<div class="item-page">
<p><span style="color: #000000;"><strong>(អាមេរិក)៖</strong> សន្និសីទសារព័ត៌មានផ្លូវការជាលើកដំបូង ត្រូវបានប្រធានាធិបតជាប់ឆ្នោតអាមេរិកលោក ដូណាល់ ត្រាំ ធ្វើឡើងនៅក្នុងអគារពាណិជ្ជកម្ម Trump Tower ក្នុងទីក្រុងញូយ៉ក ដោយលោកបានអញ្ជើញភ្នាក់ងារសារព័ត៌មានល្បីៗជាច្រើនចូលរួម ក្នុងនោះមានទាំងសារព័ត៌មានប្រឆាំង និងគាំទ្ររូបលោកផងដែរ រួមទាំងសារព័ត៌មាន CNN។ នេះបើតាមការផ្សាយរបស់សារព័ត៌មាន BBC ដែលត្រូវបានដកស្រង់នាព្រឹកថ្ងៃព្រហស្បតិ៍ ទី១២ ខែមករា ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/1/12/33a-12-01-2017--12-02-28.jpg"><img src="/FileManager/Articles/mce/2017/1/12/33a-12-01-2017--12-02-28.jpg" alt="" /></a><br /></span></p>
<p><span style="color: #000000;">ប្រធានាធិបតីអាមេរិកជាប់ឆ្នោត លោក ដូណាល់ ត្រាំ បានប្រើពាក្យសម្ដីធ្ងន់ៗទៅកាន់អ្នកសារព័ត៌មាននៃទូរទស្សន៍ CNN និងគេហទំព័រព័ត៌មានមួយឈ្មោះថា BuzzFeed ដោយលោកបានហៅ CNN ថាអ្នកផ្សាយ <strong>«ព័ត៌មានក្លែងក្លាយ»</strong> ហើយ BuzzFeed គឺជាគំនរសំរាម។</span></p>
<p><span style="color: #000000;">ការលើកឡើងបែបនេះរបស់លោក ត្រាំ ធ្វើឡើងនៅក្នុងឱកាសធ្វើសន្និសីទសារព័ត៌មានជាលើកដំបូងនៅឯអាគារ Trump Tower។ ប៉ុន្តែទន្ទឹមគ្នានោះដែរ លោកបានបដិសេធឆ្លើយនឹងសំណួរអ្នកសារព័ត៌មាន CNN ហើយថែមទំាងបន្ទោសអ្នកសារព័ត៌មានរូបនេះចំៗដូច្នេះថា៖ <strong>«ទេ ! មិនជាអ្នកទេ ព្រោះប្រព័ន្ធផ្សព្វផ្សាយរបស់អ្នកគឺជាព័ត៌មានក្លែងក្លាយ (...) អ្នកគួរតែនៅស្ងៀម ហើយទុកឱ្យស្ត្រីម្នាក់នោះសួរសំណួរ... អ្នកឯងកុំឈ្លើយ! ខ្ញុំនឹងមិនឆ្លើយនឹងសំណួររបស់អ្នកទេ»។ បន្ថែមពីលើនេះលោក ដូណាល់ ត្រាំ ក៏បានហៅ គេហទំព័រព័ត៌មាន BuzzFeed ដែលជាអ្នកបញ្ចេញរឿងអាស្រូវផ្លូវភេទរបស់លោកនៅអំឡុងយុទ្ធនាការឃោសនាបោះឆ្នោតថា «គ្រាន់តែគឺជាគំនរសំរាមប៉ុណ្ណោះ»</strong>៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F671191779719283%2F&show_text=0&width=730" frameborder="0" width="480" height="380"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>