<p><span style="color: #000000;">មិនគួរឲ្យជឿ ៖ មន្ទីរពេទ្យមួយកន្លែង ដែលមានទីតាំងស្ថិតនៅភាគខាងត្បូងរដ្ឋប្រទេសឥណ្ឌា រដ្ឋ Kerala នោះ រងនូវការផាកពិន័យជាសាច់ប្រាក់ដល់ទៅ ៣៦,៨៩០ដុល្លារ បន្ទាប់ពាក់ព័ន្ធនឹងករណី ភ័នច្រឡំក្នុងការប្រគល់ជូនសាកសព ២ សាកសពទៅកាន់ក្រុមគ្រួសារនៃសពដើម្បីយកទៅបូជា ។</span></p>
<p><span style="color: #000000;">របាយការណ៍ បញ្ជាក់ឲ្យដឹងថា នៅពេលដែលកូនស្រីមកទទួលយកសពឪពុកដែលមានឈ្មោះថា Purushothaman ខាងមន្ទីរពេទ្យបែរជាច្រឡំអោយសាកសពបុរសម្នាក់ផ្សេងទៀត ពីក្រុមគ្រួសារ មួយដែលមានបុរសម្នាក់ស្លាប់ដូចគ្នា ឈ្មោះថា Kanthy ។ ប៉ុន្តែ ខាងមន្ទីរពេទ្យដែលមាន ឈ្មោះថា Ernakulam Medical Centre នៅតែទទូចថាខ្លួនបានប្រគល់សពខ្មោចត្រឹមត្រូវទៅកាន់ក្រុមគ្រួសារ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/17/21a-17-11-2016--09-44-29.jpg"><img src="/FileManager/Articles/mce/2016/11/17/21a-17-11-2016--09-44-29.jpg" alt="" /></a></span></p>
<p><span style="color: #000000;"> *រូបភាព ឯកសារ</span></p>
<p><span style="color: #000000;">តែក្រោយមក ការពិតត្រូវបានលាតត្រដាងនោះគឺ សាកសពឪពុករបស់ខ្លួនដែលមានឈ្មោះថា Purushothaman ត្រូវបានប្រគល់ទៅឲ្យគ្រួសារ លោក Kanthy ពិតប្រាកដមែន ខណៈសពត្រូវបាន គ្រួសារមួយនេះយកទៅបូជាបាត់ទៅហើយ ។ របាយការណ៍ បញ្ជាក់ឲ្យដឹងថា សពបុរសទាំង ២នាក់ បានស្លាប់ក្នុងថ្ងៃតែមួយ។ មេធាវីពីក្រុមគ្រួសារនៃសព បញ្ជាក់ឲ្យដឹងថា កូនស្រីសព បានប៉ះពាល់ផ្លូវ ចិត្តជាខ្លាំង នៅពេលដែលមិនបានបូជាសពបុរសជាឪពុក តែបែរជាគ្រួសារមួយផ្សេងទៀត យកទៅ បូជាទៅវិញ ។ </span></p>
<p><span style="color: #000000;">ប្រភពបន្តឲ្យដឹងថា ក្រោយបែកធ្លាយការពិត សពលោក Kanthy ត្រូវបានប្រគល់ទៅឲ្យក្រុមគ្រួសារ ខណៈម្តងនេះមិនច្រឡំទៀតនោះទេ ហើយក្រុមគ្រួសារសព Kanthy ក៏ធ្វើកម្មវិធីបុណ្យបូជា ជាលើក ទីពីរផ្ទាល់តែម្តង ។ ករណីនេះផ្ទាល់ ភាគីខាងមន្ទីរពេទ្យរងនូវការផាកពិន័យជាសាច់ប្រាក់ដល់ទៅ ២,៥លានរ៉ូពី (៣៦,៨៩០ដុល្លារ) ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/17/21-17-11-2016--09-44-42.jpg"><img src="/FileManager/Articles/mce/2016/11/17/21-17-11-2016--09-44-42.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>