<p>ជាឧបករណ៍ពាក់ដៃដ៏ឆ្លាតវៃ ដែលត្រូវបានបង្កើតឡើងជាមួយនឹងមុខងារប្រើប្រាស់ជាច្រើន ប៉ុន្តែ សម្រាប់សមត្ថភាពក្នុងការវាស់ចង្វាក់បេះដូង នៅលើនាឡិការបស់ Apple ត្រូវបានគេវាយតំលៃមាន ភាពត្រឹមត្រូវច្បាស់លាស់ ក្នុងកំរិតមួយដ៏ខ្ពស់។</p>
<p>ដូចទៅនឹងបណ្តានាឡិកាឆ្លាតវៃដទៃផ្សេងទៀតដែរ Apple Watch ត្រូវបានបំពាក់នូវសេនសឺរ (Sensor) វាស់ចង្វាក់បេះដូងស្ថិតនៅផ្ទៃខាងក្រោមនាឡិកា។ មតិយោបល់មួយចំនួនបានឲ្យដឹងថា Hardware នេះ គ្រាន់តែជាមុខងារបំពេញបន្ថែមមួយ ដោយទិន្នន័យរបស់វាគ្រាន់តែជាព័ត៌មានយោង ជាមួយនឹង ភាពត្រឹមត្រូវក្នុងកំរិតមធ្យមតែប៉ុណ្ណោះ។ ជាក់ស្តែង តាមរយះការវាស់ចង្វាក់បេះដូង បានបង្ហាញឲ្យ ឃើញថា នាឡិការបស់ Apple បានផ្តល់នូវលទ្ធផលគួរជឿជាក់ជាខ្លាំង។</p>
<p style="text-align: center;"><a class="thickbox" title="" href="/FileManager/Commons/2015/5/12/001-12-05-2015--20-38-35.png"><img src="/FileManager/Articles/mce/2015/5/12/001-12-05-2015--20-38-35.png" alt="" /></a></p>
<p style="text-align: center;"><span style="color: #808080;"><em>ក្រាហ្វិកវាស់ចង្វាក់បេះដូងតាម Apple Watch (ខ្សែពណ៌ខ្មៅ) និងម៉ាស៊ីនវាស់ជំនាញ Mio Alpha (ពណ៌ក្រហម)</em></span></p>
<p class="Normal">វិស្វករផ្នែក Software, Brad Larson បានធ្វើការវាស់ចង្វាក់បេះដូងទន្ទឹមគ្នាជាមួយនឹង Apple Watch និងម៉ាស៊ីនវាស់ជំនាញ Mio Alpha ក្នុងរយះពេលមួយស្មើគ្នា។ បន្ទាប់ពីពេលរៀបលទ្ធផលទិន្នន័យត្រួត លើគ្នាមក តារាងក្រាហ្វិកវាស់ចង្វាក់បេះដូងរបស់ឧបករណ៍ទាំងពីរ ស្ទើរតែដូចគ្នាទាំងស្រុង។ "វាពិតជា អស្ចារ្យខ្លាំងណាស់" វិស្វករ Brad Larson បញ្ជាក់បន្ថែម។</p>
<p class="Normal">បើទោះបីជា ត្រូវបានគេវាយតំលៃមានភាពត្រឹមត្រូវក្នុងកំរិតខ្ពស់ ប៉ុន្តែអ្នកប្រើប្រាស់មួយចំនួនដែល មានស្នាមសាក់នៅលើ កដៃ បានរអ៊ូរទាំថា Apple Watch វាស់ចង្វាក់បេះដូងមិនបានត្រឹមត្រូវឡើយ សម្រាប់ ពួកគេ។ ក្រុមហ៊ុន Apple ក៏បានទទួលស្គាល់នូវបញ្ហានេះដែរ ប៉ុន្តែក្រុមហ៊ុននៅមិនទាន់ដាក់ ចេញនូវ វិធានការដោះស្រាយ មានប្រសិទ្ធភាពណាមួយនៅឡើយទេ៕</p>
<p class="Normal" style="text-align: right;">ប្រែសម្រួល៖ ករុណា<br />ប្រភព៖ vexpress</p>