌផ្សេងៗ ជៀសវាងការប៉ះពាល់ដល់អាយុជីវិតរបស់ខ្លួន៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/15/8-15-2015-11-11-34-am-15-08-2015--11-17-49.png"><span style="color: #000000;"><img src="/FileManager/Articles/mce/2015/8/15/8-15-2015-11-11-34-am-15-08-2015--11-17-49.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>