<p><strong>ភ្នំពេញ ៖</strong> ពីរនាក់ប្ដីប្រពន្ធ បានស្លាប់យ៉ាងវេទនា នៅកន្លែងកើតហេតុ ស្ទើរខ្ទេចរាងកាយទាំងមូល<br />ហើយ ស្ដ្រីជាភរិយា ចេញ បេះដូងតាមមាត់ បែកក្បាលធ្លាយខួរ ក្នុងថ្លុកឈាម ក្រោយពីរថយន្ដកុង<br />តឺន័រ ដឹកដែក មួយគ្រឿង បានកៀរ ហើយបុកកិនពីលើ ខណៈដែលជនរងគ្រោះទាំងពីរនាក់ កំពុង<br />ដើរតាម ផ្លូវ កាលពីវេលាម៉ោង ១១និង៣០នាទី យប់ថ្ងៃទី១៤ ខែសីហា ឆ្នាំ២០១៣ ស្ថិតនៅមុខផ្ទះ<br />លេខ ៣៣៩អា ផ្លូវ ១០១៩ (ផ្លូវហាណូយ) សង្កាត់ភ្នំពេញថ្មី ខណ្ឌសែនសុខ ។</p>
<p>មន្ដ្រីនគរបាលចរាចរ ខណ្ឌសែនសុខ បានឱ្យដឹងថា នៅវេលាម៉ោងកើតហេតុ ខាងលើនេះ មាន<br />រថយន្ដ កុងតឺន័រដឹកដែក ពាក់ ស្លាកលេខ ភ្នំពេញ ៣បេ ១២១៩ បានធ្វើដំណើរ ក្នុងទិសដៅពីជើង<br />ទៅត្បូង លុះ ដល់ចំណុចកើតហេតុ បានបុកប្ដីប្រពន្ធ ទាំងពីរ បណ្ដាលឱ្យស្លាប់ភ្លាមៗ នៅកន្លែង<br />កើតហេតុ ប៉ុន្ដែបើតាម សាក្សីខ្លះបានឱ្យដឹងថាបុរសជាប្ដីនៅមានដង្ហើមនៅឡើយលុះមួយក្រោយ<br />មក ព្រោះតែរថយន្ដពេទ្យ មកយឺត ក៏ដាច់ខ្យល់ស្លាប់តែម្ដងទៅ។</p>
<p>មន្ដ្រីនគរបាលបានបន្ដថា បុរសជាប្ដីឈ្មោះតែម ថុង អាយុ ៣២ឆ្នាំ រស់នៅភូមិក្បាលកោះ ឃុំឈើ<br />ខ្មៅ ស្រុកកោះធំ ខេត្ដ កណ្ដាល (នេះបើយោងតាមការពិនិត្យមើល លើអត្ដសញ្ញាណប័ណ្ណ ដែល<br />នៅជាប់នឹង ខ្លួន ) រីឯស្ដ្រីជាប្រពន្ធ មិនត្រូវបាន នរណាម្នាក់ស្គាល់ឈ្មោះនោះឡើយ ។ បើតាម<br />សមត្ថកិច្ច រថយន្ដបង្ក ក្រោយបុកជនរងគ្រោះទាំងពីរនាក់ បានបើករត់ រហូត ដល់ខាងត្បូងផ្សារ<br />មាន់អាំង ទើបសមត្ថកិច្ចចាប់ បាន រួមទាំងបុរសម្នាក់ ដែលអះអាងថា ជាព្រូរថយន្ដ រីឯអ្នកបើក<br />រថយន្ដ គេច ខ្លួនបាត់ទៅ ។</p>
<p>បច្ចុប្បន្ន សពជនរងគ្រោះទាំងពីរ ត្រូវបានសមត្ថកិច្ចយកទៅតម្កល់ទុក នៅវត្ដទឹកថ្លា ដើម្បីរង់ចាំ<br />ក្រុម គ្រួសារ មកទទួលយក ទៅធ្វើបុណ្យ រីឯរថយន្ដបង្ក ត្រូវសមត្ថកិច្ច យកទៅរក្សាទុក នៅ<br />ការិយាល័យ ចរាចរណ៍ជើងគោក រាជធានីភ្នំពេញ ដើម្បីចាត់ ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-078/Lay-118.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>