<p><strong>ភ្នំពេញៈ</strong> ក្រុមចោរប្លន់មួយក្រុម បានធ្វើសកម្មភាពភ្ជង់បាញ់ ២គ្រាប់ ប្លន់យកម៉ូតូមួយគ្រឿង<br /> ខណៈជនរងគ្រោះបណ្តើរម៉ូតូ ប្រុងឌុបប្រពន្ធទៅធ្វើការរោងចក្រ ហេតុការណ៍ នេះកើតឡើង<br />កាលពីវេលាម៉ោង៥និង៣០នាទីព្រឹក ថ្ងៃទី១៤ ខែមករា ឆ្នាំ២០១៣ ស្ថិតនៅខាងមុខផ្ទះជួល<br /> ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំ ពេញ។</p>
<p>បើយោងតាមប្រភពព័ត៌មាន ពីសាច់ញាតិរបស់ជនរងគ្រោះ បានឲ្យដឹងថា ជនរងគ្រោះមាន <br />ឈ្មោះ វ៉ា វៃ ភេទប្រុស អាយុ ៣០ឆ្នាំ មានមុខរបរជាជាង សំណង់ ស្នាក់នៅក្នុងផ្ទះជួលកើត<br />ហេតុ មានស្រុកកំណើតនៅភូមិស៊ីការ ឃុំស្វាយយា ស្រុកស្វាយជ្រំ ខេត្តស្វាយរៀង និងមាន<br />ប្រពន្ធឈ្មោះ សុខ ហៀន អាយុ ២៦ឆ្នាំ មានមុខរបរ ជាកម្មករោងចក្រ ស្នាក់នៅផ្ទះជួលជាមួយ<br />គ្នា ម៉ូតូដែលក្រុមចោរធ្វើសកម្មភាព ភ្ជង់បាញ់ប្លន់យកទៅបាត់នោះ ម៉ាក សេ១២៥ ពណ៌ខ្មៅ<br /> ស៊េរីឆ្នាំ២០១២ ពាក់ស្លាកភ្នំពេញ <strong>1BM-9501</strong> ចំណែកឯជនសង្ស័យវិញ ពុំត្រូវបានគេស្គាល់<br />អត្តសញ្ញាណនោះទេ មានគ្នា ៣នាក់ ជិះម៉ូតូ ២គ្រឿង មួយគ្រឿង ម៉ាក សេ ១២៥ ពណ៌ខ្មៅ និង<br />មួយគ្រឿងទៀត ម៉ាក គ្រីសអង្គរ ពុំចាំស្លាកលេខទាំងពីរ និងប្រើប្រាស់អាវុធខ្លី ២ដើម មិនស្គាល់<br />ម៉ាក ធ្វើសកម្មភាពបាញ់ ២គ្រាប់ រួចហើយគេចខ្លួនបាត់។</p>
<p>សាច់ញាតិរបស់ជនរងគ្រោះ បានបន្តទៀតថា មុនពេលកើតហេតុ ជនរងគ្រោះបានបណ្តើរម៉ូតូ <br />ចេញពីផ្ទះជួល ក្នុងគោលបំណង ឌុបប្រពន្ធទៅធ្វើការរោងចក្រ លុះ ពេលបណ្តើរ ដល់ត្រង់មាត់<br />ច្រកទ្វារចេញ ក៏ស្រាប់តែឃើញជនសង្ស័យពីរនាក់ ជិះម៉ូតូ១គ្រឿង សេ១២៥ មកចាំតាំងពីពេល<br />ណានោះទេ បានដកកាំភ្លើងខ្លី១ដើម បម្រុងភ្ជង់ ហើយបានស្រែប្រាប់ជនរងគ្រោះកុំឲ្យមាត់ ចំ<br />ណែកឯជនរងគ្រោះវិញ ឃើញយ៉ាងដូច្នេះ ក៏បានធាក់ម៉ូតូខ្លួនផ្តួល រួចហើយរត់គេចខ្លួន ភ្លាមៗនោះ<br />ជន សង្ស័យ ក៏បានបាញ់១គ្រាប់គំរាម ប៉ុន្តែជនរងគ្រោះ នៅតែបន្តរត់គេចខ្លួន ទៅពួននិងជ្រុងទ្វារ<br />របង របស់អ្នកស្រុកក្បែរនោះ រំពេចនោះក៏ស្រាប់តែឃើញបក្ខពួក របស់ជនសង្ស័យម្នាក់ទៀត ជិះ<br />ម៉ូតូមកដល់ ទំនងជាអ្នកបិទគូទ នៅរង់ចាំក្បែរនោះ ពេលនោះជនសង្ស័យ បានបាញ់សំដៅទៅលើ<br />ជនរងគ្រោះ មួយគ្រាប់ទៀត ប៉ុន្តែសំណាងល្អ ដោយជនរងគ្រោះអែបច្រកទ្វារចូលផ្ទះគេទាន់ មិន<br />បណ្តាលឲ្យរងរបួស នោះទេ ហើយជនសង្ស័យ ក៏បានលើកម៉ូតូរបស់ជនរងគ្រោះ ជិះគេចខ្លួនបាត់<br />ទៅ ។ សាច់ញាតិរបស់ជនរងគ្រោះ បានបន្ថែមថា បើតាមជនរងគ្រោះនិយាយវិញនោះ ជនសង្ស័យ<br /> គឺប្រើប្រាស់អាវុធខ្លីចំនួន ២ដើមឯណោះ ខណៈធ្វើសកម្មភាព។</p>
<p>បន្ទាប់ពីកើតហេតុ ជនរងគ្រោះបាននាំគ្នា ទៅដាក់ពាក្យបណ្តឹង នៅប៉ុស្តិ៍នគរបាលចោមចៅ ដើម្បីឲ្យ<br />នគរបាលជួយអន្តរាគមន៍ និងស្វែងរកជនសង្ស័យទាំងនោះ ឃាត់ខ្លួន យកទៅផ្តន្ទាទោសទៅតាមផ្លូវ<br />ច្បាប់៕</p>
<p><a class="thickbox" title="" href="/FileManager/Commons/2013/1/14/that-0269-14-01-2013--13-48-50.jpg"><img src="/FileManager/Articles/mce/2013/1/14/that-0269-14-01-2013--13-48-50.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>