<p><strong>ភ្នំពេញៈ</strong> តារាចម្រៀងចាស់វស្សា ធ្លាប់មានភាពលេចធ្លោ ក្នុងស្រទាប់យុវវ័យ សុគន្ធ នីសា <br />ពិតជាស្ថិតក្នុងដួងចិត្ត របស់មនុស្សគ្រប់វ័យ អស់រយៈពេលជិត ១០ ឆ្នាំកន្លងមកហើយ ចាប់<br />តាំងពីនាងបានលេចមុខដំបូង ក្នុងផលិតកម្មរស្មីស្ទឹងសង្កែ ហើយកេរ្តិ៍ឈ្មោះ ដ៏ល្បីល្បាញនេះ<br /> បានធ្វើឲ្យខ្សែជីវិតរបស់នាង វិវឌ្ឍន៍ទៅមុខទាំងខាងវិស័យសិល្បៈ រហូតដល់ក្លាយខ្លួនជាថៅកែ<br />ស្រី បើកហាងរកស៊ីដល់ទៅ ៣ក្នុងពេលតែមួយថែមទៀតផង។</p>
<p>ក្នុងមួយរយៈពេលនេះ គេសង្កេតឃើញថា សន្ទុះកេរ្តិ៍ឈ្មោះរបស់នារី ស្រគត់ស្រគំបែបខ្មែរ និង<br />ជាលំអងផ្ការសាត់អណ្ដែត មកពីខេត្តក្រចេះ សុគន្ធ នីសា ហាក់មិនសូវមានភាព លេចធ្លោខ្លាំង<br />ដូចមុនទេ ។ ដោយនាងមិនសូវមាន បទចម្រៀងល្បី លេចធ្លោខ្លាំង។ មិនតែប៉ុណ្ណោះនាងហាក់<br />ដូចជា មិនសូវអើពើ និងការងារក្នុងស្រុកចេញមុខមាត់ បទចម្រៀងថ្មីប៉ុន្មានទេ ដោយគេឃើញ <br />នាងហាក់ដូចជា មមាញឹកក្នុងការកើបលុយ នៅក្រៅប្រទេស មិនខ្វល់ខ្វាយពីកេរ្តិ៍ឈ្មោះទាល់តែ<br />សោះ។</p>
<p>បន្ទាប់ពី សុគន្ធ នីសា បានផ្លាស់ពីទ្រនំចាស់ ទៅជ្រកក្នុងទ្រនំថ្មី ម្ចាស់បទ "បងនឹកគេដល់ថ្នាក់ចង់<br />ឈឺ" គេសង្កេតឃើញថា ប្រជាប្រិយភាព សន្ទុះនៃការគាំទ្រហាក់ដូចជា ធ្លាក់ចុះជាលំដាប់ រហូត<br />ធ្វើឲ្យអ្នកគាំទ្រនាងជាច្រើន បានសម្តែងនូវការស្តាយកេរ្តិ៍ឈ្មោះ ដែលនាងខិតខំប្រឹងយកមក ដោយ<br />ការលំបាកអស់រយៈពេលជាច្រើនឆ្នាំ ។ តែនាងបែរជាធ្វេស ប្រហែស លែងខ្វល់ខ្វាយ ថែរក្សាឈ្មោះ<br />ឲ្យល្បីទាល់តែសោះ។</p>
<p>បើតាមសំដីរបស់អ្នកគាំទ្រ នីសា បានប្រាប់ LookingTODAY ឲ្យដឹងថា "ពួកគេមានការបារម្ភ ចំពោះ<br />កេរ្តិ៍ឈ្មោះរបស់នាងខ្លាំង នៅពេលដែលគេ មិនសូវឃើញបទចម្រៀងថ្មីៗ របស់នាងចេញលក់នៅ<br /> លើទីផ្សារ ។ មួយវិញទៀតរាល់បទចម្រៀង របស់នាងហាក់មិនសូវទាក់ទាញ ការចាប់អារម្មណ៍ដូច<br />បទ ចម្រៀងមុនៗប៉ុន្មានទេ" ។ ផ្ទុយទៅវិញ នាងបែរជា ងាកទៅចាប់ យកមុខរបររកស៊ី បើកហាង<br />ដល់ទៅ៣ក្នុងពេលតែមួយ យកពេលទៅមើលការ ខុសត្រូវហាង ធ្វើឲ្យនាងបែងចែកពេលវេលាជា<br />ពីរ មិនដូចមុននោះទេ។</p>
<p>ក្រុមអ្នកគាំទ្រខ្លាំង លើ សុគន្ធ នីសា ព្រមជាមួយនឹងមហាជន មួយចំនួនទៀត បានចោទជា<br />សំណួរថា តើ សុគន្ធ នីសា សុខចិត្តលះបង់ការស្រលាញ់ របស់ក្រុមអ្នកគាំទ្ររូបនាង រួចទៅ<br />ចាប់យកអាជីពរកស៊ី ដោយគ្មានស្ដាយកេរ្តិ៍ឈ្មោះអ្វីសោះឬយ៉ាងណា?។</p>
<p>អ្នកគាំទ្របានបន្ថែមទៀតថា បើគ្រាន់តែជាតារាចម្រៀង កំដរឆាកធម្មតា វាមិនជាអ្វីនោះទេ តែ<br /> សុគន្ធ នីសា ត្រូវបាន គ្រប់គ្នាចាត់ទុក ជាកំពូលតារាចម្រៀង ដែលមានសមត្ថភាពខ្ពស់ ទាំងទឹក<br />ដមសំឡេង អាចច្រៀងបានគ្រប់បទចម្រៀង (សម័យ និង ពីដើម) ជាពិសេសរូប សម្បត្តិ ដែល<br />ស្រស់ស្អាតរបៀបនារីខ្មែរ ។ ដូច្នេះវាគួរឲ្យសោកស្តាយប៉ុណ្ណា ប្រសិន បើនាង បាត់បង់ភាពល្បី<br />ល្បាញ ដោយសារតែរវល់រឿងរកស៊ីនោះ។</p>
<p>ជាការពិតណាស់ សុគន្ធ នីសា បានចេញបទចម្រៀង ជារឿយៗនៅ ផលិតកម្ម ថោន ដែលជា<br />ទ្រនំថ្មីរបស់នាងតាំងពីចុងឆ្នាំ ២០១១ មកនោះ ប៉ុន្តែរហូតដល់ពាក់កណ្តាលឆ្នាំ ២០១៣ នេះសំឡេង<br />ដ៏ក្រអួនក្រអៅរបស់នាង មិនត្រូវបានគេ ឮច្រើននៅតាមបណ្តាទូរទស្សន៍ វិទ្យុទៀតឡើយ ក៏ព្រោះ<br />តែផលិតកម្មមិនសូវលើកតម្កើង ឬ មួយយ៉ាងណានោះ? ក៏គ្មាននរណា អាចសន្និដ្ឋានបានដែរ?</p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0552.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0553.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0554.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0555.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0556.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0557.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធដោយ ៖ ដើមអំពិល </p>