<p><span style="color: #000000;"><strong>(អ៉ីស្លាមបាដ)៖</strong> មនុស្សយ៉ាងហោចណាស់ចំនួន ១១នាក់បានស្លាប់បាត់បង់ជីវិត និង៧០នាក់ផ្សេងទៀតបានទទួលរងរបួសនៅពេលដែលអគ្គិភ័យដ៏សន្ធោសន្ធៅ បានឆាបឆេះសណ្ឋាគារមួយកន្លែងក្នុងទីក្រុង Karachi ភាគខាងត្បួងប្រទេសប៉ាគីស្ថាន នៅព្រឹកព្រលឹមថ្ងៃចន្ទនេះ។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះបន្តិចនារសៀលថ្ងៃចន្ទ ទី០៥ ខែធ្នូ ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/12/5/13-05-12-2016--14-11-29.jpg"><img src="/FileManager/Articles/mce/2016/12/5/13-05-12-2016--14-11-29.jpg" alt="" /></a><br /></span></p>
<p><span style="color: #000000;">លោកស្រី Seemi Jamali អគ្គនាយកផ្នែកវេជ្ជសាស្រ្តនៃមន្ទីរពេទ្យ Jinnah ដែលជាកន្លែងជនរងគ្រោះត្រូវបានបញ្ជូនទៅកាន់បានឲ្យដឹងថា ខណៈពេលនេះសាកសពមនុស្សទាំង ១១នាក់បានរក្សាទុកនៅកន្លែងតម្កល់សាកសពរបស់មន្ទីរពេទ្យ ដើម្បីត្រៀមប្រគល់ជូនសាច់ញាតិយកទៅធ្វើបុណ្យតាមប្រពៃណី នៅក្រោយពេលដែលឆ្លងកាត់ការកំណត់អត្តសញ្ញាណហើយរួចរាល់។</span></p>
<p><span style="color: #000000;">លោកស្រី Jamali បានបញ្ជាក់បន្ថែមថា នៅក្នុងចំណោមអ្នកដែលស្លាប់រួមមានស្រ្តីចំនួនបួននាក់ហើយអ្នកដែលរងរបួសក៏មានជនបរទេសនៅក្នុងនោះផងដែរ ប៉ុន្តែសញ្ជាតិរបស់ពួកគេពុំត្រូវបានបង្ហើបឲ្យដឹងឡើយ។</span></p>
<p><span style="color: #000000;"><a class="thickbox" title="" href="/FileManager/Commons/2016/12/5/13a-05-12-2016--14-11-43.jpg"><img src="/FileManager/Articles/mce/2016/12/5/13a-05-12-2016--14-11-43.jpg" alt="" /></a><br /></span></p>
<p><span style="color: #000000;">គួរបញ្ជាក់ថា បើយោងតាមប្រភពពីមន្ទីរពេទ្យខាងលើដដែល គេកំពុងតែព្រួយបារម្ភថាចំនួនអ្នកបាត់បង់ជីវិតអាចនឹងកើនឡើងជាបន្តបន្ទាប់ទៀត ដោយសម្អាងថាអ្នកដែលបានទទួលរងរបួសចំនួន ៣០នាក់ កំពុងស្ថិតនៅក្នុងសភាពធ្ងន់ធ្ងរខ្លាំង។ ដោយឡែកគ្រោះអគ្គិភ័យដ៏ខ្លាំងក្លាមួយនេះត្រូវបានគេពន្លត់ឲ្យរលត់មួយរយភាគរយហើយ ប៉ុន្តែភ្នាក់ងារពន្លត់អគ្គិភ័យនៅតែបន្តដឹកនាំប្រតិបត្តិការជួយសង្រ្គោះ និងតាមស្វែងរកនៅក្នុងសណ្ឋាគារកើតហេតុនៅឡើយ៕</span></p>
<p><span style="color: #000000;"><br /><object width="480" height="380" data="http://www.youtube.com/v/-OHuPrUD_tY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/-OHuPrUD_tY&rel=1" /></object><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ/អ័រតេ</span></p>