<p>ស្ទើរតែមិនគួរអោយជឿ ៖ បន្ទាប់ពីបានដកស្រង់សម្តីមន្រ្តីផ្លូវការ ក្នុងស្រុក ទីភ្នាក់ងារសារព័ត៌មានបរ ទេសស្កាយ បានចេញផ្សាយ អត្ថបទអោយដឹងថា បុរសអនាថា គ្មានផ្ទះសម្បែងម្នាក់ ត្រូវបានរក អោយឃើញថា រងការវាយប្រហារ ប៊ិះនឹងស្លាប់បាត់បង់ជីវិត ពីសំណាក់ តោព្រៃមួយក្បាល ហែកស៊ី រូបគាត់ នៅក្នុងរដ្ឋ កាលីហ្វរញ៉ា សហរដ្ឋអាមេរិក ។</p>
<p>ជនរងគ្រោះ ពុំទាន់ស្គាល់អត្តសញ្ញាណច្បាស់លាស់រូបនេះ ត្រូវបានរកអោយឃើញថា ក៏កំពុងតែសំ រាកព្យាបាលធ្វើការវះកាត់ មុខរបួសធ្ងន់របស់ខ្លួន រួមមាន ក្បាល ក និងដៃ ជាដើម ខណៈគាត់ត្រូវ បានរកអោយឃើញថា ប៊ិះនឹងស្លាប់បាត់បង់ជីវិត ។ លោក Patrick Foy ជាអនុសេនីយ៍ទោ តំណាង អោយនាយកដ្ឋាន ត្រី និងសត្វព្រៃ រដ្ឋកាលីហ្វរញ៉ា បានគូសបញ្ជាក់អោយដឹងថា គាត់ពិតជាមានសំ ណាងហួស ខណៈពេលដែលមានឱកាស នៅរស់រាន មានជីវិត យ៉ាងដូច្នេះ ។</p>
<p><a class="thickbox" title="" href="/FileManager/Commons/2014/2/5/lion-05-02-2014--09-21-19.jpg"><img src="/FileManager/Articles/mce/2014/2/5/lion-05-02-2014--09-21-19.jpg" alt="" /></a><br /> បញ្ជាក់ ៖ រូបភាពខាងលើនេះ គ្រាន់តែជារូបភាព ឯកសារតែប៉ុណ្ណោះ </p>
<p>គួរបញ្ជាក់ផងដែរថា តោកំណាចព្រៃមួយក្បាលនោះ បានបើកការវាយប្រហារហែកស៊ី គាត់ទាំងរស់ ខណៈពេលដែលគាត់ ក៏កំពុងតែលង់លក់ដំណេក នៅលើកាតាបរបស់ខ្លួន ។ កន្លែងកើតហេតុមាន ទីតាំង ស្ថិតនៅ ភាគខាងត្បូងរដ្ឋ កាលីហ្វរញ៉ា ។ គួរបញ្ជាក់ផងដែរថា ក្រោយពីមានការវាយប្រហារ បុរសអនាថា មិនស្គាល់អត្តសញ្ញាណ រូបនេះ បានព្យាយាម វិលត្រលប់មកក្នុងភូមិអ្នកស្រុកវិញដើម្បី សុំជំនួយ ។</p>
<p>គាត់បញ្ជាក់អោយដឹងថា គាត់ពិតជាទទួលរងរបួសខ្លាំងណាស់ ហើយគាត់ពិតជាមិនបានដឹងថា អ្វី វាយប្រហារគាត់អោយពិតប្រាកដនោះទេ ។ ដោយឡែក បើតាមការអោយដឹង តំបន់កើតហេតុ ពុំ មានស្លាកសញ្ញា បញ្ជាក់អោយដឹង ពីគ្រោះថ្នាក់ សត្វព្រៃនោះទេ តែមកទល់នឹងខណៈនេះ ក្រុមមន្រ្តី មានសមត្តកិច្ច ក៏កំពុងតែ ព្យាយាម អោយអស់ពីលទ្ធភាព ក្នុងការតាមប្រមាញ់ តោកំណាចមួយ ក្បាលនោះ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>