<p><span style="color: #000000;">បើទោះបីជា <span class="VCCTagItemInNews">Samsung Galaxy Note</span> 5 ទើបតែបង្ហាញខ្លួនបានកន្លះឆ្នាំ រីឯ Samsung Galaxy S7 នៅ មិនទាន់ទាំងបានប្រកាសបង្ហាញណែនាំខ្លួននៅឡើយផងនោះ ប្រិយមិត្តអ្នកគាំទ្រដែលស្រឡាញ់វិស័យ បច្ចេកវិទ្យា ក៏បានទទួលព័ត៌មានចចាមអារ៉ាមដំបូង ដែលពាក់ព័ន្ធនឹង Samsung Galaxy Note 6 ទៅ ហើយ។ ជាក់ស្តែង ព័ត៌មានដែលលេចចេញពីបណ្តាញទំនាក់ទំនងសង្គម Weibo បានឲ្យដឹងថា Samsung Galaxy Note 6 នឹងត្រូវបានក្រុមហ៊ុនបំពាក់នូវអេក្រង់ទំហំ 5,8 inch បច្ចេកវិទ្យា Slim RGB AMOLED អាចបង្ហាញកំរិតភាពច្បាស់ 1.440 x 2.560 pixel។</span></p>
<p><a class="thickbox" title="" href="/FileManager/Commons/2016/2/15/photo-1-1455295145808-15-02-2016--16-55-57.jpg"><img style="display: block; margin-left: auto; margin-right: auto;" src="/FileManager/Articles/mce/2016/2/15/photo-1-1455295145808-15-02-2016--16-55-57.jpg" alt="" /></a></p>
<p><span style="color: #000000;">អ្វីដែលគួរឲ្យកត់សំគាល់នោះ ប្រភពបានឲ្យដឹងថា ស្មាតហ្វូននេះនឹងមាន RAM ទំហំធំឡើងដល់ 6 GB ដែលមានការអាប់ឌេតគួរកត់សំគាល់ពីទំហំ 4 GB ដែលមាននៅលើ Note 5។ លក្ខណៈសម្បត្តិផ្សេង ទៀតរួមមាន កាមេរ៉ាក្រោយទំហំ 12 MP ជាមួយនឹងបច្ចេកវិទ្យាថ្មី Super O.I.S Plus និងមានអង្គផ្ទុក ទិន្នន័យពីរទំហំគឺ 64 GB និង 128 GB។ ចំណែកប៊ិច S-Pen ប្រចាំត្រកូល Galaxy Note ពិតណាស់ ដែលវានៅតែបន្តមានវត្តមានដដែល។</span></p>
<p style="text-align: center;"><a class="thickbox" title="" href="/FileManager/Commons/2016/2/15/photo-2-1455295145810-15-02-2016--16-57-09.jpg"><img src="/FileManager/Articles/mce/2016/2/15/photo-2-1455295145810-15-02-2016--16-57-09.jpg" alt="" /></a></p>
<p style="text-align: center;"><em>ប្រភពបានឲ្យដឹងថា Galaxy Note 6 នឹងមានអេក្រង់ធំជាងបន្តិចបន្តួច បើប្រៀបនឹង Note 5</em></p>
<p><span style="color: #000000;">ជាទូទៅ Samsung តែងតែធ្វើការបង្ហាញណែនាំស្មាតហ្វូនម៉ូដែលថ្មីនៃត្រកូល Galaxy Note នៅក្នុងខែ សីហា ឬខែកញ្ញា ចុងឆ្នាំ ពោលមុនពេលដែល iPhone ស៊េរីថ្មីបង្ហាញវត្តមាន៕</span></p>
<p><span style="color: #0000ff;"><a href="http://www.camnews.com.kh/News/Detail/8070/lg-launched-new-smartphone-of-x-series"><span style="color: #0000ff;"><em>- អានអត្ថបទ៖ LG ឆ្លៀតបង្ហាញណែនាំស្មាតហ្វូនស៊េរីថ្មី ត្រកូល "X Series" ពីរម៉ូដែល មុនថ្ងៃនៃការ បង្ហាញ LG G5<br /></em></span></a><em><a href="http://www.camnews.com.kh/News/Detail/17636/front-and-back-pictures-of-samsung-galaxy-s7-edge"><span style="color: #0000ff;"><em>- អានអត្ថបទ៖ លេចចេញរូបភាព នៃរូបរាងរបស់ Galaxy S7 Edge កាន់តែច្បាស់ ស្របពេលថ្ងៃ បង្ហាញណែនាំខ្លួន កាន់តែខិតជិតមកដល់</em></span></a></em></span><em></em></p>
<p style="text-align: right;"> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>PhoneArena, Kenh14</em></p>