<p><span style="color: #000000;"><strong>(ភ្នំពេញ)៖</strong> លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា នៅថ្ងៃទី២ ខែឧសភា ឆ្នាំ២០១៦នេះ បានណែនាំឱ្យប្រធានមន្ទីរអប់រំ រាជធានី-ខេត្ត ចាប់ផ្តើមអនុវត្តម៉ោងសិក្សាថ្មីដែលបានកំណត់នៅតាមគ្រឹះស្ថាននានា ដើម្បីសម្របនឹងអាកាសធាតុនៅកម្ពុជាដែលកំពុងឡើង កម្តៅខ្លាំង។</span></p>
<p><span style="color: #000000;">តាមលិខិតរបស់ លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជននិងកីឡា ផ្ញើទៅកាន់ប្រធានមន្ទីរអប់រំ តាមរាជធានី-ខេត្ត បានឱ្យដឹងថា ម៉ោងសិក្សាដែលត្រូវបានកំណត់ជាថ្មីនេះ នៅពេលព្រឹកត្រូវចូលរៀនម៉ោង ៧៖០០ដល់១០៖៣០នាទី ហើយពេលរសៀល ត្រូវចូលរៀន ពីម៉ោង១៖៣០ ដល់ម៉ោង៥៖០០។</span></p>
<p><span style="color: #000000;">លោករដ្ឋមន្រ្តីក៏បានណែនាំ ឱ្យតាមសាលាត្រូវត្រៀមទឹកសម្រាប់គ្រូ សិស្សប្រើប្រាស់ និងណែនាំឱ្យសិស្សយកទឹកឆ្អិនមកទទួលទាន់ពេល រៀនត្រូវបើកទ្វារ បង្អួចបន្ទប់រៀលឱ្យស្រឡៈល្អ និងពេលចេញលេងឱ្យសិស្សលេខក្នុងម្លប់ ជាដើម។</span></p>
<p><span style="color: #000000;">ទោះជាយ៉ាងណា អាកាសធាតុចាប់ពីដើមខែឧសភានេះ បានថយចុះមួយកម្រិតហើយ ដោយក្រសួងធនធានទឹកនិងឧតុនិយមបាន បញ្ជាក់ថា រយៈពេល៩ថ្ងៃតទៅនេះ កម្ពុជានឹងមានសីតុណ្ហភាពចាប់ពី ៣៤ដល់ ៤០អង្សាសេ និងតាមខេត្តរាជធានី មានភ្លៀងធ្លាក់ផងដែរ។ ជាមួយគ្នានេះ ក្រសួងធនធានទឹក ក៏បានអំពាវនាវឲ្យប្រជាពលរដ្ឋប្រុងប្រយ័ត្នចំពោះបាតុភូផ្គរ រន្ទះ និងខ្យល់កន្ត្រាក់ដែលអាចនឹង កើតមានឡើង ក្នុងអំឡុងពេលចាប់ពីថ្ងៃទី ៤ ដល់ ១១ ខែ ឧសភា ឆ្នាំ២០១៦៕</span></p>
<p> </p>
<p><img src="https://fbcdn-sphotos-c-a.akamaihd.net/hphotos-ak-xfa1/t31.0-8/s960x960/13116217_1368701363156474_7171101991342448417_o.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>