<div class="article-content">
<p><strong>ភ្នំពេញៈ</strong> អំពើឃាតកម្មមួយ បង្កឡើងដោយជនដៃដល់ ៣នាក់ បណ្ដាលឲ្យបុរស ជាកម្មករម្នាក់<br />ស្លាប់ភ្លាមៗ នៅនឹងកន្លែងកើតហេតុ ចំណែកជន ដៃដល់បានរត់គេចខ្លួន បន្សល់ទុកម៉ូតូមួយគ្រឿង<br /> ត្រូវសមត្ថកិច្ចដកហូត ហើយសពត្រូវបានសាច់ញាតិ ដឹកយកទៅតម្កល់នៅវត្ដទឹកថ្លា។</p>
<p>ហេតុការណ៍វាយសម្លាប់គ្នានេះ ត្រូវបានគេរាយការណ៍មកថា ក្រុមជនដៃដល់បានចោទប្រកាន់ថា<br /> ជនរងគ្រោះមកបង្កហេតុ ក្នុងហាងកាហ្វេ ដែលជាកន្លែងខ្លួនកាង។</p>
<p>ហេតុការណ៍នេះ បានកើតឡើងកាលពីវេលា ម៉ោង០៨និង១៥នាទី យប់ថ្ងៃទី០៧ ខែមេ សា ឆ្នាំ<br />២០១៣ នៅចំណុចហាងកាហ្វេ ផ្ទះលេខ៨ ផ្លូវ៥៩៨ ម្ដុំត្រឡោបែក ស្ថិតក្នុងសង្កាត់ បឹងកក់ទី២<br /> ខណ្ឌទួលគោករាជធានីភ្នំពេញ។ ជនរងគ្រោះដែលត្រូវព្រួតគ្នា វាយសម្លាប់ មានឈ្មោះ លីវ ពីប៉ូ <br />អាយុ ២០ឆ្នាំ មានមុខរបរ ជាកម្មករលើកភេសជ្ជៈឲ្យក្រុមហ៊ុន បាហ្កាស បច្ចុប្បន្នស្នាក់នៅផ្ទះ ក្នុង<br />សង្កាត់ទំនប់ទឹក ខណ្ឌមានជ័យ រាជធានីភ្នំពេញ។ ចំណែកក្រុមជនដៃដល់មានគ្នា៣នាក់ ត្រូវសមត្ថ<br />កិច្ចកំណត់អត្ដសញ្ញាណបានហើយ និងកំពុងសុំដីកាពីតុលាការ ដើម្បីស្វែងរកចាប់ខ្លួន។</p>
<p>តាមនគរបាលប៉ុស្ដិ៍រដ្ឋបាល សង្កាត់បឹងកក់២ បានបញ្ជាក់ថាមុនកើតហេតុ បងស្រីជនរងគ្រោះ និង<br />ជនរងគ្រោះ បានមកហៅបងប្រុសម្នាក់ ទៀត ឈ្មោះ លីវ ពិសី ដែលកំពុងផឹកកាហ្វេ នៅក្នុងហាង<br />កើតហេតុឲ្យទៅផ្ទះ ព្រោះប្រពន្ធនិងកូនឈឺ ។ នៅពេលនោះ ក្រុមជើងកាង ដែលជាជនដៃដល់បាន<br />ខឹង ថាជនរងគ្រោះមកអុកឡុក ក្នុងហាងកាហ្វេរបស់ខ្លួន ទើបនាំគ្នាព្រួតវាយជនរងគ្រោះ ស្លាប់នៅ<br />មុខហាងកាហ្វេតែម្ដង។</p>
<p>ក្រោយកើតហេតុ សមត្ថកិច្ចបានទៅដល់ ប៉ុន្ដែក្រុមជនសង្ស័យ បានរត់គេខ្លួនអស់ បន្សល់ទុកម៉ូតូ<br /> ម៉ាកអាយខុន ពណ៌ស្លាទុំលាយស។ ដោយ ឡែកម្ចាស់ហាងកាហ្វេ និងសាក្សីកន្លែងកើតហេតុ មួយ<br />ចំនួនត្រូវបានសមត្ថកិច្ច នាំមកសាកសួរភ្លាម ដើម្បីកំណត់អត្ដសញ្ញាណ ក្រុមជនសង្ស័យ ក្នុងអំពើ<br />ឃាតកម្មវាយសម្លាប់នេះ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-014/that-0234.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-014/that-0235.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-014/that-0236.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>