<p>ស្ទើរតែមិនគួរអោយជឿ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មាន<br />បរទេស ស្កាយ អោយដឹងថា អ្នកសម្អាតនៅលើយន្តហោះម្នាក់ បានរកឃើញដុំមាសដល់<br />ទៅ ២៤ ដុំ នៅឯក្នុងបន្ទប់ទឹក លើយន្តហោះមួយគ្រឿង ខណៈពេលដែលដុំមាសទាំង<br />អស់នោះ មានតម្លៃស្មើនឹង ១ លានដុល្លារ។</p>
<p>ដោយឡែក យន្តហោះមួយគ្រឿងនោះ គឺជាកម្មសិទ្ធរបស់ក្រុមហ៊ុនអាកាសចរណ៍ Jet <br />Airways ត្ រូវបានបុគ្គលិកជាអ្នកបម្រើរកឃើញដុំមាសទាំងអស់នោះ ខណៈពេលដែល<br />ឈប់សម្រាកសម្អាតនៅឯអាកាសយានដ្ឋានអន្តរជាតិ Kolkata airport កាលពីថ្ងៃអង្គារ<br />កន្លងទៅនេះ នៅក្នុងប្រទេសឥណ្ឌា ពោលគឺ ក្រោយពីធ្វើដំណើរហោះហើររបស់ខ្លួនពី<br />ភាគខាងកើតក្រុង Patna ។</p>
<p><a class="thickbox" title="" href="http://camnews.com.kh/FileManager/Commons/2013/11/21/164122993-1-522x293-21-11-2013--11-34-35.jpg"><img src="http://camnews.com.kh/FileManager/Articles/mce/2013/11/21/164122993-1-522x293-21-11-2013--11-34-35.jpg" alt="" width="431" height="240" /></a></p>
<p>លោក BP Mishra ជាប្រធាននាយកប្រចាំអាកាសយានដ្ឋានអន្តរជាតិមួយនេះ អះអាង<br />អោយដឹងថា ដុំមាសទាំង ២៤ ដុំ មានទម្ងន់ ១ គ.ក លើកនេះ ត្រូវបានគេប្រទះឃើញ<br />នៅក្នុងកាបូបពីរ ទុកចោលនៅក្នុងបន្ទប់ទឹកយន្តហោះ ។ បន្ថែមពីលើនេះ ប្រភពពីអាកា<br />សយានដ្ឋានមួយនេះ បញ្ជាក់ថា មិនទាន់មាននរណាម្នាក់ ចេញមុខអះអាងថា ដុំមាស<br />ទាំងនេះ ជារបស់ខ្លួននៅឡើយនោះទេ ហើយក៏ពុំទាន់មានករណីចាប់ឃាត់ខ្លួនបុគ្គល<br />ណាមួយនោះ ដូចគ្នាដែរ។</p>
<p>ឥណ្ឌា គឺជាប្រទេសមានការប្រកួតប្រជែងជាខ្លាំង ជាមួយនឹងប្រទេសចិន ខណៈអតិថិ<br />ជនមាសដ៏ធំបំផុតក្នុងពិភពលោក ស្របពេលដែលប៉ុន្មានខែចុងក្រោយនេះ គេអាច<br />មើលឃើញដោយផ្ទាល់ភ្នែកបានថា មានករណីរត់ពន្ធជាច្រើនផងដែរ។ គួររំឭកផងដែរ<br />ថា ក្នុងឆ្នាំនេះ ពន្ធនាំចូល ត្រូវបានតម្លើងដល់ទៅបីដង ដើម្បីជាការទប់ស្កាត់នូវតំរូវការ<br />ដ៏គំហុករបស់ប្រទេសនេះ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>