<div class="article-content">
<p><strong>ភ្នំពេញ៖</strong> ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានប្រកាសនៅថ្ងៃទី១២ ខែមេសា<br /> ឆ្នាំ២០១៣ថា ព្រះរាជពិធីបុណ្យអុំទូក អកអំបុក និងសំពះព្រះខែក្នុងឆ្នាំនេះ ត្រូវតែរៀបចំឡើង នៅ<br />ក្នុងរាជធានីភ្នំពេញ បន្ទាប់ពីខកខានមិនបាន ប្រារព្ធអស់រយៈពេល២ឆ្នាំកន្លងមក។</p>
<p>សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា បានមានប្រសាសន៍ដូច្នេះ ក្នុងឱកាស<br />ចូលរួមបើកការ ដ្ឋានសាងសង់ពហុកីឡដ្ឋានជាតិ មរកតតេជោស្ថិតនៅជិតស្ពានព្រែកព្នៅ សង្កាត់<br />បាក់ខែង ខណ្ឌឬស្សីកែវ រាជធានីភ្នំពេញ នៅព្រឹកថ្ងៃទី១២ ខែមេសា ឆ្នាំ២០១៣។</p>
<p>សម្តេចមានប្រសាសន៍បញ្ជាក់ដូច្នេះ «អុំទូកក្នុងឆ្នាំនេះត្រូវធ្វើឡើងដោយគូរពិសេស….ឆ្នាំ២០១២ <br />យើងអត់បានអុំ ដោយការចូលទីវង្គត់របស់សម្តេចឪ អតីតព្រះមហាក្សត្រកម្ពុជា»។</p>
<p>ព្រះរាជពិធីបុណ្យអុំទូ ដែលជាព្រះរាជពិធីបុណ្យដ៏សែនសប្បាយរីករាយ និងធំជាងបណ្តាបុណ្យ<br />នានា នៅក្នុងរាជ ធានីភ្នំពេញ តែងតែប្រារព្ធធ្វឡើងនៅថ្ងៃ ទី១៦-១៧-១៨ ខែវិច្ឆិកា។ ពិធីបុណ្យដ៏ធំ<br />មួយនេះ ត្រូវផ្អាករយៈពេល២ ឆ្នាំមកហើយ គឺឆ្នាំ២០១២ និងឆ្នាំ២០១១ ដោយឆ្នាំ២០១២ កម្ពុជាមាន<br />មហាទុក្ខសោក ព្រោះព្រះវររាជបិតាឯក រាជ្យជាតិ ព្រះបាទសម្តេច ព្រះនរោត្តម សីហនុ យាងចូល<br />ទិវង្គត ហើយនៅឆ្នាំ២០១១ កម្ពុជាបានជួបនូវគ្រោះទឹក ជំនន់រងនូវការខូចខាតយ៉ាងធំធេង៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-088.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>