<p><span style="color: #000000;"><strong>ភ្នំពេញ៖</strong> នៅក្នុងរយៈពេលប៉ុន្មានថ្ងៃនេះ គេសង្កេតឃើញថា មានវត្តមានតារាជើងចាស់២ដួងគឺ តារាចម្រៀងលោក សួស សងវាចា ដែលពេលនេះបានបញ្ជូន ទៅព្យាបាលជំងឺ នៅប្រទេសវៀតណាម ហើយនៅក្នុងនោះ សូម្បីតែតារាកំប្លែងចាស់វស្សា លោក ម៉ៅ សាមឿន ហៅ វីតាមីនសេ ក៏បានធ្លាក់ខ្លួនឈឺជាទម្ងន់ ហើយត្រូវចូលវះកាត់នាព្រឹកនេះផងដែរ ។</span></p>
<p><span style="color: #000000;">ជួបសម្ភាសន៍ ជាមួយកូនស្រីរបស់ តារាកំប្លែង នាយ វីតាមីនសេ គឺអ្នកនាង ប៉េងប៉ោង បានប្រាប់គេហទំព័រ Looking TODAY ឲ្យដឹងថា ឪពុករបស់នាងទើបតែចេញ ពីបន្ទប់វះកាត់មុននេះ ហើយការវះកាត់គឺទទួលបានជោគជ័យ ពេលនេះគ្រូពេទ្យចង់ឲ្យឪពុករបស់នាង សម្រាកឲ្យបានច្រើន ។</span></p>
<p><span style="color: #000000;">តារាកំប្លែងមាឌធំ អ្នកនាង ប៉េងប៉ោង បានប្រាប់ឲ្យដឹងថា «ឪពុករបស់ខ្ញុំ មានជំងឺច្រើនណាស់ មានដូចជា ជំងឺបូសអន្ទង់ហូរខ្ទុះ ប្រមាណជាង២សប្តាហ៍ហើយ ដោយមិនអាចទុកបាន ទើបត្រូវវះកាត់បន្ទាន់ ជំងឺឫសដូងបាត ជំងឺលើសឈាម ជំងឺលើសជាតិស្ករ និងជំងឺមួយចំនួនទៀត។ ក្នុងនាមជាកូន និងគ្រួសារ ពិតជាសប្បាយចិត្តខ្លាំងណាស់ ពេលដែលឪពុកវះកាត់ ទទួលបានជោគជ័យ ហើយពេលនេះអាការយ៉ាងណាៗហើយ ត្រូវសម្រាកព្យាបាលយូរយ៉ាងណា គឺខ្ញុំនៅមិនទាន់ដឹងនៅឡើយទេ ព្រោះមិនទាន់បានសួរគ្រូពេទ្យ…»។</span></p>
<p><span style="color: #000000;">ជាមួយគ្នានោះដែរ តារាកំប្លែងស្រីរូបនេះ បានប្រាប់ឲ្យដឹងទៀតថា ឪពុករបស់នាង បានធ្លាក់ខ្លួនឈឺជាទម្ងន់ កាលពីម្សិលមិញ ដោយសារតែខ្ទុះហូរខ្លាំងពេក ទើបគូ្រពេទ្យត្រូវប្រញាប់វះកាត់ អ្វីដែលធ្វើឲ្យនាងសប្បាយរីករាយនោះ គឺនៅពេលដែលឪពុកធ្លាក់ខ្លួនឈឺ គឺមានអ្នកសិល្បៈ អ្នកសារព័ត៌មានជាច្រើន មានការយកចិត្តទុកដាក់ និងបារម្ភពីឪពុកនាង ។ នៅក្នុងនោះ គ្រូពេទ្យនៅមន្ទីរពេទ្យកាល់ម៉ែត្រ ក៏បានយកចិត្តទុកដាក់ ក្នុងការព្យាបាលឪពុកនាងខ្លាំងណាស់ ។</span></p>
<p><span style="color: #000000;">ទន្ទឹមនឹងស្ថានភាពជំងឺលោក វីតាមីនសេ ហាក់បានធូរស្រាលបន្តិចក្រោយពីវះកាត់រួច នោះកូនស្រីលោក អ្នកនាង ប៉េងប៉ោងក៏បានទទូច ស្វែងរកជំនួយផងដែរថា «ដោយសារតែឪពុកខ្ញុំឈឺច្រើន ហើយធ្វើការវះកាត់ក៏ច្រើនដង ចំណូលពីសិល្បៈក៏បានតិចទៀត ហេតុដូច្នេះខ្ញុំ និងគ្រួសារ ខំប្រឹងទាំងត្រដាបត្រដួស អស់ពីសមត្ថភាព ក្នុងការព្យាបាលជំងឺឪពុក ដូច្នេះខ្ញុំក៏សូមអំពាវនាវ ទៅដល់សប្បុរសជន មេត្តាជួយឧបត្ថម្ភថវិកាជួយដល់ឪពុកខ្ញុំ បានព្យាបាលជំងឺបន្តទៀត ។ ប្រសិនបើទស្សនិកជនឬបងប្អូនប្រជាពលរដ្ឋចង់ ជួយដល់ក្រុមគ្រួសារខ្ញុំ អាចទាក់ទងមកលេខខ្ញុំ បាន ០១២ ៧៧៤០៤៥, ០១២ ៥៥ ៣៨ ៦៥»៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/8/78-08-09-2015--16-33-57.jpg"><img src="/FileManager/Articles/mce/2015/9/8/78-08-09-2015--16-33-57.jpg" alt="" /></a></span></p>
<p><a class="thickbox" title="" href="/FileManager/Commons/2015/9/8/79-08-09-2015--16-34-06.jpg"><img src="/FileManager/Articles/mce/2015/9/8/79-08-09-2015--16-34-06.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/8/78-08-09-2015--16-33-57.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>