<p><span style="color: #000000;"><strong>(សេអ៊ូល)៖</strong> ប្រទេសកូរ៉េខាងជើង បានបាញ់សាកល្បងគ្រាប់មីស៊ីលបន្ថែមទៀតហើយ ដែលវាគឺជាលើកទី៥ នៅក្នុងឆ្នាំ២០១៦ នេះ បន្ទាប់ពីរយៈពេលប៉ុន្មានម៉ោងប៉ុណ្ណោះ ដែលក្រសួងការពារជាតិកូរ៉េខាងត្បូងបាន ព្រមានថា កូរ៉េខាងជើង នឹងអាចបាញ់សាកល្បងគ្រាប់មីស៊ីល បន្ថែមទៀតក្នុងពេលឆាប់ៗ។ នេះបើតាមការផ្សាយរបស់ទីភ្នាក់ងារព័ត៌មានចិនស៊ិនហួរ ចេញផ្សាយនៅមុននេះបន្ដិច នារសៀលថ្ងៃចន្ទ ទី២១ ខែមីនា ឆ្នាំ២០១៦។</span></p>
<p><span style="color: #000000;">ចំពោះការបាញ់សាកល្បងលើកទីប្រាំនេះ ក្រុមតាមដានសកម្មភាពកូរ៉េខាងជើង ពីប្រទេសកូរ៉េខាងត្បូងបាន មិនបានបញ្ជាក់ថា មានប៉ុន្មានគ្រាប់ នៅឡើយទេ ប៉ុន្តែគ្រាប់មីស៊ីលទាំងនោះ បានធ្លាក់ចូលទៅក្នុងដែនទឹកភាគខាងកើតរួចហើយ។ នៅពេលនេះមន្ត្រីពាក់ព័ន្ធរបស់កូរ៉េខាងត្បូង បានរៀបចំ កិច្ចប្រជុំបន្ទាន់ដើម្បីពិភាក្សាពីទង្វើកូរ៉េខាងជើងនេះ។</span></p>
<p><span style="color: #000000;">គួរបញ្ជាក់ថា សមយុទ្ធរវាងអាមេរិក នឹងកូរ៉េខាងត្បូង ទ្រង់ទ្រាយធំបាននិងកំពុងធ្វើឡើងនៅឡើយទេ ហើយសម្ព័ន្ធមិត្តទាំងពីរនេះ បានអះអាងថានឹងបន្តរហូតដល់ខែមេសា បើទោះបីជាកូរ៉េខាងជើង ថ្កោលទោស គម្រាម ឬ កើតទុក្ខមិនសុខចិត្តរហូតដល់ប្តឹងទៅកាន់ អន្តរជាតិយ៉ាងណាក៏ដោយ៕</span></p>
<p><span style="color: #000000;"><img src="https://img.washingtonpost.com/rw/2010-2019/WashingtonPost/2016/03/10/Foreign/Images/South_Korea_North_Korea_Nuclear-09620.jpg?uuid=NTsT6uZ9EeW8CD4DpbQZEA" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>