<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងថា ក្នុងការឧបត្ថម្ភជូនមន្រ្តីរាជការ កងកម្លាំងប្រដាប់អាវុធ និងមន្រ្តីចូលនិវត្តន៍ សម្រាប់បុណ្យចូលឆ្នាំខ្មែរ ខាងមុខនេះ រាជរដ្ឋាភិបាលកម្ពុជា ត្រូវចំណាយ ប្រមាណ៦លានដុល្លារសហរដ្ឋអាមេរិក។</span></p>
<p><span style="color: #000000;">ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន កាលពីថ្ងៃទី២៥ ខែមីនា ឆ្នាំ២០១៦ បានសម្រេចឧបត្ថម្ភថវិកា ៥ម៉ឺនរៀល ដល់មន្រ្តីរាជការ គ្រប់ក្រសួងស្ថាប័ន នៅក្នុងឱកាសបុណ្យចូលឆ្នាំថ្មី ប្រពៃណីជាតិ នៅខែមេសា ឆ្នាំ២០១៦នេះ។ ប្រាក់ឧបត្ថម្ភនេះ ក្រសួង ស្ថាប័នសាមី ត្រូវរៀបចំជូនមន្រ្តីរាជការ បុគ្គលិក និង ភ្នាក់ងារសាធារណៈរបស់ខ្លួន ឱ្យបានរួចរាល់បន្ទាប់ពីបើក គណនីបៀវត្សរ៍។</span></p>
<p><span style="color: #000000;">សម្តេចបានអះអាងថា រាជរដ្ឋាភិបាលកម្ពុជា ក្រោមការដឹកនាំរបស់គណបក្សប្រជាជនកម្ពុជា តែងតែនិយាយហើយធ្វើ មិនធ្វើការសន្យាខ្យល់ដូចគណបក្សមួយចំនួននោះទេ។ សម្តេចថា ទោះជាយ៉ាងណា រាជរដ្ឋាភិបាល នឹងខិតខំប្រឹងប្រាក់ ដំឡើងប្រាក់ខែជូនមន្រ្តីរាជការ ឱ្យបាន១លានរៀល នៅឆ្នាំ២០១៨ ខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/30/175-30-03-2016--14-28-13.jpg"><img src="/FileManager/Articles/mce/2016/3/30/175-30-03-2016--14-28-13.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>